Avelino González Mallada

De Uiquipedia

Avelino González Mallada foi un anarcosindicalista asturianu (Xixón, 7 d'agostu de 1894- Estaos Uníos, 27 de marzu de 1938).

Con 11 años entra a trabayar na fábrica de Laviada, ingresando na CNT en 1911 siendo despedíu pola so militancia en 1915 teniendo qu'emigrar a París hasta 1919. Cuando volvió, al nun alcontrar trabayu por tar nes llistes prietes de la patronal tuvo que buscar trabayu en La Felguera, centru anarcosindicalista. Tornó a Xixón en 1922.

Foi Secretariu Xeneral de la Confederación ente setiembre de 1925 y xunetu de 1926, sucediéndolu nel cargu Segundo Blanco. Nesti últimu añu trabaya como maestru na Escuela Neutra de Eleuterio Quintanilla. Durante la II República dirixió dos periódicos afines a la CNT, siendo tamién masón de la loxia Jovellanos. Participó na revolución d'Ochobre y foi alcalde de Xixón ente'l 15 d'ochobre de 1936 y el fin de la resistencia n'ochobre de 1937. Durante'l so mandatu fizo importantes reformes urbanístiques permitiendo esborrar dellos edificios.

Hasta febreru de 1938 tuvo en Barcelona, marchando a Estaos Uníos nuna misión pa recaudar fondos pa la guerra, morriendo nun accidente automovilísticu.

En Xixón una cai lleva'l so nome.