Colonia alministrativa

De Uiquipedia
Saltar a: navegación, buscar
Pa otros usos d'esti términu, ver Colonia. Disambig.svg

L'imperiu británicu en 1921.

Una colonia, en política, pue ser o un asentamientu o forma de poblamientu (dáu hasta'l sieglu XIX), o bien un territoriu suxetu a l'alministración y gobiernu d'un país remotu, llamáu metrópoli (sieglu XIX). Nuna situación colonial, los nativos del territoriu colonizáu escarecen d'autonomía —anque puen tar políticamente representaos en cuerpos gubernamentales— y tán suxetos a la soberanía del gobiernu metropolitanu. Gran parte d'África y la totalidá d'América fueron colonies de les potencies europees mientres sieglos, hasta que les guerres d'independencia del sieglu XIX y el procesu de descolonización fechu poles Naciones Xuníes dempués de la Segunda Guerra Mundial dexaron a los territorios ganar la so independencia. Anque la denominación de posesiones d'ultramar contien a un bon númberu d'entidaes suxetes a un estatus xurídicu asemeyáu.

Na actualidá, colonia ye xeneralmente estremada d'una posesión de ultramar:

  • Nel casu d'una colonia, la población llocal, siquier la parte d'ella que nun provien de la metrópoli, nun gocia de plenos derechos de ciudadanía. Los procesos políticos son xeneralmente acutaos, especialmente esclúyese les cuestiones rellatives a la independencia. Nesti casu, hai colonos del país dominante y de cutiu les propiedaes en manos de los pueblos indíxenes del llugar son escases. Los sistemes llegal, relixosu, etc. son impuestos y en dellos casos la población llocal foi esclavizada o entá sometida a xenocidiu.
  • Nel casu d'una posesión d'ultramar, los ciudadanos son formalmente iguales al respective de los de la metrópoli, permítese-yos formar movimientos pro independencia, pero pa llograla tienen d'algamar una mayoría, por casu nun referendu. Sicasí, en dellos casos los colonos de la metrópoli pueden superar en númberu a los indíxenes de la posesión d'ultramar y polo tanto ye posible que'l territoriu nun llogre independizase en contra de los deseos de los sos habitantes indíxenes.

Territorios non autónomos[editar | editar la fonte]

En 2010 el Comité de Descolonización de les Naciones Xuníes consideraba 16 territorios non autónomos a ser descolonizaos:[1] Anguilla, Bermudes, Gibraltar, Guam, Islles Caimán, Islles Malvines, Islles Turques y Caicos, Islles Vírxenes Britániques, Islles Vírxenes Americanes, Montserrat, Nueva Caledonia, Islles Pitcairn, Sáhara Occidental, Samoa Americana, Saint Helena y Tokelau.

Les potencias qu'entá controlen territorios nom autónomos son:

Ver tamién[editar | editar la fonte]

Referencies[editar | editar la fonte]

Bibliografía[editar | editar la fonte]