Milio Rodríguez Cueto
Milio Rodríguez Cueto (Xixón, 1962) ye un escritor asturianu.
Milio Rodríguez Cueto nació en Xixón en 1962, ciudá na que trabaya como profesor de Llingua Española y Lliteratura.
Siendo estudiante de Filoloxía hispánica na Universidá d'Uviéu, publicó los sos primeros relatos na revista Hojas Universitarias. Tamién tien collaborao na revista Lletres Asturianes y ye autor de traducciones de Stevenson, Sade, Shakespeare y Oscar Wilde, ente otros.
Nel campu de la lliteratura xuvenil, aparte de les traducciones pa la revista Lleo-Lleo, tien publicaos dellos llibros en castellanu, como Laura contra el tiempo, Mimí al volante o La Piedra de la culebra . Delles d'estes obres tán traducíes al catalán, al valencianu y al gallegu.
Sicasí, la obra cola que se dio a conocer foi'l Diálogu de la llingua o los gochos llinguateros (1990). Esti llibru, escritu como una parodia de los diálogos renacentistes, destaca pol tonu satíricu y la ironía cola que se denuncien dellos escesos del academicismu. Esi tonu polémicu apaez n'obres posteriores, tanto n'ensayu (Vistes Lliteraries), como en narrativa ( Románticu ), o nos artículos a mediu camín ente los dos xéneros publicaos en Les Noticies y La Nueva España .
La crítica ensin concesiones de los aspectos más risibles del asturianismu y de la sociedá asturiana en xeneral, l'humor intelixente faen de Rodríguez Cueto un casu aparte na lliteratura posterior al Surdimientu.
Recibió ente otros los premios Fuertes Acevedo d'Ensayu (en 1992 y 1999), el Xuan María Acebal de Poesía, el Premiu Edebé de Lliteratura xuvenil (en 1999) y el premiu asturianu de la crítica (en 2005).
Tabla de conteníos |
[editar] Bibliografía
[editar] Narrativa
- Románticu. Xixón, 1992 ( trad. alemana Die Romantiker, 2001 )
- Aventures. Xixón, 1997.
- L'últimu volador. Xixón, 2004
- Véndese pisu. Xixón, 2006
- El final de la historia. Xixón, 2010
[editar] Lliteratura xuvenil
- Laura contra el tiempo. Barcelona 1997.
- Mimí al volante. Barcelona 2002.
- La piedra de la culebra. Barcelona, 2004.
[editar] Ensayu
- Vistes lliteraries. Uviéu, 1993.
- Manual de llingua asturiana. Xixón, 1994.
- Asturias : paisajes humanos, paisajes industriales. Xixón, 1997 . Obra realizada a comuña col fotógrafu Alejandro Fernández Braña.
- El velatoriu de Blancañeve. 1999.
- Asturias 25 miradas. Xixón, 2003.
[editar] Poesía
- Flores de cementeriu. Uviéu, 2000.
[editar] Otros xéneros
- Diálogu de la llingua o los gochos llinguateros. Xixón, 1990.
- El ciegu de la esquina. Xixón, 1999.
- Les razones del calamar. Xixón, 2000.
[editar] Traducciones
- Robert Louis Stevenson : La Isla'l tesoru. Xixón, 1989.
- Oscar Wilde : La pantasma de Canterville. El crime de Lord Arthur Savile. Xixón, 1990.
- William Shakespeare : El rei Ricardo'l terceru. Uviéu, 1994.
- William Shakespeare: El rei Enrique'l quintu. Uviéu, 1995
- Marques de Sade : La filosofía nel salonín. Xixón, 1995.
- Guy de Maupassant: Bola d'untu y otros cuentos. Xixón, 1995.
- Maria Edgeworth: El castiellu la Rentona. Xixón, 1996.
- Marie de France: Lais de la vieya Bretaña. Xixón, 1998.
- Alvaro Cunqueiro : Les cróniques del sochantre. Xixón, 1999.
[editar] Ediciones lliteraries
- Emilio Robles Muñiz, Pachín de Melás: Cuentos completos. Uviéu, 1993
