Willie Best
Willie Best | |
|---|---|
_-_Yung_%26_Best_2.jpg) | |
| Vida | |
| Nacimientu |
Sunflower (es)  , 27 de mayu de 1916[1] |
| Nacionalidá |
 Estaos Xuníos |
| Llingua materna | inglés |
| Muerte | Woodland Hills, 27 de febreru de 1962[1] (45 años) |
| Sepultura |
Valhalla Memorial Park Cemetery (es) |
| Causa de la muerte | cáncanu |
| Estudios | |
| Llingües falaes | inglés |
| Oficiu | actor, actor de televisión, actor de cine |
| IMDb | nm0079008 |
 | |
William "Willie" Best (27 de mayu de 1916, Sunflower (es) – 27 de febreru de 1962, Woodland Hills), dacuando acreditáu como Sleep n' Eat, foi un actor cinematográficu y televisivu d'Estaos Xuníos[2][3].
Best foi un de los primeros actores y comediantes cinematográficos afroamericanos que consiguieron la popularidá, anque'l so trabayu, al igual que nel casu de Stepin Fetchit, ye en dalgunes causes fonte de crítiques por interpretar a un estereotipu de personaxe vagu, analfabetu, y/o inocente. De los 124 títulos nos cualos trabayó, apaeció nos creitos de siquier 77 d'ellos, un fechu inusual pa un intérprete de pequeños papeles.
Carrera como actor
[editar | editar la fonte]Cine
[editar | editar la fonte]Nativu de Sunflower, Mississippi, Best llegara a Hollywood como xofer d'una pareya pasando unes vacaciones, y empezó la so carrera artística nun espectáculu itinerante nel sur de California. En siendo afayáu por un cazatalentos, empezó a trabayar nes películes de Hollywood como actor de calter.
Best actuó en más de cien film ente les décades de 1930 y 1940. Anque delles fontes afirmen que mientres años foi namái acreditáu como “Sleep n’ Eat,” Best apaeció con esi llamatu en namái cinco películes: el so primer filme, de Harold Lloyd, Feet First; The Monster Walks (1932); Kentucky Kernels y West of the Pecos (dambes de 1934) y Murder on a Honeymoon (1935)). Darréu apaecía de normal nos creitos como “Willie Best” o “William Best.”
Best pasó alternativamente de ser envaloráu como un gran payasu a ser criticáu, compadecido y, finalmente, virtualmente escaecíu. Hal Roach dicía d'él que yera unu de los mayores talentos que conociera. De manera similar, Bob Hope dicía que yera "el meyor actor que conozo,"[4] cuando dambos coincidieron en El castiellu malditu en 1940.[5]
Como intérprete de pequeños papeles, Best, como munchos actores negros de la dómina, foi escoyíu con regularidá pa encarnar a trabayadores domésticos o del sector servicios. Sicasí, nel casu de Best yera inusual que los sos papeles reflexárense casi siempres nos títulos de creitu, circunstancia que nun se daba n'otros intérpretes de pequeños papeles nes décades de 1930 y 1940. Asina, por casu, Walter Brennan fixo 125 películes ente 1930 y 1939, anque solamente acreditáronse 57 de les sos actuaciones.[6]
La carrera de Best foi tamién inusual pol fechu de qu'en más de 80 de los sos filmes el so personaxe tuviera un nome específicu, en cuenta de cuntar con descripciones simples como ‘camareru del serviciu d'habitaciones’ o ‘mochachu llimpiabotes’), y tou ello a partir de la so segunda película.[7] En comparanza, Lucille Ball nun tuvo un personaxe con nome propiu hasta la so decimocuarta cinta,[8] y actores de pequeños papeles como Robert Dudley y Ethelreda Leopold escasamente tuvieron daqué más qu'una somera descripción de los sos personaxes.[9][10]
Best encarnó a “Chattanooga Brown” en dos películes de Charlie Chan, The Red Dragon (1945) y Dangerous Money (1946). Tamién foi “Hipp” en trés de los seis filmes de RKO Pictures en redol al personaxe Scattergood Baines protagonizaos por Guy Kibbee: Scattergood Baines (1941), Scattergood Survives a Murder (1942), y Cinderella Swings It (1943).
Televisión
[editar | editar la fonte]Best fíxose conocíu ente'l públicu televisivu pol so papel de Charlie, l'ascensorista, nel show de la CBS My Little Margie, emitíu ente 1953 y 1955.
Otru papel televisivu foi'l de Willie, el criáu y manines, amás de bon amigu del personaxe del títulu, na serie de l'ABC The Trouble with Father, actuando a lo llargo de tola trayeutoria del show ente 1950 y 1955.
