Babia

De Wikipedia
Saltar a: navegación, buscar
Babia
Vaviamap.png
Comarca Cuatro Vaḷḷes
Provincia Llión
Superficie 379,89 km2
Población 1786 hab
Densidá 4,7 hab/km2
Ríos Ḷḷuna, Torrestíu
Conceyos
Estaya llingüística

Llionés occidental

Babia ye una comarca hestórica y tradicional de la Montaña occidental llionesa. Ye una de les que meyor guarda la llingua y la cultura de la rexón, magar qu'anguaño ta nun grave procesu de despoblación. Como toles comarques monteses ye primordialmente ganadera, si bien anguaño tamién ta desendolcando un turismu rural perimportante dada la so guapura natural y cultural. Davezu ta incluyida nuna comarca más grande que se denoma los Cuatro Vaḷḷes poles fuertes rellaciones coles comarques vecines.

Nome[editar | editar la fonte]

El topónimu remanez del términu llatín medieval de Vadavia polo que se caltién la lletra v nel nome de la comarca, al contrariu de lu qu'asocede en llingua castellana, y nel asturianu estándar.

Xeografía[editar | editar la fonte]

Averada a Asturies, de la que la separta Somiedu y el Puertu de Ventana presenta grandes torres siendo Peña Ubiña, el puntu más altu. Ta cruciada pel ríu Torrestíu que ye afluente del Ḷḷuna que dará nome a la comarca vecina.

Amás presenta tala riqueza de fauna y flora que nel añu 2004 foi declarada Reserva de la Biosfera pola UNESCO.

Tar en Babia[editar | editar la fonte]

L'emplegu d'esti refrán, sobre manera en castellán, vien del vezu de los reis de Llión de descansar y cazar na comarca, escaeciéndose de los asuntos reales. Yá que les comunicaciones yeren pésimes, principalmente n'iviernu; el rei taba incomunicáu y d'ehí l'emplegu d'esta frase.

Conceyos[editar | editar la fonte]

  • Cabriḷḷanes o Babia de Suso.
  • Santu Miḷḷanu o Babia de Yuso.

Llingua[editar | editar la fonte]

Ye una de les estayes au meyor conserven la llingua asturiana dialeutalmente pertenez al asturianu occidental y más concretamente na variante pachueza, qu'emplega la ḷḷ (che vaqueira) y la conversión del grupu llatín lj en ch, muyere/muchere. Esta modalidá compártela coles otres comarques vecines como Ḷḷaciana, Ḷḷuna y Umaña.

Enllaces esternos[editar | editar la fonte]

Páxina de los Cuatro Vaḷḷes