Cordelera Cantábrica

De Wikipedia
(Redirixío dende Cordal Cantábricu)
Saltar a navegación Saltar a la gueta
Artículu revisáu
Cordelera Cantábrica
sistema montañoso (es) Traducir y Cordal
Cordillera Cantabrica.jpg
Situación
PaísFlag of Spain.svg España
AutonomíaFlag of Cantabria (Official).svg Cantabria
Montes Cinturón alpino (es) Traducir
Coordenaes 43°11′51″N 4°51′06″O / 43.1975°N 4.8517°O / 43.1975; -4.8517Coordenaes: 43°11′51″N 4°51′06″O / 43.1975°N 4.8517°O / 43.1975; -4.8517
Cordelera Cantábrica alcuéntrase n'España
Cordelera Cantábrica
Cordelera Cantábrica
Cordelera Cantábrica (España)
Datos
Altitú 2648 m
Materiales Caliza
Fechos importantes
Orixe del nome Mar Cantábricu
Anchor 65,000 m.
Llargor 480,000 m.
Cambiar los datos en Wikidata

La Cordelera Cantábrica ye ún de los principales sistemes montañosos de la Península Ibérica. Asítiase al norte d'ella, cuasi paralela al mar Cantábricu, y tien una llonxitú de 480 km, ente la llende occidental de los Pirineos y'l Macizu Galaicu-Lleonés, qu'enllaza col Sistema Ibéricu, y un anchor mediu en direición norte-sur de 100 km. Estes montañes, que son la cadena montañosa más occidental d'Europa, formen una provincia fisiográfica estremada diento de la división fisiográfica nomada Cinturón Alpín.

Nos sos montes pueden practicase toa triba de deportes de montaña: senderismu, escalada... y tamién esquí, nes estaciones d'Altu Campóo, Valgrande-Payares, Fontes d'Inviernu, San Isidro, Ḷḷeitariegos y Manzaneda. La cordelera ta ente les comunidaes autónomes del País Vascu, Cantabria, Asturies y Castiella y Lleón. Los cumales perpasen los 2.500 m nos tramos más altos, nos Picos d'Europa ente Cantabria, Asturies y Llión. El monte más altu d'esti sistema ye La Torre Cerréu, nos Picos d'Europa, con una altitú de 2.648 m y, yá fuera de los Picos d'Europa, Peña Prieta (2.536 m) en Llébana (Cantabria). La cavidá más fonda ye'l sistema cavernariu del Trave, la mayor torca d'España y sesta mayor del mundu.

Xeografía[editar | editar la fonte]

La Cordelera Cantábrica estiéndese en direición este-oeste, cuasi paralela al mar. El so estremu oriental márquenlu los Montes Vascos, una cadena montañosa de transición ente la Cantábrica, na qu'aveza a incluyise, y los Pirineos: tien establecíose la falla de Pamplona como la so llende xeolóxica convencional, magar que nun hai ruptura xeográfica ente les dos formaciones montañoses. La llende occidental márquenla los valles del ríu Miño, del so afluyente'l Sil y del Cabrera, afluyente del Sil. Estiéndese poles provincies de Lugo, Asturies, Llión, Burgos, Palencia, Cantabria, Bizkaia, Gipuzkoa, Álava, Navarra y La Rioxa.

En conxuntu la cordelera caracterízase polo complexo de la so estructura, magar que cuasi en toa la so estensión, y principalmente nel este, ye posible estremar dos socordeleres principales de les que se bifurquen sierres y cordales de menor altor. Una de les dos socordeleres principales va peraverada a la mar; la otra, con picos más altos, forma la llende septentrional de la gran meseta de Castiella y Lleón. En dellos puntos esa socordelera costera cae a plomu al mar, ya inclusu onde eso nun pasa la so inclinación ye tan grande qu'obliga a tolos cursos d'agua (ríos, regatos) que baxen per ella a ser cortos y de cursu rápidu. La transición ente la socordelera meridional y la meseta de Castiella ye más gradual, con dellos grandes ríos, especialmente l'Ebro, que nacen nella y flúin en dirección sur o oeste.

