David Rivas
De Uiquipedia
David Manuel Rivas Infante (la so firma habital ye David M. Rivas) naciera'l 4 d'avientu de 1957 en Xixón (Asturies). Criárase pente esta villa y la parroquia de Quintueles (Villaviciosa) y vivió en munchos llugares del mundiu. Anguaño reside n'Argañosu, una aldega d'unos vente habitantes que pertenez a la parroquia de Candanal, nel conceyu de Villaviciosa.
Tabla de conteníos |
[editar] Formación y trayeutoria profesional
Educárase colos xesuites nel Colexu de la Inmaculada de Xixón ya ye llicenciáu en ciencies económiques pola Universidad Complutense y doctor n'economía pola Universidad Autónoma de Madrid. Estudiara tamién nos Estaos Xuníos ya Inglaterra.
Ye profesor titular d'estructura económica na Universidad Autónoma de Madrid, aú imparte les materies d'estructura económica mundial y de desendolcu caltenible.
Fo miembru del Consejo Asesor de Medio Ambiente de España, del Consejo Asesor de Transporte de la Comunidad de Madrid, de la Comisión de Parques Nacionales de la Unión Internacional pa la Conservación de la Naturaleza (Organización de les Naciones Xuníes) y de los comités de desendolcu caltenible y desendolcu rural de la Comisión Europea.
Anguaño ye profesor ya investigador d'estremaos centros d'Europa y d'América, ya ye miembru del Observatorio Latinoamericano de Ordenación Territorial y Sostenibilidad y del Instituto Interuniversitario de Economía Espacial Sostenible.
Dende 1993 ye miembru de l'Academia de la Llingua Asturiana.
Ye miembru del Clube de Roma.
[editar] Trayeutoria cívica
Cuando yera estudiante fundó -xunta Xosé Álvarez Fernández, Antón Fuertes, Xicu Díaz Yepes, Alfonso Velázquez y Xuan Cándano- Conceyu d'Asturies de Madrid (1977), emblemáticu grupu cultural del surdimientu asturianu na diáspora.
Fora secretariu xeneral del Ateneo de Madrid (1989-1995).
Fora presidente d'Amigos de la Tierra (1993-1997).
Nel 2007 fundó l'asociación Arribada con otres renomaes persones de la cultura asturiano como Humberto Gonzali, Alberto Álvarez Peña y Xosé Nel Riesgo.
[editar] Trayeutoria política
Figura importante del nacionalismu asturianu, fora militante de Conceyu Nacionalista Astur (1979), siendo parte del conceyu del CNA en Madrid. Tres un tiempu ensin militancia política formará parte d'Unidá Nacionalista Asturiana (UNA) en 1989 cuando la conformen l'Ensame Nacionalista Astur (1982) y la Xunta Nacionalista Asturiana (1986). Con UNA concurrirá nes llistes de les eleiciones europées en 1989 y formará parte d'esti partíu fasta la so disolución a entamos de los años 90 del sieglu XX. Tres una nuea etapa ensin afiliación entrará n'Andecha Astur pa encabezala como candidatu a la presidencia d'Asturies en 1999, repitiendo nel 2003. Europeísta y partidariu de los pautos internacionales, fora candidatu nes eleiciones europées de 2004 na llista d'Europa de los Pueblos (Esquerra Republicana de Catalunya, Eusko Alkartasuna, Chunta Aragonesista, Andecha Astur y Partido Socialista de Andalucía), coallición qu'algamó un diputáu n'Estrasburgu. Nel 2007 arrenunció a repetir candidatura a la presidencia d'Asturies y abandonó la política activa.
[editar] Trayeutoria lliteraria
Ye un autor de vocación seroña. Espublizara "Xente de perende" nel 2006, un estensu llibru de relatos mui peculiar, pente la tradición oral ya un ciertu cultismu. Nel 2008 ganara dos premios emblemáticos na lliteratura en llingua asturiana: el de temática xeneral "Oficialidá" del conceyu de Bimenes por "Un mediudía de xunetu", ya'l d'erotismu "Arbidel" del conceyu de Ribeseya por "Boedica y doña Nuria".
[editar] Llibros espublizaos
[editar] Desendolcu caltenible, ecoloxía
- Las evaluaciones socioeconómicas de impactos ambientales (Madrid, 1984).
- Aproximación a la economía ambiental y ecológica (Madrid, 1989).
- Ecología: el planeta amenazado (Madrid, 1990).
