Ensame Nacionalista Astur
L'Ensame Nacionalista Astur (ENA) foi un partíu políticu asturianu d'izquierda nacionaliega. El so símbolu yera la denomada Flor del Agua.
Perfaese en 1982 tres el traumáticu desaniciu en 1981 del Conceyu Nacionalista Astur (CNA), primer partíu nacionalista asturianu y asitiáu nel "nacionalismu revolucionariu". L'Ensame Nacionalista Astur siguirá na llinia ideolóxica d'izquierda radical.
L'ENA presentaráse a les eleiciones asturianes del 8 de mayu de 1983. Nestes eleiciones Andrés Solar foi cabezaleru de la llista pola circunscripción oriental. ENA algamará 2.505 votos, un 0,45% de votu.
En 1988 l'ENA xuntase a la Xunta Nacionalista Asturiana pa formar Unidá Nacionalista Asturiana(UNA) que se presentará a les eleiciones europees y estatales de 1989.
