Ḷḷaciana

De Wikipedia
Saltar a navegación Saltar a la gueta
Ḷḷaciana
Alministración
PaísBandera d'España España
AutonomíaFlag of Castile and León.svg Castiella y Llión
ProvinciaBandera de León.svg Provincia de Llión
Xeografía
Coordenaes 42°55′N 6°19′W / 42.92°N 6.32°W / 42.92; -6.32Coordenaes: 42°55′N 6°19′W / 42.92°N 6.32°W / 42.92; -6.32
Demografía
Cambiar los datos en Wikidata
Allugamientu del conceyu de Ḷḷaciana na provincia de Llión

Ḷḷaciana (Tsaciana o Chxaciana nes grafíes tradicionales) ye una comarca histórica situada nel noroccidente de la Provincia de Llión (comunidá autónoma de Castiella y Llión, España), que se compón d'un únicu términu municipal.

Llingüística[editar | editar la fonte]

Comarcasllion.png

La llingua predominante güei ye'l castellanu, que coexiste con una variante del asturllionés: el pachuezu, que, ente otros trazos destacaos, presenta la palatalización de la L- inicial y la -LL- xeminada llatines nun soníu africáu ápico-alveolar sordu conocíu en dalgunos ámbitos como "che vaqueira", tradicionalmente representada coles grafíes <ts> o <chx> y modernamente como <ḷḷ>. Por mas que tea en peligru de desaparición, son diverses les iniciatives feches pa revitalizar la fala tradicional de la zona. Ente elles destaquen una producción lliteraria relativamente fuerte, promovida por editoriales como Piélago del Moro o'l Club Xeitu, una campaña de retulación de comercios y locales públicos organizada por El Teixu, la presencia de la llingua en pregones de fiestes locales (como'l de les fiestes de Viḷḷablinu, al cargu de la escritora Emilce Núñez) y cursos sobre la variedá occidental del asturllionés dirixíos pol escritor y profesor Roberto González-Quevedo. [1]

Contestu xeográficu[editar | editar la fonte]

Situada nel noroccidente de la provincia de Llión, la comarca de Ḷḷaciana atiesta coles comarques llioneses de Palacios, Oumaña y Babia. y colos conceyos asturianos de Degaña, Cangas y Somiedu. Ye una tierra de montes de carbayos y fayes, semaos de mines y esplotaciones carboníferes a cielu abiertu. Los ríos d'esti valle fluyen con direición al Océanu Atlánticu y la so agua acaba afluyendo al principal de toos ellos, que ye El Ríu Sil.

Poblaciones[editar | editar la fonte]

La comarca de Ḷḷaciana ta integrada pol conceyu de Viḷḷablinu (pueblos de Viḷḷablinu, Cagüaḷḷes d'Abaxu, Viḷḷaseca de Ḷḷaciana, Cagüalles d'Arriba, Viḷḷaxere, Riuscuru, Sousas, Robles de Ḷḷaciana, Rabanal d'Abaxu, Rabanal d'Arriba, Ḷḷamas de Ḷḷaciana, Ouraḷḷu, Ḷḷumaxu y Viḷḷare de Santiagu).

Economía[editar | editar la fonte]

Comarca eminentemente minera cutida anguaño pola crisis abierta del sector, vese empuesta a la busca d'alternatives económiques de futuru. Ye see de les empreses Coto Minero Cantábrico o Hijos de Baldomero García.

Demografía[editar | editar la fonte]

Series de población dende 1996. Cifres oficiales de la Revisión añal del Padrón municipal a 1 de xineru de cada añu.
Notes:
1) Nel añu 1997, nun se realizó revisión padronal

2) Les cifres de 1996 tán referíes a 1 de mayu y les demás a 1 de xineru.

Fonte: Institutu Nacional d'Estadística

AÑU TOTAL HOMES MUYERES
2012 10.220 5.055 5.165
2011 10.353 5.104 5.249
2010 10.553 5.212 5.341
2009 10.660 5.291 5.369
2008 10.860 5.394 5.466
2007 11.168 5.531 5.637
2006 11.544 5.733 5.811
2005 11.904 5.929 5.975
2004 12.212 6.098 6.114
2003 12.978 6.508 6.470
2002 13.336 6.682 6.654
2001 13.789 6.929 6.860
2000 14.169 7.120 7.049
1999 14.702 7.423 7.279
1998 14.956 7.547 7.409
1997
1996 15.284 7.715 7.569

Gastronomía[editar | editar la fonte]

Dalgunos de los platos más típicos de Ḷḷaciana son el caldu de berzas o pote ḷḷacianiego, el choscu o botillo, el ḷḷeite migau (lleche migada con pan de fogaza de centenu) y l'empanada del país. De la repostería destaquen los fixuelus en forma d'espiral, típicos del occidente.

Ḷḷacianegos destacaos[editar | editar la fonte]

Referencies[editar | editar la fonte]