Fallecimientu
[editar | editar la fonte]Willie Best finó en 1962 na Motion Picture Country Home de Woodland Hills (Los Angeles), California, por causa de un cáncer. Tenía 45 años d'edá. Foi soterráu nel Campusantu Valhalla Memorial Park de Los Angeles.
Seleición de la so filmografía
[editar | editar la fonte]| Añu | Títulu | Papel | Observaciones |
|---|---|---|---|
| 1930 | Deep South | ||
| 1930 | Feet First | Janitor | Acreditáu como Sleep 'n' Eat |
| 1931 | The Virtuous Husband | Luftus | Otru títulu: What Wives Don't Want |
| 1931 | Up Pops the Devil | Home na llavandería | Ensin creitos |
| 1932 | The Monster Walks | Exodus | Acreditáu como Sleep 'n' Eat |
| 1934 | Little Miss Marker | Dizzy Memphis | Ensin creitos |
| 1934 | West of the Pecos | Jonah | Acreditáu como Sleep 'n' Eat |
| 1935 | Murder on a Honeymoon | Willie, el mozu Acreditáu como Sleep 'n' Eat | |
| 1935 | Annie Oakley | Segundu cocineru | Ensin creitos |
| 1935 | The Littlest Rebel | James Henry, un esclavu | |
| 1936 | The Bride Walks Out | Smokie | |
| 1936 | Mummy's Boys | Catfish | |
| 1936 | Thank You, Jeeves | Drowsy | |
| 1937 | Breezing Home | Speed | Acreditáu como William Best |
| 1937 | The Lady Fights Back | McTavish | |
| 1937 | Deep South | curtiu | |
| 1938 | Merrily We Live | George W. Jones | |
| 1938 | Youth Takes a Fling | George | |
| 1938 | Vivacious Lady | Mozu de tren | |
| 1939 | Nancy Drew... Trouble Shooter | Apollo Johnson | |
| 1939 | Miracle on Main Street | Duke | |
| 1940 | El castiellu malditu | Alex | |
| 1940 | Who Killed Aunt Maggie? | Andrew | |
| 1941 | High Sierra | Algernon | |
| 1941 | Scattergood Baines | Hipp | |
| 1941 | Nothing But the Truth | Samuel | |
| 1941 | The Smiling Ghost | Clarence | |
| 1942 | Whispering Ghosts | Euclid White Brown | |
| 1942 | The Hidden Hand | Eustis | |
| 1943 | Cabin in the Sky | Second Idea Man | |
| 1943 | Thank Your Lucky Stars | Soldáu | Ensin creitos |
| 1944 | The Adventures of Mark Twain | George | Ensin creitos |
| 1944 | The Girl Who Dared | Woodrow | |
| 1945 | Hold That Blonde | Willie Shelley | |
| 1945 | The Red Dragon | Chattanooga Brown | |
| 1946 | The Bride Wore Boots | Joe | |
| 1946 | Dangerous Money | Chattanooga Brown | Otru títulu: Charlie Chan in Dangerous Money |
| 1947 | Suddenly, It's Spring | Mozu de tren | |
| 1947 | The Red Stallion | Jackson | |
| 1948 | Smart Woman | Mozu de tren | Ensin creitos |
| 1949 | Jiggs and Maggie in Jackpot Jitters | Willie | Uncredited |
| 1950 | High and Dizzy | Wesley | |
| 1950 a 1955 | The Stu Erwin Show | Willie, la manines | 30 episodios |
| 1951 | South of Caliente | Willie | |
| 1951 a 1952 | Racket Squad | Porteru Llimpiador |
2 episodios |
| 1952 a 1955 | My Little Margie | Charlie | 21 episodios |
| 1954 a 1955 | Waterfront | Billy Slocum/Willie Slocum | 18 episodios |
Referencies
[editar | editar la fonte]- ↑ 1,0 1,1 Afirmao en: Find a Grave. Identificador Find a Grave: 5741525. Apaez como: Willie Best. Data de consulta: 9 ochobre 2017. Llingua de la obra o nome: inglés.
- ↑ New York Times
- ↑ New York Times
- ↑ Son of Golden Turkey Awards, pg.28, Harry and Michael Medved, Angus and Robertson Publishers, Australia, 1986
- ↑ New York Times
- ↑ The Internet Movie Database entry for Walter Brennan
- ↑ The Internet Movie Database entry for Willie Best
- ↑ The Internet Movie Database entry for Lucille Ball
- ↑ The Internet Movie Database entry for Robert Dudley
- ↑ The Internet Movie Database entry for Ethelreda Leopold
Enllaces esternos
[editar | editar la fonte]
Wikimedia Commons acueye conteníu multimedia sobre Willie Best.- Willie Best na Internet Movie Database (n'inglés)
- Willie Best n'AllMovie (n'inglés)
- «Willie Best». en Find a Grave. (n'inglés)
Datos: Q3569064- Multimedia: Willie Best