Segundo Blanco

De Uiquipedia
Saltar a: navegación, buscar

Segundo Blanco González (1899, Xixón - 1957, México) anarquista asturianu.

Albañil de profesión, encargóse mientres la dictadura de Primo de Rivera de caltener la estructura de la CNT n'Asturies y llegó a ocupar el cargu de Secretariu Xeneral de la organización anarcosindicalista en 1926. Esi mesmu añu metiéronlu presu, lo mesmo qu'en 1931 y 1934.

Al entamu de la Guerra Civil Española presidió'l Comité de Guerra de Xixón y ocupará posteriormente la Conseyería d'Industria nel Conseyu Interprovincial d'Asturies y Lleón formáu en xineru de 1937, y formó parte de la Comisión de Guerra una vegada qu'ésti se tresformó nel Conseyu Soberanu d'Asturies y Lleón.

Tres la ocupación d'Asturies, fuxó a Francia y pasó a Cataluña. Foi Secretariu de Defensa nel Comité Nacional de la CNT y n'abril de 1938 formó parte del gobiernu de Juan Negrín ocupando la cartera de Instrucción y Sanidá Pública. Tres la guerra esilióse na ciudá francesa d'Orleáns pa llueu marchar a México onde morrió en 1957.

Enllaz esternu[editar | editar la fonte]


Predecesor:
Avelino González Mallada
Bandera CNT-AIT.svg Secretariu Xeneral de la CNT
1926
Socesor:
Juan Peiró
Predecesor:
Jesús Hernández Tomás
Ministru d'Instrucción Pública y Sanidá
Escudo de la Segunda República Española (bandera).svg

1938 - 1939
Socesor:
'