Xuegos Olímpicos de Saint Louis 1904

De Wikipedia
Saltar a: navegación, buscar
San Luis 1904

III Xuegos Olímpicos de Branu

1904summerolympicsposter.jpg
Localización

Saint Louis

Flag of the United States.svg Estaos Xuníos

Participantes 

• Países   •Deportistes




 12 países
651 atletes



Eventos

91 de 16 deportes olímpicos

Ceremonies
Apertura

1 de xunetu de 1904

Clausura

23 de payares de 1904

Inauguráu por

David Francis

Estadiu olímpicu

Francis Field

Cronoloxía
París 1900 Olympic flag.svg Atenes 1906 (non reconocíos)
[editar datos en Wikidata]

Los Xuegos Olímpicos de Saint Louis 1904, oficialmente conocíos como los Xuegos de la III Olimpiada, celebráronse en Saint Louis, Estaos Xuníos, ente'l 1 de xunetu y el 23 de payares conocíos oficialmente como Xuegos de la Tercer Olimpiada. Participaron 651 atletes (645 homes y 6 muyeres) de 12 países, compitiendo en 91 eventos de 16 deportes olímpicos, Los Xuegos Olímpicos lleváronse a cabu como parte de la Esposición Universal de San Luis en 1904.[1][2] Por ello los organizadores distribuyeron les pruebes deportives mientres más de cuatro meses. A pesar de les enormes inversiones de dineru na organización, el númberu d'atletes participantes procedentes d'otros países namái foi de 42; los organizadores apenes llograron interesar a los atletes d'Europa en cruciar l'Atlánticu pa participar nel eventu.

Con estos xuegos empecipió la tradición de dar medayes d'oru, plata y bronce a los trés primeros puestos de cada prueba. Incluyéronse per primer vegada llucha estilu llibre y el boxéu como deportes olímpicos.

La ciudá de Saint Louis, Missouri, yera entós una pequena pero influyente ciudá na que se concentraba'l comerciu del algodón y caltenía una fuerte actividá comercial. La ciudá de Chicago fuera la see orixinal, escoyida pol COI dende 1901, pero l'amenaza de faer Xuegos paecíos na Feria Mundial nes mesmes feches y una campaña de desprestixu llograron qu'el COI buscara la mediación, la decisión definitiva sobre la elección de la see tomóla'l Presidente norteamericanu Roosevelt.[3]

Los Xuegos Olímpicos de 1904 fueron desafortunadamente marcaos pola segregación racial. El desfile inaugural, col títulu de Anthropological Day (El Día Antropolóxicu), amosaba a los espectadores miembros de races supuestamente inferiores que depués competiríen n'eventos paralelos ensin rexistru oficial. El barón de Coubertin calificó estos fechos como un espectáculu bochornosu.

Grandes momentos[editar | editar la fonte]

L'estauxunidense Archie Hahn, conocíu como meteoru de Milwaukee, ganó les competiciones / competencies de los 60 m, 100 m y 200 m, afitando'l récord olímpicu pa esta última especialidá en 21,6 segundos. Esti récord perduraría mientres 28 años.

Nel llanzamientu de discu, los estauxunidenses Martin Sheridan y Ralph Rose empataron na final llanzando'l discu a 39,28 m. Los xueces concediéron-yos una oportunidá de desempate, qu'aprovechó'l primeru d'ellos.

En ximnasia, l'estauxunidense Anton Heida llogró cinco victories en potru con arcos, barra fixa, saltu llargu, combináu y sexatlón por equipos, y un segundu puestu en paraleles. George Eyser consiguió 3 victories en sexatlón por equipos, paraleles y xubida de cuerda de 25 pies, dos medayes de plata en saltu llargu y potru con arcos y una medaya de bronce en barra fixa.[4]

Deportes[editar | editar la fonte]

Una competición del xuegu de la lluria nos Xuegos Olímpicos de 1904.

18 disciplines, entendiendo 16 deportes, con 95 pruebes, fueron parte del programa olímpicu en 1904.

Olympic rings with white rims.svg Deportes nos Xuegos Olímpicos de San Luis 1904
Atletismu | Boxéu | Ciclismu | Remu | Fútbol | Ximnasia | Golf | Halterofilia | Lacrosse | Llucha | Natación | Remo | Roque | Saltos de natación | Tenis | Tira y afloxa | Tiru con arcu | Waterpolu
  • Baloncestu foi apostáu como deporte de demostración.
  • Béisbol foi apostáu como deporte de demostración.
  • Fútbol Americanu foi apostáu como deporte de demostración.

Países participantes[editar | editar la fonte]

Países participantes (n'azul, los debutantes)

Alemaña, Australia, Austria, Canadá, Cuba, Estaos Xuníos, Francia, Grecia, Hungría, Reinu Uníu, Suráfrica, Suiza.

Delles fontes menten qu'Italia, Noruega y Terranova tamién fueron participantes nestos xuegos, pero eso nun ta confirmáu.

Medayes[editar | editar la fonte]

Ver medayeru completu en Medayeru de los Xuegos Olímpicos de Saint Louis 1904

Galería[editar | editar la fonte]


Predecesor:
Xuegos Olímpicos de París 1900 Flag of France.svg Francia
III Xuegos Olímpicos de Branu
Xuegos Olímpicos de Saint Louis 1904 Flag of the United States.svg Estaos Xuníos d'América
Socesor:
Xuegos Olímpicos de Londres 1908 Bandera del Reinu Xuníu Reinu Xuníu


Referencies[editar | editar la fonte]

  1. «Factsheet: The Games of the Olympiad» (inglés) (pdf). Comité Olímpico Internacional (octubre de 2013). Consultáu'l 23 de noviembre de 2013.
  2. Historia de los Juegos - St. Louis 1904
  3. Alperin Eduardo. .
  4. Ediciones SM