Vincent van Gogh

De Wikipedia
Saltar a navegación Saltar a la gueta
Uiquipedia:Wikipedia:Llista d'artículos que toa Wikipedia tien que tener/Archivu
Vincent van Gogh
Vincent van Gogh - Self-portrait with grey felt hat - Google Art Project.jpg
Vida
Nome completu Vincent Willem Van Gogh
Nacimientu Zundert Traducir30  de marzu de 1853
Nacionalidá Bandera de Países Baxos Reinu de los Países Baxos
Residencia Monasterio de Saint-Paul-de-Mausole Traducir
Grupu étnicu neerlandeses Traducir
Fallecimientu

Auberge Ravoux Traducir29  de xunetu de 1890

(37 años)
Sepultura Auvers-sur-Oise
Causa de la muerte mancada por arma de fueu
Familia
Padre Theodorus van Gogh
Madre Anna Cornelia Carbentus
Casáu/ada con ensin valor
Pareyes Sien Traducir
Hermanos/es
Estudios
Estudios Academia Real de Bellas Artes de Bruselas Traducir
Llingües Neerlandés
francés
Alumnu/a de Anton Mauve Traducir
Oficiu
Oficiu pintor, dibuxante, grabador y ilustrador botánicu
Llugares de trabayu Tilburg Traducir, L'Haya, Londres, París, Ramsgate Traducir, Etten-Leur Traducir, Dordrecht, Ámsterdam, Borinage Traducir, Bruxeles, Etten-Leur Traducir, L'Haya, Hoogeveen Traducir, Nuenen Traducir, Amberes, París, Arles, Saint-Rémy-de-Provence, Auvers-sur-Oise y Van Gogh Huis Traducir
Trabayos destacaos Los comedores de patatas Traducir
Terraza de café por la noche Traducir
La nueche estrellada
Madame Roulin Rocking the Cradle (La Berceuse) Traducir
Influyencies Anton Mauve Traducir, Paul Gauguin, Willem Roelofs Traducir, Paul Cézanne, Peter Paul Rubens y Jean-François Millet Traducir
Movimientu Posimpresionismo
Espresionismu
Xéneru artísticu pintura de paisaxe
bodegón Traducir
retrato Traducir
IMDb nm0994883
Vincent van Gogh signature (Vincent).svg
Cambiar los datos en Wikidata

Vincent Willem van Gogh (30  de marzu de 1853Zundert Traducir - 29  de xunetu de 1890Auberge Ravoux Traducir) foi un pintor neerlandés, conocíu por ser ún de los principales esponentes del postimpresionismu.


Biografía[editar | editar la fonte]

Una figura perimportante na so vida foi'l so hermanu menor Theo, marchante d'arte en París, quien-y dio sofitu financieru de manera continua y desinteresada. La bona rellación ente ellos ta documentada nes numberoses cartes que s'intercambiaron dende agostu de 1872. De les 800 cartes que se caltienen del pintor, unes 650 fueron para Theo, les otres son correspondencia con amigos y familiares.

Van Gogh foi esencialmente autodidauta. Dende mozu tuvo enclín escontra'l dibuxu. El so primer trabayu foi nuna galería d'arte. Más tarde convirtióse en pastor protestante y en 1879, a la edá de 26 años, coló como misioneru a una rexón minera de Bélxica,ú entamó a dibuxar a la xente de la comunidá llocal. En 1885 pintó la so primer gran obra, Los comedores de pataques. Nesi momentu la so paleta componíase principalmente de tonos aveseos, buxos y terrosos. La llume y la preferencia polos colores vivos pola que ye conocíu surdió darréu, cuando se treslladó al sur de Francia, consiguiendo la so plenitú demientres la so estancia n'Arlés en 1888.

