Xerusalén

Xerusalén
Israel
Alministración
País	Israel
Distrito	Distrito de Jerusalén
Tipu entidá	ciudá
Alcalde/esa	Nir Barkat
Códigu postal	91000–91999
Xeografía
Coordenaes	31°47′00″N 35°14′00″E
Superficie	125.42 km²
Altitú	754 m
Llenda con	Ramat Rajel, Mevaseret Zion, Beit Zayit, Hizma, Al-Ram, Ramala, Even Sapir, Beit Jala, Abu Dis y Ora
Demografía
Población	865 721 hab. (31 avientu 2015)
Densidá	6902,58 hab/km²
Más información
Prefixu telefónicu	2
Estaya horaria	UTC+02:00
Llocalidaes hermanaes	Nueva York, Ayabe, Moscú, Praga, Buenos Aires, Teḥrán, Río de Janeiro, Jersey City, Metepec y Bratislava
www.jerusalem.muni.il

Xerusalén (n'hebréu ירושלים, Yerushalayim; n'árabe القدس, al-Quds), ciudá d'Asia, nel Prósimu Oriente. Foi l'antigua capital del Reinu d'Israel y del Reinu de Xudá; principal ciudá israelina, capital declarada del estáu d'Israel y, d'igual mou, ciudá onde l'Autoridá Palestina quier establecer la so capital (Xerusalén Este).

Ye una de les ciudaes más antigües del mundu, habitada polos cananites xebuseos enantes de la llegada de les tribus hebrees a Canaán a principios del sieglu XIII edC.

Capital de dos Estaos

Israel proclamó Xerusalén como capital en 1950, dos años depués de la creación del estáu hebréu, y asitió ellí les sedes del gobiernu, el parlamentu y otros órganos alministrativos. La ciudá fora dixebrada en dos partes (Israel y Xordania) tres l’armisticiu de la guerra árabe-israelina de 1948, polo que la capitalidá xudía namás afeutaba a la parte occidental. Na guerra de los seis díes de 1967, Israel conquistó la parte oriental (Xerusalén Este) y la incorporó al restu del conceyu. En 1980, el gobiernu hebréu aprobó la Llei de Xerusalén, que falaba de la ciudá como la “capital eterna ya indixebrable” del país. Énte esti fechu, la ONU aprobó la resolución 478, que declaraba nula la llei israelina y aconseyaba a los Estaos miembros treslladar les sos embaxaes a Tel-Aviv como midida de castigu.

Orixen etimolóxicu

Salem quier dicir paz n'hebréu antiguu, y Xeru ciudà, polo que Xerusalén al completu quier dicir Ciudà de la paz.

Enllaces esternos

• Wikimedia Commons tien conteníu multimedia tocante a Xerusalén.
• Información de la ONU sobre Xerusalem (n'inglés).
• Travexpert Xerusalén
• Lonely Planet - Xerusalén