Humphrey Bogart

De Wikipedia
Humphrey Bogart
Vida
Nacimientu Nueva York[1]25 d'avientu de 1899[2]
Nacionalidá Bandera de Estaos Xuníos d'América Estaos Xuníos
Llingua materna inglés d'Estaos Xuníos
Muerte Los Angeles[3]14 de xineru de 1957[2] (57 años)
Sepultura Forest Lawn Memorial Park
Causa de la muerte cáncer d'esófagu
Familia
Padre Belmont DeForest Bogart
Madre Maud Humphrey
Casáu con Helen Menken (1926 – div. 1927)
Mary Philips (1928 – div. 1938)
Mayo Methot (1938 – div. 1945)
Lauren Bacall (1945 – m. 1957)
Fíos/es
Estudios
Estudios Phillips Academy (es) Traducir
Llingües falaes inglés[4]
Oficiu actor de xéneru, guionista, actor de teatru, actor de cine, actor, marineruregidor de espectáculo en vivo (es) Traducir
Altor 173 cm
Llugares de trabayu Estaos Xuníos
Emplegadores Warner Bros.
Premios
Nominaciones
Miembru de Lexón de los Estaos Xuníos[5]
Xéneru artísticu western
cine negro (es) Traducir
Serviciu militar
Cuerpu militar Armada d'Estaos Xuníos
Graduación aprendiz de marinero (es) Traducir
Lluchó en Primer Guerra Mundial
Creencies
Partíu políticu Partíu Demócrata
IMDb nm0000007
humphreybogart.com
Cambiar los datos en Wikidata

Humphrey Bogart (25 d'avientu de 1899Nueva York – 14 de xineru de 1957Los Angeles) foi un actor de cine y teatru d'Estaos Xuníos. Nació en Nueva York col nome de Humphrey De Forest Bogart. Delles biografíes afiten la so fecha de nacimientu n'avientu envede en xineru de 1899.

Bogart foi'l mayor de los tres fíos del matrimoniu formáu por Belmont De Forest, médicu ciruxanu, y Maude Humphrey, artista gráfica. Estudió na Escuela Trinity, y más alantre na Academia Philips de Massachusetts, u conoció al so collaciu William Brady, fíu del productor de teatru William A. Brady, que lu empobinó a desendolcar la so faceta teatral. Bogart pensare n'estudiar medicina na Universidá de Yale, ensin embargu, estos planes nun los algamó al ser espulsáu pol so comportamientu rebalbu.

Alistóse na Marina durante la Primer Guerra Mundial, y foi destináu como marineru al buque S.S. Leviathan. En 1918 el barcu foi atacáu por submarinos y un torpéu dio-y ensin que lu fundiera. Pol españu, un cachu de madera dio-y a Bogart na cara y raxo-y la boca, lo que siempres-y afectó al su mou de falar.

De vuelta a la so vida civil, foi contratáu como alministraor na compañía cinematográfica y de teatru World Film Corporation, de William A. Brady, el pá del so collaciu.

El so mou de falar y el so aspeutu físicu, que nun se correspondiere col del galán de la época finxeron perdifícil los anicios de la so carrera como actor. Dende 1922, añu nel que apaeció na obra The Ruined Lady, hasta 1935, namás fizo pequeñes intervenciones en películes y obres de teatru.

Ente los papeles secundarios que fizo destaquen la so apaición en Three on a match (estrenada n'España como Tres vidas de mujer). Esi papel propició que l'actor Leslie Howard puxara por incluir a Bogart nel papel de Duke Matee na película The Petrified Forest. L'ésitu del film foi l'aniciu de la carrera hasta l'estrellatu del actor. La confirmación de Bogart como estrella de Hollywood llegó con High Sierra, en 1941. El so trabayu foi reconocíu pola Academia de Cine norteamericada cuando en 1951 diéron-y l'Óscar al meyor actor pola so interpretación en The African Queen (La reina d'África).

Bogart y Lauren Bacall nuna tresmisión de radio pales tropes americanes durante la Segunda Guerra Mundial.

Bogart casóse cuatro vegaes. La so primer muyer foi l'actriz Helen Menken, cola que tuviera casáu ente 1926 y 1927. Un añu dempués casóse cola tamién actriz Mary Phillips, cola que vivió hasta 1938. Cinco díes dempués casóse con Mayo Methot, actriz cola que compartía afición al alcohol y cola que mantuviere siete años de conflictiva vida en común. Foi en 1945 cuando s'axuntó con Lauren Bacall, cola que protagonizó delles películes y ún de los matrimonios más carismáticos de Hollywood.

Bogart Morrió en 1957, víctima d'un cáncer d'esófagu en Hollywood.

Filmografía[editar | editar la fonte]

Videu[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Biblioteca Nacional d'Alemaña. «Humphrey Bogart» (alemán). Gemeinsame Normdatei. Consultáu'l 13 agostu 2015.
  3. Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
  4. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  5. URL de la referencia: https://www.hollywoodpost43.org/post-43. Data de consulta: 24 xunetu 2023.

Enllaces esternos[editar | editar la fonte]