Partíu Obreru d'Unificación Marxista
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Partíu Obreru d'Unificación Marxista | |
|---|---|
| Acrónimu | POUM |
| Fundadores |
Joaquín Maurín (es)  y Andrés Nin (es) |
| Secretaría xeneral |
Joaquín Maurín (es) |
| Fundación | 29 de setiembre de 1935[1] |
| Disolución | 1980 |
| Sede |
Barcelona Segunda República Española Cataluña |
| Estáu |
 España |
| Afiliaos | 30 000 (1936) |
| Ideoloxía política | comunismu, Marxismu, leninismu, socialismu democráticu, marxismo-leninismu y trosquismu |
| Posición nel espectru | estrema izquierda |
| Afiliación europea |
Frente Popular (es) |
 | |
El Partíu Obreru d'Unificación Marxista, (Partit Obrer d'Unificació Marxista, Partido Obrero de Unificación Marxista, POUM), foi un partíu marxista delEstáu español, con implantación sobre too en Cataluña de calter revolucionariu y alliniáu coles tendencies de la nomada izquierda comunista.
La fundación del POUM[editar | editar la fonte]
El POUM naz en Barcelona el 29 de setiembre de 1935 nun periodu crucial de la Segunda República, el comprendíu ente la Revolución de 1934 y la sulevación militar del 18 de xunetu de 1936 que causó l'entamu la Guerra Civil.
El POUM yera resultáu de la xunificación de la Izquierda Comunista de España (ICE) col Bloque Obrero y Campesino (BOC).
- La ICE yera un partíu d'orixe trotskista que rompiere con Trotski enantes de 1935. Fundáralu Andréu Nin y Juan Andrade. Nin y la mayor parte los militantes de la ICE pretendíen crear un partíu únicu marxista revolucionariu que fuere'l partíu marxista del proletariáu pola fusión de los diversos partíos marxistes españoles, envede siguir la conseña de Trotski de facer "entrismu" nel PSOE pa sofitar la faición izquierdista y "bolchevizar" el partíu. El militante más destacáu n'Asturies d'ICE foi Manuel Grossi Mier, que firmaría, en representación d'esti partíu, l'Alianza Obrera que desembocaría na Revolución de 1934.
- El BOC yera un partíu comunista implantáu sobre too en Cataluña. El so máximu dirixente yera Joaquín Maurín. Maurín yá fuere'l dirixente de la Federación Comunista Catalano-Balear, federación territorial del PCE escindía d'esti partíu.
Pese a la diferencia numérica de militantes ente los dos partíos (unos 500 de la ICE frente a 5.000 del BOC), la fusión nel POUM foi n'igualdá de condiciones ente ambos. Nin y Maurín pasaron a ser los dos grandes "líderes carismáticos" del POUM.
La mayor implantación del POUM tuvo tamién en Cataluña (gracies a los militantes aportaos pol BOC) y en Valencia. Tenía tamién una implantación minoritaria en Madrid, y una presencia testimonial n'otres partes del Estáu, como Estremadura, Asturies (el BOC fuere parte de l'Alianza Obrera d'Asturies), y el País Vascu.
Les dos organizaciones fundadores del POUM yeren faiciones discrepantes del Partido Comunista de España y de la Tercera Internacional (Komintern). La so heterodoxia dientro del comunismu fízolos quedar marxinaos y enemistados con una Komintern disciplinada a la dirixencia de la XRSS.
Referencies[editar | editar la fonte]
- ↑ URL de la referencia: https://www.parlament.cat/document/composicio/150320.pdf.
Datos: Q668699
Multimedia: Partit Obrer d'Unificació Marxista