Heracles

De Wikipedia
Saltar a: navegación, buscar
Mitoloxía Griega
Esti artículu forma parte de la serie
Mitoloxía Griega
Dioses

Divinidaes primordiales
Dioses ctónicos
Titanes
Dioses olímpicos
Divinidaes alegóriques
Ninfas, Semidioses y Criatures

Elencos

Personaxes

Tamién

Xenealoxía
Equivalencies cola Mitoloxía romana
Xeografía

Heracles (na mitoloxía romana Hércules) ye'l nome d'un semidiós (dacuando consideráu héroe) de la mitoloxía griega. Yera fíu de Zeus y Alcmena, aquel sabedor de la infidelidá de la muyer tresformóse nel so esposu pa concebir a Heracles. So pá dotólu d'una fuercia maraviyosa y sobrehumana que lu averaba a los dioses.

Por mor d'esta infelidá del so cónyuxe, Hera siempre-y guardó un fuerte tarrecimientu a Heracles; d'esta miente, cuando taba en bierzu la diosa unvió-y dos culiebres pa que lu mataran, pero la descomunal fuercia del semidiós fexo que pudiera afogales.

Tamién diz un mitu que siendo neñu taba mamando de so ma, y a esta arramóse-y una gota de lleche, que foi la que creó la Vía Lláctea. Hai que se decatar de que la pallabra galaxa provién del griegu galasias, que significa llácteu.

Cuando yera adultu aidó a Tebes na so llucha colos minios, y como la so fuercia foi decisiva pa ganar, el rei de Tebes concedió-y por esposa a la so fía Mégara; esta dio-y tres fíos pero Hera nun escaecía qu'Heracles yera una prueba viviente de la traición de Zeus. Asina que fexo alloquecer al fíu del so maríu, y neses Heracles asesinó a la so muyer y los sos fíos. Cuando tornó a la cordura decidió facer penitencia, pa lo que visitó al so primu Euristéu, que-y mandó les Dolce Llabores.

Representábaselu vistíu colos pelleyos del lleón de Nemea al que mató y espelleyó coles sos propies manes.

Les Dolce Llabores[editar | editar la fonte]

  1. Afogar al lleón de Nemea.
  2. Matar a la hidra de Lerna.
  3. Algamar el ciervu de los cuernos d'oru.
  4. Cazar el xabaril d'Erimantu.
  5. Llimpiar les cortes d'Augías.
  6. Acabar colos páxaros del llagu Estínfalu.
  7. Adomar el güe xabaz de Creta.
  8. Furtar les xegües del rei Diomenes de Tracias.
  9. Vencer a les amazones y coyer la cincha d'Hipólita.
  10. Matar a Xerión y furta-y los sos rabaños.
  11. Furtar les mazanes d'oru del Xardín de les Hespérides.
  12. Dir a buscar a Cerberu y llevalu a Euristéu.