Arachnida

De Uiquipedia
Saltar a: navegación, buscar
Commons-emblem-notice.svg
Arácnidos
SCORPIO MAURUS PALMATUS.jpg
Scorpio maurus
Clasificación científica
Reinu: Animalia
Filu: Arthropoda
Subfilu: Chelicerata
Clas: Arachnida
Órdenes

Los arácnidos (Arachnida, del griegu αράχνη aráchne, "araña" y -ιδες -ides, "perteneciente a un grupu") son una clase de artrópodos quelicerados de la que fueron descrites más de 102.000 especies.[1] Inclúi formes tan conocíes como les arañes, los escorpiones y los ácaros.

Característiques[editar | editar la fonte]

Anatomía esterna[editar | editar la fonte]

El cuerpu tien dos rexones o tagmas más o menos estremaos, el prosoma (o cefalotórax) y el opistosoma (o abdome). Los apéndices enxértense nel prosoma y son un par de quelíceros, al pie de la boca, un par de pedipalpos, dacuando bien desenvueltos y cuatro pares de pates llocomotores.

Escarecen d'antenes, y suelen tener unu o más pares de güeyos simples, en llugar de grandes güeyos compuestos como los insectos. En dellos casos esos güeyos son bien eficaces pal so tamañu.

Aparatu dixestivu[editar | editar la fonte]

Consta de trés partes, estomodeo, mesodeo y proctodeo, de les que la primera y la postrera son d'orixe ectodérmicu. Aliméntense zucando líquidos más que tragando porciones sólides, pa lo cual de cutiu realicen una predixestión esterna secretando o inyectando enzimes dixestives sobre l'alimentu. Son bien de cutiu depredadores, y dellos grupos inyecten venenu colos quelíceros o'l telson (últimu segmentu del cuerpu).

Circulación y respiración[editar | editar la fonte]

La circulación ye abierta, como en tolos artrópodos.

Aniciáronse nel agua, y los sos parientes más próximos, como los xifosuros, siguen siendo acuáticos, pero llegaron a afaese a los ambientes más secos, inclusive los desérticos. De los arácnidos actuales, namá dellos ácaros son puramente acuáticos. La respiración ta basada en víes y cuévanos internos que s'abren al esterior por espiráculos; nunos casos ye un sistema traqueal, n'otros básase n'órganos llamaos pulmones en llibru, pola forma en que se plieguen les sos parés.

Escreción[editar | editar la fonte]

La escreción, como ye típico d'animales que de normal nun beben y dacuando crecen n'ambientes grebos, produz una orina bien concentrada o seca, rica en guanina y ácidu úrico (son por tanto uricotélicos). Los órganos de la escreción son tubos de Malpighi, que desagüen nel intestín, o glándules coxales, que lo faen na base de les pates.

Bioloxía y ecoloxía[editar | editar la fonte]

Los arácnidos son ovíparos (reprodúcense por aciu güevos) pero delles especies nacen directamente de la madre (ovovivíparos). El comportamientu de cortexu ye de cutiu bien ellaboráu, y en munchos casos osérvase cuidáu parental, una traza rara fora de los vertebraos.

Son más abondosos y variaos en climes templaos, pero tán presentes en tolos climes non polares, y ente les arañes y los pseudoescorpiones atópense dalgunos de los pocos animales capaces de vivir nos cumes más altos de la Tierra.

Orixe y diversidá[editar | editar la fonte]

Esisten más de 102.000 especies d'arácnidos, y son el segundu grupu más numberosu del reinu animal, dempués de los insectos, y casi dobla n'especies a los vertebraos. Los actuales clasifíquense en 11 ordes, de los que los más nutríos n'especies son les arañes, los ácaros y los opiliones. Esisten amás grupos que namá se conocen como fósiles. Una clasificación moderna contien los siguientes grupos (anque la categoría taxonómica asignada equí puede ser aldericada):

Referencies[editar | editar la fonte]

  1. Chapman, A. D., 2009. Numbers of Living Species in Australia and the World, 2nd edition. Australian Biodiversity Information Services ISBN (online) 9780642568618

Enllaces esternos[editar | editar la fonte]

Arachnida
Wikimedia Commons tien archivos rellacionaos con:
{{{2}}}
Wikimedia Wikispecies tien información rellacionada con: