Idioma italianu

L'italianu ye una llingua románica, basada na variante toscana, habiendo gran diferencia ente tolos dialeutos italianos hasta'l puntu de considerar variantes como'l lombardu, vénetu, sicilianu, etc.. como idiomes propiamente dichos. Dende esti puntu de vista l'italianu oficial fálenlu como idioma maternu menos de 30 millones de persones.

El toscanu impúnxose tres la reunificación italiana por ser la variante más prestixosa al escribir Dante, Boccaccio y Petrarca les primeres grandes obres lliteraries de la península itálica na Baxa Edá Media.

Italianu (Italiano)
Faláu en:	Italia, Suiza y otros 28 países.
Rexón:	Europa meridional.
Total de falantes:	70 millones
Llugar númberu:	27
Clasificación xenética:	Indoeuropéu  Grupu Itálicu   Grupu románicu    Románicu     Italo-occidental      Italo-Dálmata       Italianu
Estatus oficial
Idioma oficial de:	Italia, Suiza, San Marín, Vaticanu
Regulada por:	Accademia della Crusca
Códigu
ISO 639-1	it
ISO 639-2(B)	ita
ISO 639-2(T)
SIL	ITN

Presencia del italianu nel mundu

L'italianu fálase n'Italia, u ye idioma nacional, en dos cantones del sur de Suiza u ye cooficial, y notros munchos países.
Destaquen los 4 millones d'italoparlantes n'Estaos Xuníos.

Posición dientro de la Familia Románica

La consideración de llingua única a tolo que se fala n'Italia ye bien abegoso: los idiomes descendientes del llatín estrémense en dos grupos: l'oriental, qu'inclúi al rumanu y aromúnicu (macedorrumanu) y l'occidental, dividíu en llingües galo-ibériques como'l francés, les demás llingües d'oil, l'occitanu, francoprovenzal, retorromanu y les llingües galo-italianes (lombardu, piamontés, vénetu, ligur, etc.) y la rama italo-dálmata, qu'inclúi l'estintu dálmata, el sicilianu, calabrés, napolitanu y el propiu "italianu" o toscanu. La llinia divisoria ente galoitalianes y italodálmates ta asitiada xusto nel entamu de la península cerca de Rímini.

Pola imposición del toscanu, idiomes con antigua tradición lliteraria como'l vénetu o que gozaron del estatus d'idioma oficial, como'l piamontés nel Reinu de Piamonte-Cerdeña, la llingua ligur na República de Xénova o'l Napolitanu nel Reinu de les Dos Sicilies, tan arrequexaos anguaño a la categoría de dialeutos, magar qu'Italia reconoz como idiomes al sardu y friulián, magar que nenguna d'estes llingües caben dientro de la rama ítalo-dálmata.

• Consulta la edición de Wikipedia n'idioma italianu.

Enllaces esternos

• Diccionario Freelang - Diccionariu italianu-español/español-italianu.

• Luigi de Bellis Lleiciones de grámatica (n'italianu)

• LearnItaliano.net