Gliese 320

De Wikipedia
Saltar a navegación Saltar a la gueta
Gliese 320
Gliese 320
Constelación Vela
Ascensión reuta α 08h 43min 18,03s
Declinación δ -38º 52’ 56,6’’
Distancia 36,3 ± 0,2 años lluz
Magnitú visual +6,56
Magnitú absoluta +6,33
Lluminosidá 0,35 soles
Temperatura 5000 K
Masa 0,65 soles (aprox)
Radiu 0,75 soles
Tipu espectral K2.5V
Velocidá radial +14,3 km/s

Gliese 320 (GJ 320 / HD 74576 / HIP 42808)[1] ye una estrella na constelación de Vela (la vela del Argo Navis), asitiada nel rincón nordés de la mesma cerca de la llende con Brúxula. De magnitú aparente +6,56,[1] el so débil rellumu fai que nun sía observable a simple vista. Alcuéntrase a 36,3 años lluz de distancia del Sistema Solar.

Gliese 320 ye una nana naranxa de tipu espectral K2.5V[1] o K1V.[2] Al igual qu'el Sol, la so enerxía provién de la fusión de hidróxenu en heliu, pero ye más fría y tenue qu'ésti. La so temperatura superficial ye de 5000 ± 55 K[3] y la so lluminosidá equival al 35% de la lluminosidá solar. La midida del so semidiámetru angular (0,314 milisegundos d'arcu) dexó llograr un valor precisu del so radiu, siendo ésti un 75,3% del radiu solar.[4] Tien una masa averada de 2/3 de la masa solar.

La metalicidá de Gliese 320 ye práuticamente igual a la del Sol, siendo los niveles de fierro, magnesiu, siliciu y titaniu bien asemeyaos a les solares. La rellación ente los conteníos de oxíxenu y hidróxenu ye un 56% de la reparada nel Sol.[3]

La estrella conocida más cercana a Gliese 320 ye HR 3384, de carauterístiques asemeyaes, distante 6,1 años lluz.[5]

Ver tamién[editar | editar la fonte]

Referencies[editar | editar la fonte]