Humberto Gonzali

De Uiquipedia

Humberto Gonzali (Figareo, Mieres, 1961) ye un escritor asturianu, xestor cultural y políticu, que ta consideráu como ún de los autores más destacaos d'Asturies. Foi miembru de l'asociación Conceyu Bable y profesor de llingua asturiana.

En 1985 ye nomáu secretariu nacional de la Xunta pola Defensa de la Llingua Asturiana, onde coordinó numberoses acciones de protesta pola denegación de derechos llingüísticos, destacando les promovíes ante la sanción al factor de FEVE de Nava por usar la toponimia tradicional. Xunto con Juan Bonifacio Lorenzo Benavente y Xicu Monteserín funda en 1988 Orbayando, revista asturiana d'información, que codirixe hasta l'añu 1990. Nel 1990 crea con otros autores asturianos l'asociación Escritores y Traductores en Llingua Asturiana (ETLLA) de la que foi'l so presidente. Durante esta presidencia escribió, ente otros, a la ONU, a la UE, al Vaticanu, al Rei d'España, al presidente del Gobiernu Español y a tolos ayuntamientos asturianos, pidiendo un tratu dignu pa la llingua asturiana asina como la so oficialidá. En 1992 empobinó los trabayos que llevaron al envíu al gobiernu d'Asturies d'una Propuesta de Llei d'Usu y Protección de la Llingua Asturiana. Entamó contactos con Galeusca, promoviendo l'aconceyamientu en Xixón de la directiva d'esta entidá onde se pide l'ingresu de los escritores asturianos, midida pa la que llogra l'apoyu de l'Associació d'Escriptors en Llengua Catalana. Presidió dempués, dende la so nacencia en 1996, la Sociedá d'Escritores en Llingua Asturiana (SELLA), y anguaño coordina la directiva del Conceyu d'Escritores Asturianos dende l'añu 2004. Promovió la IV Xunta d'Escritores Asturianos celebrada en Villaviciosa en 1996, y promovió y foi'l coordinador de la V Xunta d'Escritores Asturianos fecha en Lluanco en 1998. En 2006 crea, xunto con David M. Rivas, Xosé Nel Riesgo y Alberto Álvarez Peña, l'Arribada, foru de lliteratura qu'impulsa nel conceyu de Xixón. Milita nel Partido Popular, siendo integrante de la so Xunta Local xixonesa y presidente de la Comisión de Cooperación y Solidaridá, ansí como Asesor del Grupu Municipal. Representa a esti partíu nel Conseyu Asesor de la Llingua Asturiana del Ayuntamientu de Xixón. Ye miembru de la Xunta Rectora de la Fundación Municipal de Cultura, Deportes y Universidá Popular de Xixón; amás de miembru de númberu de representación nel RIDEA. Ye tamién l'actual presidente del Círculu Lliberal, asociación d'ámbitu asturianu que tien como oxetivu l'actividá cultural alrodiu del pensamientu lliberal.

Tabla de conteníos 1 Obra 1.1 Poesía 1.2 Narraciones 1.3 Traducciones 1.4 Otros 1.5 Llibros colectivos 1.6 Enllaces esternos

[editar] Obra

[editar] Poesía

• Augua d'invocación (Uviéu : Alvízoras Llibros,1988) - Xixón: Mercantil Asturias. 48 pax; 22 cm. ISBN:84-86889-06-5. Colección Poesía n^u3.
• Poemes en prosa (Uviéu : Ámbitu,1992) - Uviéu: Servigrafic. 26 pax; 21 com. DL: AS-971-92. Colección Poesía n^u11.
• Hábitat azul (Mieres : Editora de Norte,1995) - Xixón: Gráficas Posada. 38 pax: il; 24 cm. ISBN: 84-88660-20-0. Coleición de poesía asturiana n^u 7.
• Ámbitu elemental (Uviéu : Trabe,1997) - Uviéu: Grafinsa. 33 pax: retr.; 20 cm. ISBN: 84-8053-072-3. Colección La fonte de fascura n^u13.
• Del país de la caliza -IV Premiu de Poesía "Fernán Coronas"- (Mieres : Editora del Norte,1997) - Xixón: Gráficas Posada. 40 pax: retr.; 23 cm. ISBN: 84-88660-59-6. Coleición de poesía asturiana n^u12.
• Les esferes del tiempu (Uviéu : Trabe,1998) - Xixón: Apel. 102 pax; retr.; 21 cm. ISBN: 84-8053-104-5. Colección Albera n^u2.
• De nueche y agua -la tercera parte del llibru ye Premiu Sestu Certame Lliterariu "Vital Aza" 1999- (Uviéu : Trabe,2000) - Xixón: Apel. 117 pax: retr.; 21 cm. ISBN: 84-8053-158-4. Colección Albera n^u14.
• Tiempu de nós (Uviéu : Trabe,2001) - Publidisa. 81 pax: retra.; 20 cm. ISBN: 84-8053-180-0. Colección La fonte de fascura n^u22.
• Decenariu (Uviéu : Trabe,2005) - Xixón: Mercantil Asturias. 132 pax: 21 cm. ISBN: 84-8053-385-4. Colección Albera n^u41.

