Henri Matisse

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Henri Matisse
Crystal Project colors.png
Portrait of Henri Matisse 1933 May 20.jpg
Foto de Henri Matisse por Carl Van Vechten, 1933.
Datos personales
Nacencia 31 d'avientu de 1869
Le Cateau-Cambrésis (Flag of France.svg Francia)
Muerte 3 de payares de 1954
Niza (Flag of France.svg Francia)
Movimientu Fauvismu, modernismu
Firma Matisse autograph.png

Henri Matisse o Henri-Émile-Benoît Matisse (Le Cateau-Cambrésis, 31 d'avientu de 1869 - Niza, 3 de payares de 1954) foi un pintor, escultor y diseñador francés que rescampló por un emplegu carauterísticu del color y por un dibuxu fluyíu, rellumante y orixinal. Como dibuxante, grabador y escultor, pero principalmente como pintor, Matisse ye ún un de los artistes más importantes del arte modernu. Ye, amás, consideráu como'l máximu representante del fauvismu, estilu qu'abarca los sos primeros años, tamién ye aclamáu como unu de los representantes de la tradición clásica de la pintura francesa.[1]

Primero trabayó un estilu académicu y llueu emplegará l'impresionismu, el puntillismu, y el fauvismu; siempre, dientro d'una mesma heterodoxa. En 1917 entama una etapa naturalista, de colores claros y lluminosos. Más alantre tornará a guetar la simplificación, con acordes cromáticos nuevos y más fuercia na llinia y el color. Darréu acentuará l'audacia de los colores fuertes, por contraste de tonos o afitando una unidá del color. Hasta la fin de la so vida prauticará téuniques como la del Papier collé. Tamién prauticará'l dibuxu a llapiceru y la pluma. Como grabador tien más de quinientes obres catalogaes en diferentes téuniques, y tien ilustraes tamién importantes obres lliteraries franceses.[2]

Referencies[editar | editar la fonte]

  1. Wattenmaker, Richard J., Distel, Anne, et al. (1993). Great French Paintings from the Barnes Foundation. Nueva York: Alfred A. Knopf. ISBN 0-679-40963-7. páx. 272
  2. «Matisse» na Gran Enciclopèdia Catalana. Accesu'l 27-04-2009.