L'anchor de la cordelera, con toes les sos ramificaciones, va aumentando d'este (97 km) al oeste (185 km). Hai bien de picos de más de 2.000 m d'altor, pero los mayores d'ellos concéntrense nel sector central, nos Picos d'Europa, na llende ente les provincies d'Asturies, Lleón, Palencia y Cantabria. Equí topamos La Torre Cerréu (2.648 m), Peña Vieya (2.615 m), Peña Prieta (2.531 m) o l'Espigüete (2.407 m); un poco más al oeste hai otros picos que sobrepasen los 2.100 m. como Mampodre, Penubina, Peña Rubia y Cuiña. Una peculiaridá de la cordelera y la so rodiada ye la bayura de parameres, pequeñes mesetes aisllaes y arrodiaes por altos picos o inclusu por muries de piedra, en xeneral calizo.

La cordelera fae de llende natural ente la nomada España verde, de clima oceánicu húmedu, y la meseta central, la España seca, de clima continental secu.

Principales socordeleres[editar | editar la fonte]

La Cordelera Cantábrica dixébrase en trés partes estremaes.

Occidental[editar | editar la fonte]

Fórmenla'l Macizu Asturianu (Asturies, Llión y Cantabria) y les sos sierres y cordales asociaos. Xeolóxicamente ye la prolongación oriental del Macizu Galaicu-Lleonés, y ta formáu por materiales paleozoicos plegaos. Presenta profundes foses tectóniques d'orientación este-oeste, como'l valle del ríu Cares, y inclúi les siguientes sierres y picos de más altor:

  • Sierra de la Bobia: Picu de la Bobia, 1.201 m.
  • Sierra de Tinéu: Mulleirosu, de 1.241 m, cerca de Tinéu.
  • Sierra del Sueve: Picu Pienzu, de 1.161 m, na marina centruoriental d'Asturies.
  • Sierra del Cuera, Picu Torbina 1,315 m, nel estremu oriental d'Asturies.
  • Otres sierres: Sierra de San Isidro, Sierra d'Eirelo, Sierra del Aramu, Sierra de Pandu, Sierra de Canielles, Sierra del Rañadoiru, Llomba de Parrondo, Sierra de San Mamés, Sierra de Serrantina, Sierra de la Zarza, Sierra de Degaña, Sierra de l'Acebu, Sierra de Sobia, Cordal de Ḷḷena, Sierra de Casomera, Porrones de Monéu y Cordal de Ponga.

Central[editar | editar la fonte]

Vista parcial del macizu del Cornión, nos Picos d'Europa.

Ocúpenla los Picos d'Europa, una monumental formación xeolóxica de roca caliza y marga del Carboníferu. Divídense en trés sectores o macizos: el occidental o Cornión, con la Torre Santa, con 2.596 m d'altor, como cumal; el central, los Urrieles, aú s'alluga Torrecerréu; y l'oriental o macizu d'Ándara, col picu Morra de Lechugales como picu de más altor (2.444 m). A ella pertenecen delles cordeleres cántabres:

  • Macizu de Fuentes Carrionas: Peña Prieta 2.536 m, cerca del borde oriental de los Picos.
  • Sierra de Peña Sagra: Peña Sagra, 2.046 m.
  • Sierra de Peña Labra: Picu Tres Mares, de 2.175 m, y Peña Labra 2.006 m.
  • Montañes Pasiegues: Castru Valnera, 1.707 m, na área de transición a los Montes Vascos.Sierra Cocón
  • Sierra de la Gándara: Peña Cabarga, 537 m, famosa pol so mirador sobro la costa central de Cantabria.
  • Otres: Sierra Cocón, Montes d'Ucieda, Sierra del Escudu de Cabuérniga, Altu del Gueto, Sierra de la Matanza, Sierra del Cordel, Sierra de Híjar, Sierra del Hornijo, Sierra de Breñas.

