Utre

De Uiquipedia
Saltar a: navegación, buscar
Commons-emblem-notice.svg
Utre
Nubianvulture.jpeg
Utre oreyón inglés
Clasificación científica
Reinu: Animalia
Filu: Chordata
Clas: Aves
Orde: Accipitridae
Families
Utre lleonada nos Picos d'Europa


Les utres son aves de rapiña qu'alliméntense namái que d'animales muertos. Les utres alcuéntrense distribuyíes per tolos continentes, de nun ser l'Antártida y Oceanía.

Una carauterística particular de munches utres, ye la so tiesta pelada, ensin plumax. Esto débese con seguridá a qu'una cabeza con plumes mancharíese col sangre y otros fluyíos durante la xinta y sedría más lluendio de caltener llimpia.

Polo xeneral, les utres son aves pergrandes. Poro, empleguen les corrientes térmiques pa ellevase y caltener los llargos planeos que necesiten pa patrullar grandes estensiones a la gueta carroña.

Les utres categorícense en dos grupos. Les utres del vieyu mundu pertenecen a la familia de los accipítridos, la cual inclúie tamién a les águiles y a los ferres. Estos alcuéntrense n'África, n'Asia y n'Europa. Alcuentren animales muertos durante'l nalíu principalmente gracies a la vista.

Les utres del nuevu mundu y cóndores nun s'alcuentren emparentaos cola familia los accipítridos, sinon que pertenecen a la familia de los Catartidos. Tienen un bon sentíu l'olfatu, raro nun ave de rapiña. Estos caberos alcuéntrense n'América.

Les semeyances ente dambos grupos débense a la evolución converxente más qu'a una rellación averada.

N'Asturies pueden atopase 4 especies d'utres: la utre llionada (Gyps fulvus), la zapiquera (Neophron percnopterus), la utre prieta (Aegypius monachus) y el frangüesu (Gypaetus barbatus), si bien les dos caberes tan catalogaes como rares pola Coordinadora Ornitolóxica d'Asturies (COA).

A les sos práutiques carroñeres inxustamente impopulares xúntase la chocante costume d'amestar a les sos pates cuando tienen calor una sustancia fecha combinando les sos feces y la so orina que-yos aida a moderar la so temperatura corporal, dau que nun tienen glándules sudorípares. Increíblemente, descubrióse qu'esta sustancia ye más eficaz que'l mugor pa la mesma xera. Amás, los científicos atoparon na orina de la utre amoníacu, que de xuru sirve-y pa esterminar les bacteries coles qu'establez contautu demientres xinta.

Ver tamién[editar | editar la fonte]