Kathlyn Williams

De Wikipedia
Saltar a navegación Saltar a la gueta
Kathlyn Williams
Kathlyn Williams35mm film frames.svg
Kathlyn Williams Stars of the Photoplay.jpg
Vida
Nacimientu Butte Traducir31  de mayu de 1879
Nacionalidá Bandera de Estaos Xuníos d'América Estaos Xuníos
Fallecimientu

Hollywood23  de setiembre de 1960

(81 años)
Sepultura Chapel of the Pines Crematory Traducir
Causa de la muerte infartu de miocardiu
Familia
Casáu/ada con Charles Eyton  (1916 -  1931)
Estudios
Estudios Rocky Mountain College Traducir
American Academy of Dramatic Arts
Oficiu
Oficiu actriz, guionista y actriz de cine
IMDb nm0931031
Cambiar los datos en Wikidata
Wallace Reid, centru, mira a Joe King, derecha, con Kathlyn Williams sentada ente ellos, nuna escena de "Big Timber (1917)."

Kathlyn Williams (31 de mayu de 187923 de setiembre de 1960) foi una actriz teatral y cinematográfico de nacionalidá estauxunidense, activa na dómina del cine mudu.

Entamos. Carrera[editar | editar la fonte]

El so nome completu yera Kathleen Mabel Williams, y nació en Butte, Montana. Fía única, los sos padres yeren Joseph Edwin "Frank" Williams, propietariu d'una pensión, y Mary C. Boe (1846–1908) d'orixe galés y noruegu.[1] Munches biografíes sostienen que nació en 1888; sicasí, nel censu de 1880 apaez con un añu d'edá.

Williams demostró dende nuevu interés por ser actriz. Miembru del Woman's Relief Corps, pudo demostrar la so maña vocal en recitales de calter llocal. Anque yera conocida por tener una voz fayadiza al cantar, la principal vocación de Williams yera la interpretación. Ella estudió na Montana Wesleyan University (actual Rocky Mountain College) d'Helena nos postreros años 1890, graduándose en 1901. En mayu de 1899 interpretó "The Gypsy Flower Girl" na competición añal de la so universidá. El 29 de mayu de 1900 recibió una medaya d'oru pola so actuación en "Old Mother Goose" na Montana Wesleyan. Williams perdió al so padre escontra 1894, y la so madre casóse con Fred Lavoie en 1895, divorciándose al siguiente añu.

Con escasos recursos económicos na so familia, Williams dependía de terceres persones pa poder completar los sos estudios. Les sos aspiraciones como actriz llamaron l'atención de William A. Clark, un ricu senador de Montana, qu'ayudó a financiar la so educación y la so preparación como actriz. Clark pagó la so matrícula na American Academy of Dramatic Arts de Nueva York. Tamién recibió'l sofitu de Richard "Uncle Dick" Sutton, propietariu de dellos teatros en Butte, onde Williams empecipió la so carrera teatral. En 1902 Williams foi miembru d'un grupu teatral llamáu Norris & Hall and Company, col cual interpretó a Phyllis Ericson na popular obra "When We Were Twenty One", y cola que consiguió bones crítiques. La obra fixo una xira polos Estaos Xuníos escontra finales de 1903.

Williams empezó la so carrera cinematográfica cola Selig Polyscope Company en Chicago, Illinois, debutando en 1908 so la direición de Francis Boggs, siendo tresferida en 1910 a los estudios que la compañía tenía en Los Angeles. Williams foi "Cherry Malotte" en The Spoilers (1914), la primer película basada na novela de Rex Beach, nun papel que más palantre sería interpretadao por Betty Compson (1930), Marlene Dietrich (1942), y Anne Baxter (1955). En 1916 foi la protagonista d'un serial d'aventures en 13 episodios, The Adventures of Kathlyn. Anque tuvo bien ocupada nos años del cine mudu, cuando llegó'l sonoru, y en parte tamién pola so edá, solamente rodó cinco cintes, la postrera d'elles en 1935. Nes sos últimes películes, Williams trabayó como actriz de calter, dexando tras los sos trabayos como comediante y actriz de seriales.

Vida personal[editar | editar la fonte]

Kathlyn Williams en 1917

Williams casóse tres veces. Anque munches biografíes citen equivocadamente a Victor Kainer como'l so primer home, lo cierto ye que yera Otto H. "Harry" Kainer (1876–1952), que dirixía una empresa d'importación y esportación en Wall Street, Nueva York. Casáronse'l 2 d'ochobre de 1903, y tuvieron un fíu, Victor Hugo, nacíu en 1905. La pareya divorcióse en 1909, supuestamente pola desaprobación de Kainer escontra la carrera artística de la so esposa. Tres la muerte de la so madre n'avientu de 1908 y el so divorciu, Williams decidió reactivar la so carrera d'actriz. En 1910 foi a vivir col so fíu a Los Angeles, California, onde llogró con facilidá trabayo. El 4 de marzu de 1913 casóse con Frank R. Allen, tamién actor, pero'l matrimoniu duró namái pocu más d'un añu.

