Ariel Sharon

De Wikipedia
Saltar a navegación Saltar a la gueta
Ariel Sharon
Ariel Sharon, by Jim Wallace (Smithsonian Institution).jpg
miembro de la Knéset

21 xineru 1974 - 23 avientu 1974
miembro de la Knéset

13 xunu 1977 - 17 abril 2006
Ministro de Agricultura y Desarrollo Rural de Israel

20 xunu 1977 - 5 agostu 1981
Ministro de Defensa de Israel

5 agostu 1981 - 14 febreru 1983
ministro sin cartera de Israel

14 febreru 1983 - 13 setiembre 1984
Ministro de Energía y Recursos Hídricos de Israel

8 xunetu 1996 - 6 xunetu 1999
Ministro de Relaciones Exteriores de Israel

13 ochobre 1998 - 6 xunu 1999
David Levy
Primer Ministru d'Israel

7 marzu 2001 - 14 abril 2006
Ehud Barak - Ehud Ólmert
Ministro de Salud de Israel

23 mayu 2002 - 3 xunu 2002
Ministro de Comunicaciones de Israel

28 febreru 2003 - 17 agostu 2003
Vida
Nome completu אריאל שיינרמן
Nacimientu Kfar Malal26 de febreru de 1928
Nacionalidá Mandatu Británicu de Palestina  (1928 -  14 mayu 1948)
Bandera de Israel Israel  (14 mayu 1948 -
Llingua materna hebréu
Fallecimientu

Ramat Gan11 de xineru de 2014

(85 años)
Sepultura Giv'at ha-Kalaniyot
Causa de la muerte insuficiencia renal
Familia
Fíos/es
Estudios
Estudios Universidad Hebrea de Jerusalén
Universidad de Tel Aviv
Llingües inglés
hebréu
Oficiu
Oficiu políticu y oficial del exércitu
Llugares de trabayu Xerusalén y Havat Shikmim
Premios
Serviciu militar
Graduación mayor general
Lluchó en Guerra árabe-israelí de 1948
Guerra del Sinaí
Guerra de los Seis Díes
Guerra del Yom Kippur
Creencies
Relixón Xudaísmu
Partíu políticu Kadima
Likud
Shlomtzión
IMDb nm0788956
Ariel Sharon signature.svg
Cambiar los datos en Wikidata

Ariel Sharon (אֲרִיאֵל שָׁרוֹן, tamién conocíu pol alcuñu d'Árik) (26 de febreru de 1928Kfar Malal - 11 de xineru de 2014Ramat Gan) foi un militar y políticu israelín, Primer Ministru del estáu ente 2001 y 2006.

Trayeutoria militar

Nació en Kfar Malal como Ariel Scheinermann, apellíu que dempués tornó al hebréu. So padre yera d'orixe xermano-polacu y so madre d'ascendencia rusa. La so militancia nel sionismu entamó a los 14 años al axuntase a la Haganá. Dende 1948 desendolcó una carrera militar marcada por ésitos na riestra de guerres nes que participó l'estáu israelín y por un prestixu personal frutu del so estremismu políticu y d'una actitú d'insubordinación que lu llevó a ser xulgáu nun conseyu de guerra. Si bien nun salió condergáu, esi xuiciu obligólu a abandonar la so carrera militar, colo que s'enfotó na vida política dafechu. Foi releváu de los sos cargos militares en 1974, añu en que tamién abandonó'l so escañu col partíu Likud.

Trayeutoria política

Dende finales de la década de 1970, Sharon desendolcó dellos puestos de relevancia nos socesivos gobiernos israelinos, como Ministru de Defensa (cargu del que foi destituyíu pol so papel na Guerra del Líbanu), de Comerciu y Industria, y de Vivienda, hasta qu'en 1992 algamara'l Gobiernu'l partíu del llaborista Isaac Rabin.

Sharon volvió al Gobiernu col Likud de Benjamín Netanyahu en 1996, primero como titular d'Infraestructures (1996-1998) y dempués como responsable d'Asuntos Esteriores (1998-1999).

Ariel Sharon foi elixíu Primer Ministru nel añu 2001, cargu que revalidare en 2003. La so xestión nel gobiernu ta marcada pola Intifada d'Al-Aqsa, recrudecimientu del conflictu palestino-israelín aniciáu en coincidencia con una visita del propiu Sharon a la Esplanada de les Mezquites en Xerusalén (2001).

La so política de dura represión escontra les aiciones palestines y el so antagonismu col líder palestín Yasser Arafat desanicien el procesu de paz entamáu años enantes ente'l Gobiernu llaborista d'Israel y l'Autoridá Nacional Palestina col sofitu de la comunidá internacional.

La estraña muerte d'Arafat en 2004 y la presión internacional lleven a Sharon a entamar una nueva política acordies cola Fueya de Ruta diseñada cola tutela d'Estaos Xuníos p'algamar la paz na zona, cola creación de dos estaos xebraos palestino-israelín. Nesti sen, el gobiernu de Sharon decide esborrar asentamientos xudíos en territoriu palestín, col emplegu de fuercies militares pa desaloxar families de colonos, midida que-y fai perder a Sharon el sofitu de les faiciones más estremistes del sionismu.

A finales de payares de 2005, Sharon vese forzáu a disolver la coalición de gobiernu que lu caltenía nel poder pola perda del sofitu del llaborismu. Amás, la radicalización del Likud, sobre too poles presiones del líder del ala más derechista de la formación, Benjamin Netanyahu, lleven a Sharón a xebrar el partíu y fundar la Kadima, formación centrista a la que s'axúnten dellos ministros del gobiernu y dellos líderes sociales.

El 4 de xineru de 2006, Ariel Sharon sufre una hemorraxa cerebral perfuerte que lu aparta definitivamente de l'actividá política. Los sos poderes son tresmitíos a Ehud Olmert, qu'asume'l cargu de Primer Ministru. El 11 de xineru de 2014 finó tres un fallu cardiacu con 85 años d'edá, acabando con ocho años en coma fondu y en virtual estáu vexetativu.

Referencies

Enllaces esternos


Predecesor:
Ehud Barak
Emblem of Israel.svg
Primer Ministru d'Israel

2001-2006
Socesor:
Ehud Ólmert