Ḥong Kong

De Wikipedia
(Redirixío dende Hong Kong)
Saltar a navegación Saltar a la gueta
Wikipedia:Wikipedia:Llista d'artículos que toa Wikipedia tien que tener/Archivu
Ḥong Kong
Hong Kong Night Skyline.jpg
Flag of Hong Kong.svg Hong Kong coa.png
Bandera de Hong Kong Traducir
Himnu nacional Yiyongjun Jinxingqu
Alministración
Nome oficial 中華人民共和國香港特別行政區
Hong Kong Special Administrative Region of the People's Republic of China
香港
Hong Kong
ISO 3166-2 CN-HK
Capital ensin valor
jefe ejecutivo de Hong Kong Traducir Carrie Lam
Llingües oficiales inglés, cantonés Traducir, Chinu y Escritura china
División
Xeografía
Coordenaes 22°16′42″N 114°09′31″E / 22.278333333333°N 114.15861111111°E / 22.278333333333; 114.15861111111Coordenaes: 22°16′42″N 114°09′31″E / 22.278333333333°N 114.15861111111°E / 22.278333333333; 114.15861111111
Hong Kong in China (zoomed) (+all claims hatched).svg
Superficie 2,755 km² (puestu 167)
% agua 59,8
Costes 733 km
Llendes -
Llenda con Guangdong
Puntu más altu Tai Mo Shan Traducir
Altitú media 7 m
Demografia
Población 7,234,800 (estimáu  2 014)[1] hab. (2019)
Densidá Error d'espresión: Operador ( inesperáu hab/km²
Xentiliciu hongkonés, -esa, -és (-eso)
Economía
Moneda Dólar de Ḥong Kong
PIB nominal ()
PIB per cápita 46 193 (2017)
Más información
Dominiu d'Internet .hk
Códigu telefónicu +852
Códigu ISO 344 / HKG / HK
Estaya horaria UTC+08:00
www.gov.hk
Cambiar los datos en Wikidata

Ḥong Kong [2] (en chinu: 香港, lliteralmente puertu goliosu o puertu del inciensu), nomáu oficialmente Rexón Alministrativa Especial de la República Popular China de Hong Kong, ye una rexón alministrativa especial de la República Popular China. Asitíase na costa meridional de China, nún puertu natural del delta del ríu de la Perlla, nel mar del sur de China. Con una estensión terrestre de 1.106 km² y una población de 7,3 millones d'habitantes[3], ye la cuarta nación o territoriu del mundu con mayor densidá de población. Tocántenes a la so distribución étnica, el 95% de los sos habitantes son d'etnia han. Los más d'ellos aportaron a la ciudá dende les ciudaes de Guangzhou y Taishan, na vecina provincia de Guangdong.

Tres de la Primer Guerra del Opiu (1839-42) Hong Kong convirtiose nuna colonia británica al ceder pa siempres China a Gran Bretaña la islla de Hong Kong. A la colonia sumose en 1860 la península de Kowloon, y los Nuevos Territorios, que foron cedíos por 99 años, añediéronse-y en 1898. Demientres la Segunda Guerra Mundial la colonia foi ocupada por Xapón, y volvió a manes de los británicos en 1945. Na década del 1980 entamaron les negociaciones ente'l Reinu Xuníu y China pa la tresferencia de la soberanía de la colonia. Alcordóse en 1984 que Hong Kong pasaría a ser china en 1997, y que se convertiría nuna rexón alministrativa especial con una amplia autonomía[4].

Hong Kong caltién, embaxu'l principiu d'un país, dos sistemes[5], un sistema políticu diferenciáu del de China. La rexón tien los sos propios poderes executivu, llexislativu y xudicial, magar que nun tien competencies en defensa y asuntos esteriores[6]. Amás, rellacionase direutamente, y de forma independiente, con otres naciones y organismos internacionales pa cuestiones qu'entren dientru del campu de les sos competencies[7].

Nomada la perlla del Oriente, Hong Kong ye ún de los principales centros financieros globales, con una economía que ye la más competitiva del mundu[8]. La so moneda, el dólar de Hong Kong, ye la décimotercera más utilizada nel mundu pa transaiciones financieres[9]. Tien un sistema impositivu simple y con tipos favorables pa les grandes corporaciones, que s'asienten nella fiando de la independencia del so sistema xudicial y la estabilidá y fiabilidá del so corpus llexislativu. El sector terciariu ye, gracies a esi calter de centru financieru y tamién al turismu (foi la ciudá más visitada del mundu en 2014[10]), el motor básicu de la economía d'esti prósperu territoriu, ún de los de mayor desigualdá económica del mundu.

La ciudá ye célebre pol so puertu natural, perprofundu, que permite l'accesu cenciellu de los buques cargueros, y tamién pol so skyline, ún de los más nomaos del mundu. Tien un Índiz de Desarrollu Humanu altísimu, y la mayor esperanza de vida de tolos países del mundu. Pesie a que más del 90% de la so población utiliza'l so sistema de tresporte públicu, modernu y puntual, la contaminación del aire, de resultes de los contaminantes emitíos poles industries de la rexón de China más averaes a ella, ye ún de los principales problemes de la ciudá[11].


Skyline de la islla de Hong Kong pela nueche

Referencies[editar | editar la fonte]

Enllaces esternos[editar | editar la fonte]


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.