Austin (Texas)

De Wikipedia
Saltar a: navegación, buscar
Merge-arrows.svg Pues collaborar con Wikipedia fusionando esti artículu con Austin.
Austin (Texas)
Alministración
Xeografía
Demografía

Austin ye la capital del estáu de Texas, nos Estaos Xuníos, y centru alministrativu del condáu de Travis. Asitiáu nel centru de Texas, ye la cuarta mayor ciudá del estáu y la decimoprimera mayor del país. Ye, colos sos 842.592 habitantes (estimación pa 2012 del U.S. Census Bureau), la segunda capital estatal más grande de los Estaos Xuníos, y ye'l centru cultural y económicu del Gran Austin|área metropolitana Austin-Round Rock, que compriende cinco condaos y tien una población estimada (2015) de 2.000.860 habitantes.

Na década del 1830 dellos pioneros entamaron a asentase no qu'anguaño ye'l centru d'Austin, a la vera del ríu Colorado. Dempués de que'l vicepresidente de la República de Texas Mirabeau B. Lamar visitara la zona demientres una espedición pa cazar búfalos en 1837-38 propunxo que la capital estatal, que daquella taba en Houston, fuera llevada a una zona d'Austin na oriella norte del ríu Colorado, cerca d'au ta anguaño la ponte de l'Avenida del Congresu. Foi 1839 l'añu nel que la ciudá, daquella nomada Waterloo, pasó a ser la séptima (y última) capital estatal; entóncenes camudó'l so nome pol actual n'homenaxe a Stephen F. Austin, primer secretariu d'estáu de la república texana y que tenía l'alcuñu de Father of Texas (el pa de Texas).

La ciudá medró demientres el sieglu XIX, y convirtióse nel centru estatal de l'actividá gubernamental y tamién de la educativa, cola fundación de la University of Texas at Austin. Dempués d'un parón nel so espoxigue demientres la Gran Depresión, la ciudá recuperó puxu, y pa la década del 1980 entamó a convertise nun centru de negocios y d'asientu d'empreses tecnolóxiques. Ente elles destaca'l fabricante d'ordenadores Dell, que tien la so sé mundial en Round Rock, un suburbiu d'Austin, y otres empreses perimportantes (Apple, eBay, Google, IBM, Intel, Texas Instruments o 3M) que tienen na ciudá la so sé rexonal y centros d'investigación que ficieron que la ciudá fora conocida, na década del 1990, como Silicon Hills.

Enllaces esternos[editar | editar la fonte]