Alministración pública

De Uiquipedia
Saltar a: navegación, buscar

Por Alministración pública, polo xeneral, entiéndese a la organización integrada per un personal profesional, dotada de medios económicos y materiales públicos que pon en práutica les decisiones tomaes pol gobiernu. Componse de tou lo que la fai efectiva: funcionarios y edificios públicos, entre otros. Pola so función, ye'l enlaz entre la ciudadanía y el poder políticu. Ensin embargu, nun solo existe Alministración Pública nel Poder Executivu, sinon en gran parte'l Estáu e inclusu n'entes privados que desempeñen funciones alministratives por habilitación del Estáu. Del llatin "ad-ministrare", que significa servir, o de "ad manus traher" que alude a la idea de manexar o xestionar.

Pero el conceutu d'Alministración Pública pué ser entendíu dende dos puntos de vista. Dende un puntu de vista formal, entiéndese a la entidá que alministra, o seya, al organismu públicu que recibe del poder políticu la competencia y los medios necesarios pa la satisfacción de los intereses xenerales. Dende un puntu de vista material, entiéndese más bien l'actividá alministrativa, o seya, l'actividá d'esti organismu consideráu nos sos problemes de xestión y d'existencia propia, tanto nes sos rellaciones con otros organismos semexantes comu colos particulares pa asegurar la execución de la so tarea.

L'Alministración tien una serie de prerrogatives que la coloquen nuna posición superior a la del administráu. Entre dichos poderes destaquen:

  • La interpretación unilateral de contratos.
  • La executividá de los actos administrativos (per exemplu, el cobru de multes pol procedimientu d'apremiu). Ye decir, los actos de l'alministración deben cumplise, son obligatorios, y l'alministración tá autorizada pa imponelos unillateralmente a los particulares.
  • El sometimientu a una xurisdicción especializada, la xurisdicción Contenciosu-Alministrativa.
  • La potestá expropiatoria, consistente na adquisición pola alministración, a traviés del correspondiente procedimientu, de bienes y drechos de particulares, col oxetu de dar cumplimientu a una finalidá de interés públicu o social.