Oriental[editar | editar la fonte]

Los Montes Vascos, na fastera oriental de la cordelera, ye un conxuntu de montes pererosionaos, orixinaos por plegamientos del Mesozoicu y d'altor moderáu. Hai delles cordeleres interiores: Sierra Salbada, Montes de Gasteiz, Izki, Urbasa y Andía; y otres costeres: Gorbea, Urkiola, Elgea, Aizkorri, Altzania y Aralar.

Flora[editar | editar la fonte]

La Cordelera Cantábrica ta dominada por bosques planocaducifolios formaos principalmente por fayes (Fagus sylvatica) nes fasteres solombrices y delles especies de carbayos (Quercus robur, Quercus petraea y Quercus pyrenaica), en función de l'altitú y les carauterístiques del suelu, nes soleyeres. Rescampla l'ausencia cuasi total de bosques naturales de coníferes, neto nel pisu montanu que nel soalpín, pola mor de la gran humedá del suelu. Hai dellos pinares pequeños, reconocíos como autóctonos, en Palencia y Llión. Nes sierres de caliza hai, con orientación sur y en llugares fríos y secos, sabinares, y tamién texos en roquedos calizos. Perriba los 1.800 m d'altitú predominen les bedules, el brezu y otros matorrales, y praos de gramínees d'altura, perimportantes pa l'alimentación del ganáu de monte.

Fauna[editar | editar la fonte]

Pitu montés machu.

Ente les diverses especies animale de la zona destaca l'osu pardu cantábricu, una especie en riesgu d'estinción, con 300 exemplares que sicasí representen un númberu abondu mayor que'l de décades pasaes y que faen que la especie seya viable. Son importantes tamién les poblaciones de robecu cantábricu (Rupicapra pyrenaica parva), venáu común (Cervus elaphus), corzu (Capreolus capreolus), xabaril (Sus scrofa), llobu ibéricu (Canis lupus signatus), llóndriga (Lutra lutra), marta (Martes martes), melandru (Meles meles), falcatrúa ibérica (Galemys pyrenaicus), pitu montés (Tetrao urogallus) y utre leonado (Gyps fulvus).

La cabra montesa (Capra pyrenaica victoriae) ye una especie reintrocida na cordelera a partir d'un núcleu de cría en cautividá en Riañu (Llión), y anguaño estiéndese pela Sierra de los Ancares y na Montaña de Riañu y Mampodre, con individuos aisllaos n'Asturies y Llébana. Considérase probable que, a mediu plazu, ha recolonizar tola cordelera.

Clima[editar | editar la fonte]

El clima d'esta rexón xeográfica ye fundamentalmente de tipu oceánicu templáu y húmedu, carauterizándose por una mayor frecuencia de vientos de componente norte. La temperatura media añal de la zona ye de 13 °C y la diferencia ente la máxima temperatura del añu (agostu) y la mínima (xineru) ye de 12 °C. Esto fai de la Rexón Cantábrica la zona con amplitú térmica más baxa de la península ibérica.

El solazu ye de 1.700 hores de sol añales y la precipitación media ye de 1800 l/m², con un promediu de 150 a 200 díes d'agua al añu.

Llistáu de picos más altos[editar | editar la fonte]

