Koblenz

Koblenz
Alministración
País	Alemaña
Estáu federáu	Renania-Palatináu
Tipu d'entidá	gran ciudá
Cabezaleru/a del gobiernu	David Langner
Nome oficial	Koblenz (de)
Nome llocal	Koblenz
Códigu postal	ver 56001–56077;
Xeografía
Coordenaes	50°21′35″N 7°35′52″E / 50.3597°N 7.5978°ECoordenaes: 50°21′35″N 7°35′52″E / 50.3597°N 7.5978°E
	Koblenz Koblenz (Alemaña)
Superficie	105.25 km²
Altitú	73 m
Llenda con	Westerwald (es) , Rhein-Lahn (es) y Mayen-Coblenza (es)
Demografía
Población	113 638 hab. (31 avientu 2021); - 55 628 homes
Porcentaxe	0.14%; 2.78% d'Alemaña; Renania-Palatináu
Densidá	1079,7 hab/km²
Más información
Prefixu telefónicu	0261, 02606
Estaya horaria	UTC+01:00 (horariu estándar); UTC+02:00 (horariu de branu)
Llocalidaes hermaniaes	Nevers, Haringey (es) , Norwich, Maastricht, Novara, Austin, Petah Tikva, Varaždin (es) , Maseru, Chengdu, Haskovo (es) y Rouen
	koblenz.de

Koblenz ye una ciudá asitiada a entrambos llaos del Rin nel so confluencia col ríu Mosela. Dempués de Maguncia y Ludwigshafen, ye la tercer ciudá más grande nel estáu federáu de Renania-Palatináu (Rheinland-Pfalz n'alemán), Alemaña. Tien 106 417 habitantes (2010).

Historia[editar | editar la fonte]

El so nome deriva del llatín (ad) Confluentes, "confluencia", y yera unu de los puestos militares establecíos por Drusu'l Mayor nel 8 e.C. La ciudá celebró la so 2000 aniversariu en 1992.

Xeografía[editar | editar la fonte]

Mapa de la rexón de Koblenz

Koblenz ta a veres del Rin, a 92 km al sureste de Colonia (Renania del Norte-Westfalia), con una población que creció de 31.669 (1885) y 53.902 (1905) a 106 417 (2010).

Tien unes estenses fortificaciones defensives, compuestes de fuertes a lo cimero de les llombes qu'arredolen la ciudá al oeste, y de la fortaleza de Ehrenbreitstein al llau opuestu del Rin. La ciudá vieya tien forma triangular, con dos llaos flanqueados pelos ríos Rin y Mosela y el terceru per una llinia de fortificaciones. La postrera foi destruyida en 1890, lo que dexó a la ciudá espandise nesta direición. Xusto al esterior de les antigües muralles ta la nueva estación de ferrocarril, onde se xune la llinia de Colonia-Maguncia cola llinia Metz-Berlín.

El monumentu del Deutsches Eck[editar | editar la fonte]

A la Orde Teutónica concedióse-y un espaciu p'afitar la so casa de los caballeros alemanes (Deutschherrenhaus) xusto na vera de dambos ríos, polo que se-y conoció más tarde como Esquina Alemana (Deutsches Eck).

A finales del sieglu XIX construyó un monumentu a la gloria del Imperiu alemán (apocayá constituyíu gracies a Otto von Bismarck), que la so pieza central yera una escultura ecuestre del Emperador Guillermu I d'Alemaña.

Mientres la Segunda Guerra Mundial, la estatua del Emperador foi destruyida pol exércitu d'Estaos Xuníos. L'alministración francesa d'ocupación intentó derruir dafechu'l monumentu y quixo reemplazalo con unu nuevu.

En 1953, el presidente de la República Federal d'Alemaña Theodor Heuss dedicó'l monumentu a la unidá d'Alemaña, añediendo signos de los otros estaos federales del oeste, según los perdíos nel este. La bandera d'Alemaña foi asitiada sobre'l pedestal qu'antes portaba'l monumentu al Emperador. El Sarre foi añedíu cuatro años más tarde en definiéndose el Estatutu del Sarre.

El 3 d'ochobre de 1990, el mesmu día que se xunieron los estaos de la difunta República Democrática Alemana, los sos signos fueron añedíos al monumentu.

Como la reunificación alemana consideróse completa, y les árees so l'alministración polaca fueron vencíes a Polonia, el monumentu perdió'l so propósitu oficial activu, siendo, pos, una alcordanza de la hestoria pasada. En 1993, la bandera d'Alemaña foi reemplazada por una copia de la estatua del Emperador, donada por una pareya local. Darréu amestáronse banderes de distintos estaos de la Xunión Europea.