Saltar al conteníu

Irving Cummings

De Wikipedia
Irving Cummings
Vida
Nacimientu Nueva York[1]9 d'ochobre de 1888[2]
Nacionalidá Bandera de Estaos Xuníos d'América Estaos Xuníos
Muerte Los Angeles[3]18 d'abril de 1959[2] (70 años)
Sepultura Hollywood Forever Cemetery (es) Traducir
Estudios
Llingües falaes inglés[4]
Oficiu direutor de cine, guionista, productor de cine, actor de cine, actor de teatru, actor, escritorrealizador
Llugares de trabayu Estaos Xuníos
Premios
Nominaciones
IMDb nm0191899
Cambiar los datos en Wikidata

Irving Cummings (9 d'ochobre de 1888Nueva York – 18 d'abril de 1959Los Angeles) foi un actor, direutor y productor cinematográficu de nacionalidá d'Estaos Xuníos.

Biografía[editar | editar la fonte]

El so verdaderu nome yera Irving Camisky, y nació na ciudá de Nueva York. Cummings empecipió la so carrera interpretativa, siendo un adolescente, nos teatros del circuitu de Broadway, onde actuó xunto a la llexendaria Lillian Russell.

En 1909 entró nel mundu del cine, nel cual llogró en poco tiempu aportar a un popular primer actor. Poques de les sos películes como intérprete son fáciles de consiguir, quitando'l primer llargumetraxe de Buster Keaton, The Saphead (1920), nel cual Cummings encarnaba a un retorcigañáu corredor de bolsa, y el de Fred Niblo Sex (1920), una de les primeres cintes en describir el fenómenu de les Flappers. Otra de les sos películes más destacaes foi The Round-Up (1920), un western protagonizáu por Roscoe Arbuckle y Wallace Beery.

Nesa dómina, Cummings yá s'empecipiara na direición de películes d'aición y d'ocasionales comedies. En 1934 dirixó Grand Canary, y en 1929 fuera nomáu al Óscar a la meyor direición pol so trabayu en In Old Arizona. Cummings fíxose conocíu pola direición de grandes y fachendosos musicales en Technicolor de 20th Century Fox rodaos nos años 1930, con actrices de fama como Betty Grable, Alice Faye, Carmen Miranda, y Shirley Temple (Little Miss Broadway, 1938).

En 1943, con ocasión del 50º aniversariu de la nacencia de la industria cinematográfica, a Cummings galardonóse-y cola Medaya d'Oru de la Fundación Thomas A. Edison, en reconocencia a los sos llogros artísticos. Amás, recibió una estrella nel Paséu de la Fama de Hollywood, nel 6816 de Hollywood Boulevard.

Irving Cummings finó en Los Angeles, California, en 1959, por causa de una dolencia cardiaca. Foi soterráu nel Campusantu Hollywood Forever, en Los Angeles. Cummings foi padre del guionista y productor Irving Cummings, Jr.

Filmografía[editar | editar la fonte]

Direutor[editar | editar la fonte]

Actor[editar | editar la fonte]

Referencies[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 16 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Afirmao en: Gemeinsame Normdatei. Data de consulta: 4 mayu 2014. Llingua de la obra o nome: alemán. Autor: Biblioteca Nacional d'Alemaña.
  3. Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  4. URL de la referencia: https://plus.si.cobiss.net/opac7/conor/111881059.

Enllaces esternos[editar | editar la fonte]