Filu

Pa otros usos d'esti términu, ver Filu (dixebra). 

---

Philum redirixe a equí. Pal arma romana, ver pilum

La taxonomía decide qué nodos del árbol filoxenéticu (clados) van convertise en taxones y en qué categoríes taxonómiques tendríen d'allugase.

El filu (phylum, plural phyla), tueru o tipu d'organización ye una categoría taxonómica asitiada ente'l Reinu y la Clas, y usada nel reinu animal, reinu protistes y dominiu bacteries. En Botánica (reinu Plantae), emplégase'l términu división en cuenta de filu, siendo dambos términos equivalentes.

Niveles de clasificación

Al igual qu'asocede con otros niveles na taxonomía de los seres vivos, y por cuenta de la necesidá de que les clasificaciones reflexen cola mayor fidelidá posible la filoxenia, dellos filos puen xuntase en superfilos, y los individuos d'un filu puen organizase en subfilos (y estos, de la mesma, n'infrafilos).

Niveles de clasificación (de xeneral a concretu):

Niveles de clasificación	Exemplu
Reinu	Animalia
Superfilu
Filu	Arthropoda
Subfilu Infrafilu	Chelicerata
Superclas
Clas	Arachnida