[editar] Narraciones

• Anatomíes de la mañana (Xixón : VTP,1995) - Uviéu: Grafinsa. 39 pax: 20 cm. ISBN: 84-88034-83-0. Coleccion Domus n^u2.
• Histories escabroses (Xixón : VTP,2002) - Xixón: Apel. 68 pax: 21 cm. ISBN: 84-89880-61-1. Colección Domus n^u16.

[editar] Traducciones

• Un furacu n'alambrera/Un trou dans le grillage (Madrid : SM,1991), del francés François Sautereau. - Madrid : Grafilia. 195 px. 19 cm. ISBN: 84-348-3464-2. Colección El barcu de vapor serie Naranxa n^u7.
• Piedra de llerón/Pedra de tartera (Uviéu : Trabe,1992), de la catalana María Barbal. - Xixón: Lidergraf. 105 pax: 20 cm. ISBN: 84-8053-010-3. Colección Incla interior n^u4.
• De Polyglotte Melkboer (Utrech,1991) - Edición especial pa coleccionistes: Ex Oficina Gergoviana Loon op Land 1990.

[editar] Otros

• El Pixín, revista infantil n'asturianu (Xixón : Llibros del Pexe, 1996). - Xixón: Apel. V.: il. col.; 23 cm. DL: AS.1340-1996.
• Obra poética en Lletres Asturianes, boletín de l'Academia de la Llingua Asturiana: N^us. 22(1986), 29(1988), 32(1989), 71(1999), 74(2000), 77(2001), 89(2005), 95(2007).
• Hábitat d'amor en Adréi (Uviéu, 1987)
• Obra poética en Suplementos del Norte , revista de Editora del Norte; n^us. 2(1994), 3(1995).
• Obra poética en Sietestrellu (Uviéu : Trabe,1996), revista de lliteratura.
• Poemes en prosa en Lliteratura n^u15, revista de l'Academia de la Llingua Asturiana.
• Cinco poemes en Leer el Paisaje , 4 de payares, Jardín Botánico Atlántico (Xixón, 2007).

[editar] Llibros colectivos

• Poesía
  • II Xunta d'Escritores Asturianos – Llanes [antoloxía poética](Uviéu : SPPA, 1.989)
  • Muestra corregida y aumentada de la Poesía en Asturias (Uviéu : SPPA, 1.989)
  • Nórdica [antoloxía billingüe asturianu-castellanu](Xixón : Llibros del Pexe, 1994)
  • Xeitos de falar: mostra de poesía asturiana / Berta Piñán, Humberto Gonzali, Alfonso Velázquez [antoloxía bilingüe asturianu-gallegu](A Coruña : Edicions Río Xuvia, 1.999)
  • Amoriando. Dellos poemes d’amor y desamor (Xixón : El sombreru de Virxiliu, 2.000)
  • Antoloxía Poética Asturiana 1639-2000 [antoloxía billingüe asturianu-rusu] (Xixón : Coleutivu Manuel Fernández de Castro, 2000)
  • Los cien meyores poemes en llingua asturiana (Uviéu: Ámbitu, 2001)
  • Nesta tierra que piso. Antoloxía de poetes de Mieres (Uviéu . Ámbitu, 2.001)
  • Escritores en Llanes (Principáu d'Asturies : Uviéu, 2.004)
  • Cuarenta Poemes (Uviéu : Xunta Xeneral del Principáu, 2.005)
  • Dorna. Expresión poética galega n^u 30. (Santiago de Compostela : Servizo de Publicacións e Intercambio Científico da USC, 2005)
  • Al aldu, poesía pal segundu ciclu d'ESO (Uviéu : Trabe, 2006)
  • Cancioneru-Lírica d'ayeri y de güei (Uviéu : Trabe, 2007)
• Narrativa
  • Cuentos Curtios. Relatos premiaos-Tertulia Cultural El Garrapiellu (1.997)
  • Cinco años de Lliteratura Asturiana (Mieres : Editora del Norte, 1.998)
  • Esconderites (Uviéu : Ámbitu, 2.002)
  • Escondites [versión en castellanu](Uviéu : Ámbitu, 2.003)
  • Antoloxía del cuentu eróticu (Uviéu : Ámbitu, 2.004)
  • Cuentos mínimos (Uviéu : Xunta Xeneral del Principáu, 2.007)
  • Xixón de novela (Xixón : Oficina Municipal de la Llingua. Ayuntamientu de Xixón, 2.007)
  • Sentir que toi viva (Uviéu : Xunta Xeneral del Principáu, 2.008)
  • Caminos que naide triara (Uviéu : Xunta Xeneral del Principáu, 2.009)

[editar] Enllaces esternos

• Humberto Gonzali
• LA REVOLADA (blogue d'Humberto Gonzali n'El Comercio Dixital)
• ARRIBADA
• L'Asturies Lliberal