Club Xeitu

Club Xeitu



XUNTA DIRECTIVA
Presidenta	María Luisa Jorissen García
DATOS
Fundación	2009
Disolución	{{{disolución}}}
Sede	Viḷḷablinu, Ḷḷaciana (Lleón)

Oxetivos	Estudiu, proteición y divulgación del patrimoniu cultural, históricu, documental, antropolóxicu, gráficu, folclóricu y natural del valle de Ḷḷaciana y de los montes asturiano-llioneses.

Sitiu web	http://www.xeitu.es/index.html

El Club Xeitu ye una asociación española dedicada al estudiu, proteición y divulgación del patrimoniu cultural, históricu, documental, antropolóxicu, gráficu, folclóricu y natural del valle de Ḷḷaciana y de los montes asturiano-llioneses.^[1]. L'asociación tien la so sede na llocalidá de Viḷḷablinu (Lleón), siendo la so presidenta honorífica María Luisa Jorissen García

L'anagrama d'esta entidá inspírase nuna grillándana (o griḷḷándana), una flor común nel cordal cantábricu y abondo frecuente en Ḷḷaciana.

Historia[editar | editar la fonte]

El Club Xeitu foi constituyíu'l 19 de febreru de 2009 en Cagüaḷḷes d'Abaxu por delles persones naturales o rellacionaes col Valle de Ḷḷaciana al envís de revitalizar y promover los valores patrimoniales del mesmu y de la so contorna xeográfica, centrándose especialmente na variante del asturianu occidental falada na zona (conocida popularmente como paḷḷuezu).

Actividá[editar | editar la fonte]

Una de les actividaes principales de l'asociación ye la publicación de llibros de temática diversa: diccionarios de paḷḷuezu-castellanu, guíes de flora autóctona, biografíes de personaxes llocales, historia, etc.^[2]^[3]^[4]^[5].

El Club Xeitu encárgase tamién del estudiu y la promoción del asturllionés. Asina, dende l'añu 2009 vien celebrando'l Certame Lliterariu Guzman Álvarez^[6] xunto col concursu de recoyida de toponimia tradicional Concha de Lama, dende 2011^[7], amás de recitales de poesía y homenaxes a figures importantes de la cultural autóctona (como los homenaxes a Isabel Alvarez, Melchor Cosmen o Fernando Mayán^[8]. D'esta miente, publicó un diccionariu de paḷḷuezu iguáu por Manuel Gancedo en 2013^[9].

Ente los sos oxetivos destaca la conservación y defensa del patrimoniu históricu y etnográficu. Nesti sen, denunciara públicamente l'abandonu y deterioru de la Piedra Furada de Carrasconte^[10] o l'afayu nun vertideru d'una placa commemorativa centenaria dedicada a Sierra y Pambley. ^[11]

Asinamesmo, dispón d'un boletín periódicu (Xeitu) al traviés del que divulgar aquellos temes rellacionaos colos valles del noroeste de Lleón.

Ver tamién[editar | editar la fonte]

Referencies[editar | editar la fonte]

[1] Club Xeitu. Fines y oxetivos

[2] El Club Xeitu graba un disco basado en la obra de Melchor Rodríguez Cosmen

[3] El Club Xeitu publica "Vida y milagros de San Justo del Villar"

[4] El Club Xeitu asoleya un llibru sobre les plantes de Ḷḷaciana

[5] Presentación del libro "Villamayor de Riello" en la Casa de León

[6] Convocado el 5º Certamen Literario en Patsuezu 'Guzmán Álvarez'

[7] El Club Xeitu convoca el III Concurso de Toponimia ‘Concha de Lama’

[8] Eduardo Carbajo en el homenaje del Club Xeitu a su madre Isabel Álvarez

[9] El Club Xeitu publica 'Tseite, tsinu, tsume, tsana', primer diccionario de patsuezu de Manuel Gancedo

[10] El Club Xeitu solicita medidas urgentes de salvaguarda y restauración de la Piedra Furada de Carrasconte

[11] La placa dedicada a Sierra Plambley de más de cien años de antigüedad, aparece en un vertedero de escombros

[1]

[2]

[3]

[4]

[5]

[6]

[7]

[8]

[9]

[10]

[11]