Sieglu XIII e.C.

Sieglos:	Sieglu XIV e.C. Sieglu XIII e.C. Sieglu XII e.C.
Décades:	Década del 1290 e.C. Década del 1280 e.C. Década del 1270 e.C. Década del 1260 e.C. Década del 1250 e.C. Década del 1240 e.C. Década del 1230 e.C. Década del 1220 e.C. Década del 1210 e.C. Década del 1200 e.C.
Tabla añal del sieglu XIII e.C.

El sieglu XIII e.C. abarca los años ente'l 1300 e.C. y el 1201 e.C.

Fechos

Eurasia y África nel 1300 e.C.

• 1300 e.C. - Desaparez la cultura del cementeriu H, nel valle del Indo.
• 1292 e.C. - Fina la dómina de la dinastía XVIII d'Exiptu, y entama la de la XIX.
• 1282 e.C. - Pandión II, rei llexendariu d'Atenes, muerre tres de tener reinao, a lo menos de forma nominal por 25 años. Ta documentao namái que reinara en Megara, mentantu que Atenas y el restu del Ática parez que taba embaxu'l control d'una alianza de nobles dirixida pol so tíu Metión (fíu d'Erectéu d'Atenes) y los sos fíos.
• 1279 e.C. - El 31 de mayu d'esi añu Ramsés II conviértese nel líder del Antiguu Exiptu.
• 1278 e.C. - Muerre, un añu dempués de la coronación del so fíu Ramsés II, el faraón Seti I.
• 1274 e.C. - Batalla de Kadesh, na actual Siria, ente los Los hitites y los exipcios. Los reis respeutivos, Hattusilis III y Ramsés II roblen, tres d'acabar la batalla, el tratáu de paz más antiguu que se conoz.
• 1251 e.C. - L'eclipse solar del día 7 de setiembre d'esi añu márcase como la fecha de nacimientu, en Tebas, del llexendariu Heracles.
• 1250 e.C. - Wu Ding conviértese en rei (dinastía Shang, China); seralo hasta 1192 e.C.
• 1250 e.C. - Constrúise la Puerta de los lleones en Micenas.
• c. 1230 e.C. - Exéu, rei llexendariu d'Atenes, recibe un mensaxe falsu nel que se diz que'l so heriede al tronu, el so fíu Teséu, nacíu d'Etra de Troezena, morrió. Teséu fora enviáu a Minos, rei de Creta, como una ofrenda al Minotauru. L'otru fíu d'Exéu, Medus, nacíu de Medea de Colchis, fora exiliáu n'Asia, y convirtióse nel ancestru llexendariu de los medes. Creyendo que nun tenía heriedes el rei suicidose dempués de 48 de reináu. Socediolu Teséu, que siguía vivu y volvió pa facese cargo del tronu. El mar Exéu recibió el so nome n'honor d'esti rei.
• 1213 e.C. - Teséu, rei llexendariu d'Atenes, ye depuestu por Menestéu, bisnietu d'Erectéu y primu segundu d'Exéu, pa de Teséu. Menestéu foi axudáu nesta xera por Castor y Polydeuces d'Esparta, que quieren reclamar a la so hermana Helena de Troya, que taba casada con Teséu. Esti viose forciáu a exiliase n'Esciros, aú reinaba'l so amigu y aliáu Licomedes. Esti, por embargu, considera al so visitante como una amenaza pal so tronu y mánda asesinalu. Otres fontes sitúen estos fechos una década dempués, entamando en 1204 e.C.
• 1210 e.C. - El faraón Merneptah derrota un intentu d'invasión de los libios.
• 1212 e.C. - Muerre Ramsés II, faraón d'Exiptu.
• 1207 e.C. - El faraón Merneptah derrota al pueblu d'Israel.
• 1206 e.C. - Entama, nel contestu del colapsu de la cultura de la Edá del Bronce, un periodu de destrucciones, revueltes y migraciones nel Mediterraneu oriental y Oriente Próximu.
• c. 1200 e.C. - Fecha de los testimonios escritos más antiguos que se conserven, pertenecientes a la civilización china.
• c. 1200 e.C. - Aparecen los primeros carros na Antigua China.
• c. 1200 e.C. - Entama la Edá del Fierro nel Mediterraneu oriental, Oriente Próximu ya India.
• c. 1200 e.C. - Colapsa'l reinu hitita n'Anatolia tres de la destrucción de la so capital, Hattusa.
• c. 1200 e.C. - Los nómades arameos y caldeos conviértense nuna gran amenaza pal Imperiu asiriu y babiloniu.
• c. 1200 e.C. - Expansión y migración de los dorios. Destrucción de la ciudá micénica de Pilos.
• c. 1200 e.C. - Entama l'desarrollu de la cultura olmeca en Mesoamérica. Ye la dómina de la cultura pueblo n'América del Norte.

Enllaces esternos

• Wikimedia Commons tien conteníu multimedia tocante a Sieglu XIII e.C..

• Datos: Q175298
• Multimedia: 13th century BC