Los picos más altos de la Cordelera Cantábrica
Nombre Sistema Altitud (m) Prominencia (m) Provincia
La Torre Cerréu Picos d'Europa 2.650 1933 Asturies y Llión
Torre del Llambrión Picos d'Europa 2.642 302 Llión
Torre del Tiro Tirso Picos d'Europa 2.640 Llión
Torre ensin Nome Picos d'Europa 2.638 Llión
Torre Blanca Picos d'Europa 2.619 30 Cantabria y Llión
Peña Vieya Picos d'Europa 2.617 277 Cantabria
Torre de la Palanca Picos d'Europa 2.614 Llión
Torre del Tiro Navarro I Picos d'Europa 2.602 Asturies y Cantabria
Torre del Hoyo Grande Picos d'Europa 2.602 Asturies
Picu de Santa Ana I Picos d'Europa 2.601 Asturies y Cantabria
Torre Santa Picos d'Europa 2.598 1135 Llión
Picu de Santa Ana II Picos d'Europa 2.596 Asturies
Picu Tesoreru Picos d'Europa 2.570 Llión, Asturies y Cantabria
Peña Prieta Fuentes Carrionas 2.538 929 Cantabria y Palencia
Curavacas Fuentes Carrionas 2.524 Palencia
Picu Urriellu Picos d'Europa 2.519 205 Asturies
Picu Tres Provincies Fuentes Carrionas 2.496 Llión, Palencia y Cantabria
Espigüete Fuentes Carrionas 2.450 Palencia
Penubina Macizu d'Ubiña 2.417 Llión y Asturies
Picu del Fontán Sur Macizu d'Ubiña 2.414 Llión y Asturies
Picu Murcia Fuentes Carrionas 2.341 Llión y Palencia
Cuchillón Sierra de Híjar 2.222 Cantabria y Palencia
Penubina Pequeña Macizu d'Ubiña 2.197 Llión
Peña de la Cruz Macizo del Mampodre 2.195 Llión
Peña Orniz Babia-Somiedu 2.194 Llión y Asturies
Cornón Ḷḷaciana - Somiedu 2.194 Llión y Asturies
Montigüero Babia 2.188 Llión
Picu Tres Mares Sierra de Híjar 2.175 Cantabria y Palencia
Cotomañinos Sierra de Híjar 2.144 Cantabria y Palencia
Peña Ten Ponga 2.142 Llión y Asturies
Cornón Sierra del Cordel 2.125 Cantabria
Cuetu Mañín Sierra de Híjar 2.122 Cantabria y Palencia
Catoute Sierra de Gistredo 2.117 Llión
Peña Pileñes Ponga 2.112 Asturies
Cuetu de la Horcada Sierra del Cordel 2.111 Cantabria
Tambarón Sierra de Gistredo 2.102[1] Llión
Cuetu Iján Sierra del Cordel 2.085 Cantabria
Nevadín Sierra de Gistredo 2.082 Llión
Cuetos de las Hoyas Sierra de Híjar 2.079 Cantabria y Palencia
Picu Liguardi o La Vaca Rabona Sierra del Cordel 2.067 Cantabria
Cuetu Cordel Sierra del Cordel 2.061 Cantabria
Peña Sagra Sierra de Peña Sagra 2.042 Cantabria
Peña del Fraile Sierra del Brezu 2.025 Palencia
Peña Labra Sierra de Híjar 2.018 Cantabria y Palencia
Cuetu d'Arbas Fuentes del Narcea 2.007 Asturies
Peña Redonda Sierra del Brezu 1.993 Palencia
Mustallar Sierra de Los Ancares 1.978 Lugo
Picu Yordas Montaña de Riañu 1.967 Llión
Tiatordos Ponga 1.952 Asturies
Cuetu de la Concilla Puertos de Sejos 1.922 Cantabria
Maciédome Ponga 1.903 Asturies
Castru Valnera Montañes pasiegues 1.718 866 Burgos y Cantabria
Picón del Fraile Montañes pasiegues 1.632 Burgos y Cantabria
Peña Lusa Montañes pasiegues 1.575 Burgos y Cantabria
Aitxuri Montes Vascos 1.551 943 Gipuzkoa
Picu Pierzu Ponga 1.551 Asturies
Aizkorri Montes Vascos 1.544 Gipuzkoa
Gorbea Montes Vascos 1.482 Álava y Bizkaia
Picu Jano Macizu del Coriscao 1.446 350 Cantabria
Picu Humión Montes Obarenes 1.435 715 Burgos
Irumugarrieta Montes Vascos 1.431 Navarra
Porracolina Montañes pasiegues 1.414 Cantabria
Mortillano Macizu d'Hornijo 1.413 Cantabria

Galería[editar | editar la fonte]

Ver tamién[editar | editar la fonte]

Enllaces esternos[editar | editar la fonte]

  1. «Visor del SIGPAC». Consultáu'l 12 de junio de 2011.