Williams casóse'l 2 de xunu de 1916 col executivu de Paramount Pictures Charles Eyton, en Riverside, California. La pareya conociérase unos diez años enantes en Salt Lake City, Utah. Eyton yera unu de los propietarios de la Oliver Morosco Photoplay Company. El 25 de febreru de 1922 finó'l fíu de Williams, agora llamáu Victor Eyton, a los 16 años d'edá, por causa de los entueyos de la gripe. Col fin d'intentar sobreponese al so dolor, el matrimoniu empecipió un viaxe a Asia que duró cuatro meses. Finalmente divorciáronse en 1931.[2]

El 29 d'avientu de 1949 Williams sufrió un accidente de tráficu nel que finó la so amiga Mary Y. Rose. L'actriz perdió la so pierna derecha. Kathlyn Williams finó por causa de un infartu agudu de miocardiu en Hollywood, California, en 1960. Los sos restos fueron encenraos, y les cenices depositaes nel Crematoriu Chapel of the Pines de Los Angeles.

Pola so contribución al cine, foi compensada con una estrella nel Paséu de la Fama de Hollywood, nel 7038 de Hollywood Boulevard.

Seleición de la so filmografía[editar | editar la fonte]

Actriz[editar | editar la fonte]

1908[editar | editar la fonte]

1909[editar | editar la fonte]

1910[editar | editar la fonte]

1911[editar | editar la fonte]

1912[editar | editar la fonte]

1913[editar | editar la fonte]

1914[editar | editar la fonte]

1916[editar | editar la fonte]

1917[editar | editar la fonte]

1918[editar | editar la fonte]

1919[editar | editar la fonte]

1920[editar | editar la fonte]

1921[editar | editar la fonte]

1922[editar | editar la fonte]

1923[editar | editar la fonte]

1924[editar | editar la fonte]

1932[editar | editar la fonte]

Guionista[editar | editar la fonte]

Direutora[editar | editar la fonte]

Referencies[editar | editar la fonte]

  1. Kathlyn Williams. 25 de setiembre de 1960. http://projects.latimes.com/hollywood/star-walk/kathlyn-williams/. Consultáu 'l 3 de setiembre de 2011. 
  2. Taylororology
  • Galveston Daily News, Screen Life in Hollywood, vienres, 20 de marzu de 1931, páxina 4.
  • New York Times, Kathlyn Williams, 25 de setiembre de 1960, páxina 86.
  • Renu Evening Gazette, Short Yarns About Many Favorites, sábadu, 17 de xunu de 1916, páxina 10.
  • The Anaconda Standard, "A Benefit Concert. Chance to Help a Young Girl Through College." 16 d'agostu de 1900, páxina 4.
  • The Anaconda Standard, "Musical Entertainment: A Delightful Programme Prepared By the Woman's Relief Corps", 1 de setiembre de 1901, páxina 16.
  • The Anaconda Standard, "Butte Actress Loses Young Son", 7 de marzu de 1922, páxina 6.
  • The Bee, "Former Actress Sues For $136,615", sábadu, 8 d'abril de 1950, páxina 11.
  • New York Times, "Husband Must Pay Up", martes, 9 de mayu de 1905, páxina 2.
  • Pasaporte de 1924 en Ancestry.com afirma que nació en 1885.
  • Censu de Los Angeles de 1910
  • Morning Olympian, "Kathlyn Wiliams Kainer", 7 de xunetu de 1905, páxina 2.
  • The Helena Independent, "For Honor and A Prize, University Students Will Take Part in Elocutionary Contest", 29 de mayu de 1899, páxina 8.
  • The Anaconda Standard, "Sad News Shocks Daughter: Rushes To Bedside Of Aged Pioneer Woman On Learning Plight For First Time", 12 d'avientu de 1908
  • The Trenton Times, "Stage Gossip", 15 de setiembre de 1902
  • Waterloo Reporter, "Kathlyn Williams Now Mrs. Allen", sábadu, 29 de marzu de 1913, páxina 19.
  • Long Beach Independent, "Kathlyn Williams Ta Goes to Charity", 27 d'ochobre de 1960, páxina 8.
  • Nebraska State Journal, "On the Silver Screen. Among the Movies.", 26 de marzu de 1922, páxina 30.
  • Moberly Weekly Monitar, "Kathlyn Williams Sues for Divorce", 3 de xunetu de 1914, páxina 2.
  • San Jose Mercury News, "Promised Bride $10,000 A Year", 22 de mayu de 1905, *Los

Angeles Times, "School Boys Bear Remains To Grave", 1 de marzu de 1922.

Enllaces esternos[editar | editar la fonte]