- Towards sustainable Europe (Amsterdam, 1994).
- Sustainable Spain (Amsterdam, 1996).
- El entorno amenazado en un mundo cambiante (Palencia,1997).
- Sustentabilidad. Desarrollo, medio ambiente y biodiversidad (Madrid, 1997).
- La biosfera: cinco años después de Rio'92 (Valladolid, 1998).
- Modelling a sustainable European Union. A decission support tool (Bruxelles, 1998).
- Agenda 21. Estrategia de desarrollo sostenible para Castilla y León (Valladolid, 1998).
- Galicia: una realidad ecológica diversa y compleja (Madrid, 2003).
- Desarrollo sostenible y estructura económica mundial (Madrid, 2004).
[editar] Estructura económica
- El mundo rural en perspectiva (Valladolid, 1999).
- Paz y tierra. Modelos de desarrollo agrario en Guatemala (Madrid, 2001).
- España: cien años del sector del metal (Madrid, 2004).
[editar] Filosofía, política
- La filosofía truncada. Ensayo sobre la obra filosófica y psicológica de Lucio Gil de Fagoaga (Madrid, 1995).
- Antonio Martínez Fernández (Frai Verdaes): Catecismu del llabrador (Llanes, 1891). Edición crítica (Uviéu, 1996).
[editar] Antropoloxía, etnografía
[editar] Filoloxía, lliteratura
[editar] Relatu
- Xente de perende (Uviéu, 2006).
[editar] Participación n'obres colleutives
DESENDOLCU CALTENIBLE, ECOLOXÍA
- Impacto ambiental, sociedad y futuro (Madrid, 1986).
- Economía ecológica (Madrid, 1986).
- Conciencia ecológica y gestión ambiental (Compostela, 1988).
- La integración de España en la CEE: impacto sobre la protección del medio ambiente (Compostela, 1989).
- Educación ambiental. Sujeto, entorno y sistema (Salamanca, 1989). Segunda edición en 1996.
- Instrumentos jurídicos y económicos para la protección del medio ambiente (Uviéu, 1991).
- Desarrollo económico y medio ambiente (Elcano, 1992).
- Down to Earth. Practical applications of ecological economics (Washington, 1994).
- Medio ambiente, relaciones norte-sur y cooperación internacional (Madrid, 1994).
- El litoral: frágil, escaso y deseable (Valencia, 1996).
- Conservación de la naturaleza (Madrid, 1996).
- La Unión Europea, Mercosur y el medio ambiente (Bruxelles, 1997).
- Nuestros bosques (Madrid, 1998).
- The EU sustainability strategy under stress. State of art, perspectives, alternatives (Berlín, 2004).
- Conservación y desarrollo económico en espacios naturales protegidos (Madrid, 2005).
ESTRUCTURA ECONÓMICA
- La agricultura castellano-leonesa ante la CEE (Palencia, 1987).
- 1993. España ante el mercado único (Madrid, 1989). Segunda edición en 1990.
- Las regiones en la Europa del 2000 y consolidación de la España de las autonomías (Toléu, 1993).
- Transporte: perspectiva año 2000 (Madrid, 1995).
- Turismo y promoción de destinos turísticos: implicaciones empresariales (Uviéu, 1996).
- Estrategias de desarrollo en una economía global (Madrid, 1997).
- Innovación, competitividad y desarrollo sustentante (L'Habana, 1997).
- Sistema económico mundial (Madrid, 2004). Segunda edición en 2007.
- Estructura económica del turismo (Madrid, 2006).
FILOSOFÍA, POLÍTICA
- Guía electoral. La gran ocasión de 1986 (Barcelona, 1986).
ANTROPOLOXÍA, ETNOGRAFÍA
- Mujeres y hombres en la formación del pensamiento occidental (Madrid, 1989).
- Desarrollo y diversidad cultural en Guatemala (Ciudá de Guatemala, 2000).
FILOLOXÍA, LLITERATURA
- Andrés Solar, una voz del surdimientu (Uviéu, 2004).
- El conceptu xeneracional (Uviéu, 2007).
HISTORIA
- La guerra civil española. Una reflexón moral cincuenta años después (Barcelona, 1986). Segunda edición en 1986. Tercera edición en 1987. Cuarta edición en 1987.
- A guerra civil de Espanha 50 anos depóis (Lisboa, 1986). Segunda edición en 1987.
- Historia de Gijón (Xixón, 2000).
RELATU
