Fredric March

De Wikipedia
Saltar a navegación Saltar a la gueta
Fredric March
Fredric March
FredricMarch1939.jpg
Vida
Nacimientu Racine Traducir31  d'agostu de 1897
Nacionalidá Bandera de Estaos Xuníos d'América Estaos Xuníos
Fallecimientu

Los Angeles14  d'abril de 1975

(77 años)
Causa de la muerte cáncanu de próstata
Familia
Casáu/ada con Ellis Baker
Florence Eldridge  (1927 -  1975)
Estudios
Estudios Universidá de Wisconsin-Madison
Llingües inglés
Oficiu
Oficiu actor, actor de xéneru, actor de teatru, actor de cine y actor de televisión
Premios
Nominaciones
Xéneru artísticu wéstern Traducir
Creencies
Partíu políticu Partíu Demócrata de los Estaos Xuníos
IMDb nm0545298
Cambiar los datos en Wikidata
Wikipedia:Correxir

Frederic March (Ernest Frederick McIntyre Bickel: Racine, de Wisconsin, 31 d'agostu de 1897 - Los Angeles, 14 d'abril de 1975) foi un actor estauxunidense ganador de dos Premiu Óscar.

Nacíu en Racine, Wisconsin, foi al Winslow Elementary School, al Racine High School y a la Universidá de Wisconsin onde foi miembru del Alpha Delta Phi. Empezó la so carrera como banqueru, pero en 1920 empezó a trabayar como extra en películes rodaes en Nueva York, usando l'apócope de la so madre, Marcher. En 1926, apaez n'obres de Broadway y, pocu dempués, robla un contratu cola Paramount Pictures.

El so primer títulu cinematográficu de ciertu relieve y onde yá adquier un papel protagonista, lléga-y de manos de la direutora Dorothy Arzner que-y da un personaxe de relieve nel filme La lloca orxía (1929). La so bona interpretación ábrelu de par en par les puertes del ésitu. March consiguió una candidatura a los Óscar en 1931 por The Royal Family of Broadway, nel qu'interpreta un papel inspiráu en John Barrymore. La estauína ganar un añu dempués por L'home y la bisarma, y per segunda vegada en 1946 por The Best Years of Our Lives. En 1954, March presentaría la 26ª edición de la ceremonia.

March foi unu de los pocos actores que consiguieron aguantar un contratu de llarga duración colos estudios y foi capaz d'actuar por llibre y escoyer papeles pa otres películes que nun fueren de la Paramount.

Coles mesmes, tuvo trabayando en Broadway y Hollywood, fechu qu'esplica que la so carrera na pantalla nun fuera tan prolífica como podría ser. March, de toes formes, ganó dos premios Tony al meyor actor: en 1947 pola obra Years Ago, escrita por Ruth Gordon; y en 1957 pola producción de Broadway d'Eugene O'Neill, Long Day's Journey Into Night.

Amás, March tuvo l'honor de ser el primera Willy Loman na obra del so amigu Arthur Miller, La muerte d'un viaxante (1951). Darréu, March interpretó a Willy Loman na producción cinematográfica que Columbia Pictures realizó en 1951 dirixida por László Benedek.

Cuando a March diagnosticóse-y el cáncer de próstata en 1972, paecía que la so carrera taba acabada. Aun así, March regaló al públicu una última interpretación maestra en The Iceman Cometh (1973) xunto a Robert Ryan que tamién se-y diagnosticó un cáncer terminal. Fredric March morrería en Los Angeles, California, a la edá de 77 años. L'actor tien una estrella nel Paséu de la Fama de Hollywood asitiada nel 1616 de Vini Street.

Galardones y reconocencies[editar | editar la fonte]

Óscar[editar | editar la fonte]

Añu Categoría Película Resultáu
1931 Óscar al meyor actor The Royal Family of Broadway Candidatu
1932 Óscar al meyor actor L'home y la bisarma Ganador
1937 Óscar al meyor actor Nació una estrella Candidatu
1946 Óscar al meyor actor The Best Years of Our Lives Ganador
1951 Óscar al meyor actor La muerte d'un viaxante Candidatu

Filmografía[editar | editar la fonte]

Teatru en Broadway[editar | editar la fonte]

  • Gideon (1962)
  • Long Day's Journey Into Night (1956)
  • The Autumn Garden (1951)
  • An Enemy of the People (1950)
  • Now I Lay Me Down to Sleep (1950)
  • Years Ago (1947)
  • A Bell for Adano (1944)
  • The Skin of Our Teeth (1943)
  • Hope for a Harvest (1941)
  • The American Way (1939)
  • Yr. Obedient Husband (1938)
  • Devil in the Cheese (1926)
  • The Half-Caste (1926)
  • Harvest (1925)
  • Puppets (1925)
  • The Melody Man (1924)

Enllaces esternos[editar | editar la fonte]