Taiwán

Coordenaes: 23°46′N 121°00′E / 23.77°N 121°E / 23.77; 121
De Wikipedia
Taiwán
Táiwān (zh)
Situación
Estáu con reconocencia parcialBandera de Taiwán Taiwán
Tipu islla
Asitiáu en Mar de la China Oriental
Coordenaes 23°46′N 121°00′E / 23.77°N 121°E / 23.77; 121
Taiwán alcuéntrase en República de China
Taiwán
Taiwán
Taiwán (República de China)
Datos
Altitú media 3952 m
Puntu más altu Yu Shan (es) Traducir
Superficie 35 883 km²
Población 23 500 000
Fusu horariu fusu harariu de Taiwán
Llonxitú 394 km
Cambiar los datos en Wikidata

Taiwán, anteriormente conocida como Formosa, ye una islla asitiada nel Asia oriental, a unos 180 km de distancia de la costa suroriental de China continental, de la que ta separtada pol estrechu de Taiwán. Tien una estensión de 36,104 km², que compriende la de islles menores averaes a ella, como la de Penghu (127 km²). Ta arrodiada pol mar de la China oriental al norte, el mar de Filipines al este, l'estrechu de Luzón al sur y el mar de la China meridional al suroeste. La islla representa'l 99% del territoriu de la República de China, estáu non reconocíu pola ONX, pero sí por 23 países como representante oficial de China.

Taiwán ye un bloque de falles inclinaes, con un agudu contraste ente los sos dos tercios más orientales, formaos básicamente por cinco cordeleres montañoses escarpaes, paraleles a la so costa este, y el so terciu occidental, con llanures alternando con llombes de pocu altor, nel que vive la mayoría de la población de la islla. Nella hai dellos picos de más de 3.500 m d'altor, siendo'l mayor d'ellos el Yu Shan (3.952 m), que la convierten na cuarta islla con mayor altitú media del mundu. La so condición de fastera de llende tectónica, que provocó la formación de les cordeleres, persiste, y la islla sufre, poro, munchos terremotos, dalgunos perdestructivos. Hai, tamién, munchos volcanes somarinos activos nos estrechos de Taiwán.

El so clima varía dende'l tropical al sur hasta'l subtropical nel norte, y ta condicionáu pol monzón del Asia oriental. Una media de cuatro tifones afecten a la islla añalmente. Les sos montes orientales tán cubiertos de viesca, y son l'abellugu de bayura d'especies, mentantu que les llanaes occidentales y septentrionales tienen un usu del terrenu (industrial, urbanu, agrícola) intensivu.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]