Jete

De Wikipedia
Saltar a navegación Saltar a la gueta
Jete
Jete05 24J.jpg
Bandera de Jete (Granada).svg Escudo de Jete (Granada).svg
Alministración
PaísBandera d'España España
Autonomíasimple Andalucía
ProvinciaBandera de la provincia de Granada (España).svg Provincia de Granada
Tipu entidá conceyu d'España
Alcalde de Jete Placido Jeronimo Fernandez
Códigu postal 18699
Xeografía
Coordenaes 36°47′50″N 3°40′05″W / 36.797222222222°N 3.6680555555556°W / 36.797222222222; -3.6680555555556Coordenaes: 36°47′50″N 3°40′05″W / 36.797222222222°N 3.6680555555556°W / 36.797222222222; -3.6680555555556
Jete is located in España
Jete
Jete
Jete (España)
Superficie 13 km²
Altitú 120 m
Llenda con Almuñécar, Otívar, Lentegí, Los Guájares y Ítrabo
Demografía
Población 890 hab. (2017)
Porcentaxe 0.1% de Provincia de Granada
Densidá 68,46 hab/km²
Más información
Estaya horaria UTC+01:00
www.jete.es/
Cambiar los datos en Wikidata
Términu municipal de Jete al respective de la provincia de Granada.

Jete ye una llocalidá y un conceyu español asitiáu na parte occidental de la contorna de la Mariña Granadina, provincia de Granada, comunidá autónoma de Andalucía. Parte con los conceyos de Los Guájares, Ítrabo, Almuñécar, Otívar y Lentegí. A nueve kilómetros de la llende cola provincia de Málaga, otres llocalidaes cercanes son Molvízar y Velilla-Taramay.

El so pequeñu cascu urbanu ta al sur de la Sierra de Almijara y al pie de los marxes del ríu Verde.

Historia[editar | editar la fonte]

Anque hai constancia d'asentamiento humanos nel llugar dende'l Neolíticu, con enterramientos en cueves y cistes y abondosa industria lítico y cerámica, l'orixe del actual asentamientu hai que buscalo en dómina árabe, que los sos xeógrafos falaben yá dende los sieglos XI y XII de "Set", "Xet" y "Yeth" —denominación que significa «oriella» o «ribera»— como una alquería perteneciente al alfoz de Almuñécar.

Jete tuvo contactu coles primeres civilizaciones que llegaron per mar a la península Ibérica, como los fenicios, y tres la invasión musulmana desenvolvióse gracies a ser un enclave serrapatosu y tener tierres fértiles. Vivió un periodu de considerable aprovecimientu hasta la definitiva Reconquista cristiana; dempués sufrió les consecuencies de la Guerra de los Moriscos y la so posterior derrota y espulsión, y más tarde careció les continues incursiones de los pirates berberiscos qu'obligaron a establecer baluartes defensivos.[1] Esti pueblu foi repobláu a partir de 1573 por xentes procedentes del norte peninsular.

Pa escapar a les frecuentes y tarrecibles aveníes del ríu Verde, el pueblu creció esguilando les fasteres del monte a entrambos llaos del ribayu de la Sablera, que lo estremaba en dos, tal que lo atestigua'l Catastro del Marqués del Ancón (1752) y el de Pascual Madoz (1846-1850). Dichu ribayu siguió anubriendo la parte baxa del pueblu, polo qu'hubo de ser enriáu por aciu un muriu a manera de espigón qu'entá se caltién na actualidá.

La economía de Jete siempres tuvo basada na agricultura. Yá en dómina árabe gociaron de merecida fama les sos uves, pases y figos, anque tres la repoblación cristiana, l'agricultura quedó un tanto abandonada. Col tiempu volvió recuperar la excelencia de tales productos, a los qu'añedió un abondosu cultivu de la caña d'azucre a partir del sieglu XVIII y constrúyese la Fábrica Trapiche (1736), la primera importante qu'hubo en Jete. Dende finales del sieglu XIX amóntase'l cultivu de la caña por cuenta de la ruina de les viñes tres el desastre de la filoxera, lo que trai la construcción d'otres fábriques nel conceyu al empar que se produz una emigración de los sos habitantes especialmente a Suramérica.

Tres un períodu en que s'alternen momentos de puxanza con otros de decadencia, nel postreru terciu del sieglu XX conoció una nueva etapa de prosperidad gracies al desenvolvimientu de la agricultura subtropical y a l'atracción que representa pal turismu.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]


Noroeste: Lentegí Norte: Los Guájares Nordés: Los Guájares y Ítrabo
Oeste: Otívar y Almuñécar Puntos cardinales Este: Ítrabo
Suroeste: Almuñécar Sur: Almuñécar Sureste: Almuñécar y Ítrabo
El conteníu d'esti artículu incorpora material d'una entrada de Granadapedia, publicada en castellanu so la llicencia GFDL.



Jete