George Orwell

George Orwell (25 de xunu de 1903, 21 de xineru de 1950) foi el seudónimu de Eric Arthur Blair, un escritor y periodista británicu perconocíu poles sos noveles polítiques alegóriques Cá los animales (hai traducción asturiana, nome orixinal Animal Farm) y 1984, esta cabera describe una sociedá distópica y futurística, que fizo popular el términu Orwellianu pa describir mecanismos totalitarios del control del pensamientu.

Biografía

Eric Blair nació en Bengala, entós colonia británica, aú el so pá trabayó nel departamentu de opiu. Tornó a Inglaterra ingresando nel elitista Eton. En 1922 ingresó na policía colonial de Birmania hasta 1928, lo que-y sirvió de fonte d'inspiración pa la so primer novela: Burmese Days en 1934. Vivió dellos años de vagabundu.

Na Guerra Civil Española participó na milicia del POUM, vivencies que más tarde amosaría nel Homage to Catalonia. Foi feríu el 20 de mayu de 1937 cerca Huesca.

De regresu al so país, trabayó de periodista na BBC durante la Segunda guerra mundial. Dexó'l trabayu en 1943. Un añu dempués, finalizó el anti-estalinista Cá los animales, que nun pudo espublizar hasta finalizada la guerra. En 1949 asoléyase 1984. Afectáu de tuberculosis morrió pocos meses dempués.

Llibros

• Down and Out in Paris and London (1933)
• Burmese Days (1934)
• A Clergyman's Daughter (1935)
• Keep the Aspidistra Flying (1936)
• The Road to Wigan Pier (1937)
• Homage to Catalonia (1938)
• Coming Up For Air (1939)
• Cà los animales (1945)
• 1984 (1949)

Enllaces esternos

• Orwell's complete works (n'inglés)
• Wikiquote - Cites de Cá los animales (n'inglés)
• Newspeak Dictionary (n'inglés)