Henri Cartier-Bresson

De Uiquipedia
Saltar a: navegación, buscar

Henri Cartier-Bresson (22 d'agostu de 1908, Chanteloup-en-Brie - 3 d'agostu de 2004, Montjustin nos Alpes-de-Haute-Provence) yera un fotógrafu francés y, con Walker Evans, Brassaï, Kertész y munchos otros, un pioneru del fotoperiodismu. Munches veces faise referencia a él coles tres iniciales HCB.

Con Robert Capa, David Seymour, William Vandivert y George Rodger, funda en 1947 la nomada axencia cooperativa Magnum Photos. En 2003, a la edá de noventa y cinco años (un añu anantes de la so muerte), una fundación que lleva'l so nome foi creada en París p'asegurar la conservación y la presentación de la so obra y tamién pa caltener y esponer a los fotógrafos colos qu'él se sentía cercanu.

Conocíu pola precisión y el grafismu de les sos composiciones, algamó sonadía nos reportaxes de calle, la representación de los aspectos pintorescos o significativos de la vida cotidiana. Ye l'inventor del conceptu del « instante decisivu », que ye tamién el títulu de la esbilla onde espón la so definición de la fotografía publicáu en 1952 con una portada de Matisse.

Pa dellos críticos, ye una fígura mítica de la fotografía del sieglu XX, al que la so lonxevidá-y permitió atravesar, llevando la so mirada sobre los elementos que marcaron la so historia. Unu de los sos biógrafos (Pierre Assouline) dixo asina d’él que yera'l « güeyu del sieglu ».

A lo llargo de la so carrera, tuvo la oportunidá de retratar a personaxes de la talla de Pablo Picasso, Henri Matisse, Marie Curie, Edith Piaf, Fidel Castro y Che Guevara.Cartier-Bresson foi'l primer periodista occidental que pudo visitar la Xunión Soviética depués de la muerte de Yósif Stalin.

Biographie[editar | editar la fonte]

Premier Leica de Cartier-Bresson

Depués de los estudios de pintura que fizo ente 1927-1928 con André Lhote en Montparnasse y una frecuentación de los círculos surrealistes, decide consagrase a la fotografía. Ye a los 23 años, en Costa de Marfil, onde toma los sos primeros clixés con una Krauss d'ocasión. Acaba de vivir un desengañu amorosu y de rozar la muerte. Publica'l so reportaxe l'añu siguiente (1931). Compra la so primera Leica en Marsella en 1932.

En 1947, cofundará l'axencia Magnum y recorre'l mundu; viaxa per África, México, Estaos Xuníos, realiza en 1936 un documental sobre los hostipales de la España republicana y conviértese nel asistente del cineasta Jean Renoir.

Formáu na Escuela Nacional Superior de Belles Artes, abandona finalmente la fotografía en 1970 pa consagrase al dibuxu. Un añu antes de la so muerte, la Bibliothèque nationale de France dedica-y una gran esposición retrospectiva, con Robert Delpire como comisariu, abriéndose en París, nel barriu de Montparnasse la fundación HCB, qu'asegura la conservación de la so obra [1] .

Obra[editar | editar la fonte]

Bibliografía[editar | editar la fonte]

Filmografía[editar | editar la fonte]

  • 1937 : Victoire de la vie, Documental sobre los hospitales de la España Republicana (49 minutos, blanco y negro)
  • 1938 : L’Espagne Vivra, Documental sobre la [[Guerra Civil Española y sobre la posguerra (43 minutos, blanco y negro)
  • 1945 : Le Retour, film sobre’l retornu de los prisioneros depués de la [[segunda Guerra Mundial.

Llibros sobre Henri Cartier-Bresson[editar | editar la fonte]

  • Pierre Assouline, Henri Cartier-Bresson, l’œil du siècle, Gallimard, 432 p., 1999.
  • Jean-Pierre Montier, L'art sans art : Henri Cartier-Bresson, París, Flammarion, 1995 (Prix Nadar), reedición 2007, 328 p.

Notes y referencies[editar | editar la fonte]

  1. Hélène Simon, « La vente de tirages de photos d'Henri Cartier-Bresson exaspère ses ayants droits », Le Monde, 11 de mayu de 2007


Enllaces esternos[editar | editar la fonte]