Direutor de cine

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener

El direutor de cine o cinematográficu ye'l profesional que dirixe la filmación d'una película, dando instrucciones a los actores, decidiendo la puesta de cámara, supervisando'l decoráu y el vestuariu, y toles demás fonciones afayadizes pa llevar a bon términu'l rodaxe.

Enantes intervino en numberosos llabores, principalmente la realización del guión téunico, (encuadre, planu, movimientos de cámara, oxetivu y angulación), como la seleición de los actores o casting y demás profesionales, los escenarios ñaturales nos que se rodará la película, los decoraos, o la redaición final del guión.

Hestoria[editar | editar la fonte]

La importancia que se-y tien dada al direutor na hestoria de cine ye variada. Por exemplu, na dómina d'oru de Hollywood, la persona más importante na creación d'una película yera'l productor, y el personaxe más relevante yera l'actor o l'actriz, siendo consideráu na mayoría de los casos el direutor meramente como téunicu que dirixía ca día la filmación. Foi primeru n'Europa y más sero nos Estaos Xuníos onde'l direutor foi alquiriendo mayor relevancia fasta aportar a consideralu en cierta manera como l'autor d'una película.