Count Basie

De Wikipedia
Saltar a navegación Saltar a la gueta
Count Basie
Count Basie in Rhythm and Blues Revue.jpg
Vida
Nome completu William James Basie
Nacimientu Red Bank Traducir21  d'agostu de 1904
Nacionalidá Bandera de Estaos Xuníos d'América Estaos Xuníos
Residencia Red Bank Traducir
Harlem
Grupu étnicu Afroestauxunidense
Fallecimientu

Hollywood Traducir26  d'abril de 1984

(79 años)
Causa de la muerte cáncer de páncrees
Oficiu
Oficiu pianista, líder de banda, direutor d'orquesta, compositor, autobiógrafu, actor, músicu de jazz, músicu, compositor de cantares y organista
Premios
Nominaciones
Alcuñu/os Count Basie
Xéneru artísticu Jazz
swing Traducir
big band Traducir
Instrumentu musical Pianu
órgano Hammond Traducir
Piano de jazz Traducir
órganu
Discográfica Mercury Records Traducir
RCA Records
Apex
Decca Records
IMDb nm0059831
Cambiar los datos en Wikidata

William Basie (21  d'agostu de 1904Red Bank Traducir - 26  d'abril de 1984Hollywood Traducir), conoíu como Count Basie, foi un direutor de big band y pianista estauxunidense de jazz.

Trátase d'unu de los músicos de jazz más populares de la historia, vincuáu, prácticamente a lo llargo de cincuenta años, a la direición de una big band d'importante influencia en determinaos rexistros estilísticos del jazz asociaos, principalmente, al swing y a la so corriente más tradicional.

Biografía[editar | editar la fonte]

Fíu de padres músicos (sou padre, Harvie Basie, tocaba'l melófonu y so madre, Lillian (Childs) Basie, yera pianista), recibió d'ella les sos primeres lleiciones, ainaí como de los pianistas de stride de Harlem, especialmente de Fats Waller.

El so primer trabayu profesional consistió n'acompañar a intérpretes de vodevil y en formar parte d'un grupu musical que se formó en Kansas City en 1927. Depués de trabayar tamién nuna productora de películes mudes, xuntóse a los Walter Page's Blue Devils en xunetu de 1928. El vocalista del grupu yera Jimmy Rushing.

Basie abandonó la banda a los entamos de 1929 pa tocar con otraes orquestes, ente les que taba la liderada por Bennie Moten. Depués de la muerte d'éste, en 1935, Basie trabayó demientres un tiempu como solista anantes de formar la so propia orquesta inicialmente llamada Barons of Rhythm, a la que s'incorporaron munchos antiguos miembros de la banda de Moten como Walter Page (baxo), Freddie Green (guitarra), Jo Jones (batería) y Lester Young (saxofón tenor). Jimmy Rushing convirtióse nel cantante. L'ensamu consiguió establecerse nel Reno Club de Kansas City y entamó a dase a conocer a través de la radio. El periodista y productor John Hammond, depués d'escuchalos, recomendólos a varios axentes y compañíes discográfiques. Como resultáu d'ello, la orquesta marchó de Kansas en 1936 y firmó un contratu col Grand Terrace de Chicago, depués vendríen conciertos en Buffalo y Roseland en Nueva York. La so primera grabación fuoi en Decca Records en xineru de 1937. Regresó a Chicago y más sero al Ritz Carlton Hotel en Boston. La so grabación de "One O'Clock Jump" convirtióse nel so primer tema nes llistes d'éxitos en seiembre de 1937; más tarde, tras convertise nel so tema más popular, foi incorporáu al Grammy Hall of Fame.

El regresu de Basie a Nueva York tuvo llugar en 1938 nel club the Famous Door, que constituyó tou un éxitu pa la orquesta. Nel iviernu d'esi añu, "Stop Beatin' Round the Mulberry Bush", cantáu por Rushing, entró nel Top Ten de los éxitos.

Al entamu de 1939 tuvo en Chicago, depués de cambiar de compañía discográfica (de Decca a Columbia Records), y más sero marchó a la Costa Oeste.

A principios de los cuarenta fizo llargues xires pel país, que duraron hasta la entrada d'Estaos Xuníos na Segunda guerra mundial n'avientu de 1941, a partir de la cual los movimientos amenorgaron.

Demientres la so estancia na costa oeste participó cola so orquesta en cinco películes, toes elles realizaes en 1943: Hit Parade of 1943, Reveille with Beverly, Stage Door Canteen, Top Man y Crazy House. Obtuvo tamién numberosos éxitos musicales tanto nel ámbitu del pop como del rhythm and blues: "I Didn't Know About You", "Red Bank Blues", "Rusty Dusty Blues", "Jimmy's Blues" y "Blue Skies".

Hacia mediaos de los años setenta la so salú entamó a deteriorase, depués de sufrir un ataque al corazón en 1976. Morrió de cáncer de páncrees en Hollywood, Florida en 1984, a la edá de 79 años.

Selección discográfica[editar | editar la fonte]

Count Basie, escena de la película Tres días de amor y fe (1943).

Enllaces esternos[editar | editar la fonte]