J. C. Nugent

De Wikipedia
Saltar a navegación Saltar a la gueta
J. C. Nugent
J. C. Nugent35mm film frames.svg
J. C. Nugent in Give Me a Sailor trailer.jpg
Vida
Nome completu John Charles Nugent
Nacimientu

Niles (es) Traducir6  d'abril de 1868

[1]
Nacionalidá Bandera de Estaos Xuníos d'América Estaos Xuníos
Muerte

Nueva York21  d'abril de 1947

[1] (79 años)
Causa de la muerte infartu de miocardiu
Familia
Fíos/es
Estudios
Llingües inglés
Oficiu
Oficiu actor, dramaturgu, guionista, actor de cine, actor de teatrudireutor de teatru
IMDb nm0637795
Cambiar los datos en Wikidata
Elliott Nugent (izq.), J. C. Nugent, Marion Shilling (detrás), y Norma Lee en Wise Girls (1929)

John Charles Nugent (6 d'abril de 186821 d'abril de 1947), conocíu como J. C. Nugent, foi un actor teatral y cinematográfico, guionista, dramaturgu y direutor teatral de nacionalidá estauxunidense.

Biografía[editar | editar la fonte]

Nacíu en Niles, Ohio (Estaos Xuníos), foi'l padre del cineasta Elliott Nugent (1896-1980), col que collaboró de cutiu nel teatru y nel cine. En 1922 debutó nel circuitu de Broadway con Kempy, obra na qu'actuó al pie del so fíu y Grant Mitchell. Esta pieza, escrita polos Nugent, foi nuevamente representada en 1927, con direición de J. C. Nugent ya interpretación de Clara Blandick.

Ente les obres teatrales nes qu'actuó figuren Skyrocket, de Mark Reed (1929, con Clara Blandick, Humphrey Bogart, Howard Freeman, Mary Philips y Ian Wolfe), When We Are Married, (de J. B. Priestley, 1939-1940, con Sally O'Neil, Tom Powers, Alison Skipworth y Philip Tonge), o A Place of Our Own (de Elliott Nugent, 1945, con John Archer, Jeanne Cagney, Robert Keith y Mercedes McCambridge), tres pieces nes cualos namái trabayó com oactor.

Nel cine debutó como actor en Wise Girls, d'E. Mason Hopper (adautación de la pieza Kempy, col so fíu Elliott, Roland Young y Clara Blandick), estrenada en 1929, y que'l so guión escribió él.

Darréu actuó n'otros venti películes (la postrera estrenada en 1943), ente elles The Big House (de George W. Hill, 1930, con Chester Morris, Wallace Beery y Lewis Stone), The Millionaire (de John G. Adolfi, 1931, con George Arliss, Evalyn Knapp y James Cagney), Men Without Names (de Ralph Murphy, 1935, con Fred MacMurray, Madge Evans y Grant Mitchell), y A Star Is Born (de William A. Wellman, 1937, con Janet Gaynor, Fredric March y Clara Blandick).

Ente les películes nes qu'actuó figuren trés dirixíes pol so fíu, destacando Give M'a Sailor (1938), con Martha Raye, Bob Hope y Betty Grable.

Como guionista trabayó en The Unholy Three (de Jack Conway, 1930, con Lon Chaney, Lila Lee y Elliott Nugent), Alibi (de Roland West, 1929, con Chester Morris y Mae Busch), adautación de la pieza Nightstick, coescrita por él y estrenada en Broadway en payares de 1927, con Victor Kilian, Thomas Mitchell y Lee Patrick.

Amás de too ello, dirixó un curtiumetraxe, The Rounder (1930, con Jack Benny, Dorothy Sebastian y Polly Moren).

La so última obra en Broadway como actor foi The Playboy of the Western World, de John Millington Synge (con Julie Harris, J. M. Kerrigan, Burgess Meredith, Mildred Natwick y Maureen Stapleton), representada dende finales d'ochobre de 1946 a principios de xineru de 1947. Tres meses dempués finó en Nueva York, Estaos Xuníos, por causa de un infartu agudu de miocardiu.

Teatru en Broadway (íntegru)[editar | editar la fonte]

(como actor, salvo mención contraria o complementaria)

Seleición de la so filmografía[editar | editar la fonte]

(como actor, salvo mención contraria o complementaria)

Referencies[editar | editar la fonte]

Enllaces esternos[editar | editar la fonte]

  1. 1,0 1,1 Afirmao en: Internet Broadway Database. Identificador de persona d'Internet Broadway Database: 6496. Apaez como: J. C. Nugent. Data de consulta: 9 ochobre 2017. Llingua de la obra o nome: inglés.