Picu Pienzu

De Wikipedia
Saltar a navegación Saltar a la gueta
Picu Pienzu
Pico-pienzu.jpg
Situación
PaísBandera d'España España
AutonomíaFlag of Asturias.svg Principáu d'Asturies
Coordenaes 43°25′54″N 5°14′32″O / 43.431797°N 5.242114°O / 43.431797; -5.242114Coordenaes: 43°25′54″N 5°14′32″O / 43.431797°N 5.242114°O / 43.431797; -5.242114
Picu Pienzu is located in España
Picu Pienzu
Picu Pienzu
Picu Pienzu (España)
Datos
Cambiar los datos en Wikidata

El picu Pienzu, con 1.161 msnm, ye'l puntu culminante de la sierra mariniega asturiana del Sueve.

La ruta más típica p'algamar el so cume parte del mirador del Fitu, en que'l so llau opuestu hai marcáu un senderu que, escurriendo ente pinares algama la mayada del Bustacu, una gran pradería con una fonte na que suelen pastiar asturcones. Dende ellí, un empináu camín algama otra mayada, la de Mergullines, na qu'hai otra fonte. El cume, con una enorme cruz de fierro coronándola, ye fácilmente accesible dende ende. Les vistes son magnífiques, tantu de tola mariña centro-oriental d'Asturies como de les cadenes montascoses de la zona central y sur, destacando los Picos d'Europa. Baxando en direición sur-oeste puede  algamar con facilidá'l segundu cume del Sueve: el picu Miruellu.

La cruz de fierro[editar | editar la fonte]

Vista aérea de la cruz de hierro del picu Pienzu.

La cruz de fierro de dieciséis metros que corona'l cume del Pienzu foi asitiada ellí, cola ayuda de numberosos vecinos de la zona del Sueve, nel añu 1954, anque yá en 1915 fuera construyida una cruz de madera de siete metros que llueu venció a los embates del abertal y hubo de ser sustituyida por una cruz, tamién de madera, mayor y más alta y resistente, que tamién foi destruyida por una envernada. (Les cruces que socesivamente se fueron asitiando fueron una donación de los hermanos Victorero de Llastres)

La cruz de fierro foi bendicha'l 18 de setiembre de 1955, con una multitudinaria misa celebrada na mayada de Mergullines y oficiada pol sacerdote José Dosal.

Ruta al Picu Pienzu dende Cofiñu[editar | editar la fonte]

Dende l'aldega de Cofiñu,nel conceyu de Parres yá a tan solo 5 kilómetros de Les Arriondes puede realizase una ruta de gran guapura y poca dificultá, apocayá señalizada, que llevara hasta'l picu Pienzu, magar nel últimu tramu  compartir cola conocida ruta que parte dende'l mirador del Fitu. Hai un panel descriptivu na entrada del pueblu que va dar les pautes pa empezar la ruta según tola información necesaria sobre la mesma.

La dificultá ye básica, el desnivel a salvar nun ye nada importante y cúbrese esta ruta nunos dos hores y media pa xubir hasta la cruz y unos dos hores escasa pa baxar hasta l'aldega.

Vista panorámica dende'l Picu Pienzu, Asturies

Enllaces esternos[editar | editar la fonte]