Xuegos Intercalaos de 1906

De Wikipedia
Logo de los I Xuegos Intercalaos.

Los Xuegos Olímpicos de 1906 celebráronse n'Atenes, Grecia ente'l 22 d'abril y el 2 de mayu d'esi añu. Conocíos como los Xuegos Intercalaos, anguaño nun son reconocíos pol Comité Olímpicu Internacional (COI).

Antecedentes[editar | editar la fonte]

En 1901, el COI decidió que cada 4 años, ente dos Xuegos Olímpicos, se ficiera otra Olimpiada celebrada n'Atenes.

Tres l'ésitu de los Xuegos de 1896, Atenes taba entusiasmada en realizar Xuegos otra vegada. Sicasí, entamalos na mesma ciudá cada 4 años yera muncha presión y riquía demasiada inversión y trabayu como pa realizalos pa siempres.

Cuando los Xuegos de París 1900 y Saint Louis 1904 fueron clisaos dafechu pola Esposición Universal, el COI y la so xusta olímpica pasaron per una etapa crítica con riesgu de sumir o quedar perdíos ente eventos insignificantes. Metanes esta difícil situación, Atenes apaeció como una salvación pal Movimientu Olímpicu, polo qu'entamaron los segundos Xuegos na capital griega pal añu 1906.

Sicasí, y a pesar de perfacelos con ésitu, Atenes concluyó que nun yera capaz d'entamar otros Xuegos pal añu 1910. Yá pa 1914 yera escasu'l sofitu pa realizalos. A la fin, l'españíu de la Primer Guerra Mundial desanició definitivamente esti proyeutu. La idea namái alitó ochenta años dempués, cuando'l Comité Olímpicu Internacional decidió intercalar n'años pares los Xuegos Olímpicos de Branu colos Xuegos Olímpicos d'Iviernu de magar 1994.

Les medayes consiguíes polos países participantes, según les marques llograes en cada deporte polos atletes nesta edición, nun son anguaño reconocíes pol Comité Olímpicu Internacional dientro de les sos resultancies oficiales de tolos tiempos.

Deportes[editar | editar la fonte]

Medayes[editar | editar la fonte]

Ver medayeru completu en Medayeru de los Xuegos Entrepolaos de 1906
# Estáu Oru Plata Bronce Total
1 Bandera de Francia Francia 15 9 16 40
2 Estaos Xuníos 12 6 5 23
3 Grecia 8 14 12 34
4 Reinu Xuníu 8 11 5 24
5 Italia 7 6 3 16
6 Bandera de Suiza Suiza 5 6 4 15
7 Alemaña 4 6 5 15
8 Bandera de Noruega Noruega 4 2 1 7
9 Bandera d'Austria (imperiu) Austria 3 3 2 8
10 Bandera de Dinamarca Dinamarca 3 2 1 6