Asteroidea

De Uiquipedia
Saltar a: navegación, buscar
Ronchel
Clasificación científica
Nerr0878.jpg
Reinu: Animalia
Filu: Echinodermata
Clas: Asteroidea

Los asteroideos (Asteroidea), Estrelles de mar o Roncheles son una clas del filu Echinodermata (equinodermos) de simetría pentaradial, cuerpu apandáu formáu por un discu pentagonal con cinco brazos o más. Conócense unes 2.000 especies vivientes.

Carauterístiques[editar | editar la fonte]

Tienen una cadarma interna calcárea, que funcionalmente ye equivalente a una esterna anque queda per debaxo de la epidermis. Arriendes, y lo mesmo que tolos equinodermos, tienen un sistema ambulacral, que-yos sirvi pa la llocomoción, la captura d'alimentos y la respiración. Esti sistema funciona col mesmu sistema que les cadarmes hidrostátiques (hidroesqueletu): toma agua del mediu esternu per aciu del madreporitu y la presión xenerada nel sistema internu de cuévanos sirvi pa mover los pequeños pies que salen al esterior ente les plaques esquelétiques. Estos pies móviles denómense pies ambulacrales.

L'estremu dixestivu consta, principalmente, d'una boca en posición ventral, un estómadu que puede evertise, faciendo que la so superficie interior pase a ser esterior, y un intestín curtiu, reutu, qu'acaba nún anu, que puede nun esistir.

Ronchel con once brazos.