La calidá de la so obra namái foi reconocida dempués de la so muerte, nuna esposición retrospectiva en 1890, considerándose anguaño unu de los grandes maestros de la hestoria de la pintura. Influyó grandemente nel arte del sieglu XX, especialmente ente los espresionistes alemanes y los fauvistes como Derain, Vlaminck y Kees Van Dongen.

Finó a los 37 años por una firida de bala de pistola; entá nun se sabe con seguridad si foi un suicidiu o un homicidiu involuntariu. A pesar de qu'esiste un enclín xeneral a especular que la so enfermedá mental influyera na so pintura, el críticu de arte Robert Hughes cree que les obres del artista tán executaes so un completu control;  ello ye que'l pintor enxamás trabayó nos periodos nos que taba enfermu.

"Los comedores de pataques"
"Campu trigu con cipreses" (1889)

Vincent van Gogh produció tola so obra (unes 900 pintures y 1600 dibuxos) demientres un periodu de solamente 10 años (etapa de 1880-90) hasta que venció a la enfermedá mental (posiblemente un trestornu bipolar o una epilepsia). Decidió ser pintor cuando tenía 27 años y siempres quixo reflexar la vida nes sos obres. La so carrera pictórica ta marcada polos llugares onde vivió y trabayó. Asina s'aprecia na primer etapa de los Países Baxos (1880-1886), onde la pintura tradicional y popular d'esti país, puramente en colores terrosos, fueron lo que más influyó n'obres como "Los comedores de pataques" y les pintures sobre los texedores d'esti llugar. Realizó numberosos dibuxos de mineros, de personaxes populares y copió obres del so pintor favoritu, Millet.

Obra[editar | editar la fonte]

Pintó unos 900 cuadros (ente ellos 27 autorretratos y 148 acuareles) y realizó más de 1600 dibuxos.

Impresionismu[editar | editar la fonte]

La siguiente etapa, en París (1886-1887), ye la que lu pon en contactu colos impresionistes que pretendíen romper col academicismu de la dómina, col treslláu a la pintura de les impresiones de los sos sentíos por aciu la observación de la naturaleza. En París, conoció pintores como Henri de Toulouse-Lautrec y Paul Signac, afayó una nueva perceición de la llume y la color, aprendió la división de les games clares y los tonos y amosó una simplificación al empar qu'una mayor intensidá nel tratamientu de el colores. Nesta dómina empezó a copiar llámines xaponeses, siendo ún de el pintores europeos a los que más influyó esti tipu de pintura.

Posimpresionismu[editar | editar la fonte]

Quiciabes Van Gogh representó meyor el posimpresionismo, estilu qu'asocedió aprosimao nun periodu ente 1885 y 1915. Representó una vía diverxente del impresionismu, ú los pintores faen de la vida cotidiana la so tema principal. Esti términu foi utilizáu per primer vegada en 1910 por Roger Eliot Fry; surde del títulu que dio a la esposición de la Grafton Gallery en Londres: «Manet y los postimpresionistas». Foi utilizáu por artistes como Cézanne, Van Gogh y Seurat pero dacuando tamién por otros artistes de la gran década impresionista (1870-1880) como Matisse y Pierre Bonnard.

La so obra destaca pol usu de la color y una técnica frenética que contién dellos trazos del espresionismu. Van Gogh y Gauguin teníen técniques distintes; Gauguin taba avezáu a pintar de normal nel taller de memoria y Van Gogh precisaba siempres copiar in situ, fueren paisaxes o un modelu. El so temperamentu aponderáu quixo demostralo pela vía de la color.

Los entamos del espresionismu apaecen mientres los dos últimes décades del sieglu XIX, na obra de Van Gogh, La italiana de finales de 1887, y na de Edvard Munch (autor de "El Berru") y, n'otru nivel, na del belga James Ensor (autor de "La entrada de Cristu a Bruxeles"). Un enclín a la que contribuyiría Van Gogh, dempués de la so llegada en 1888 a Arlés, onde'l choque cola llume del sur, embúrria-y a la conquista de la color, con obres como "La nueche estrellada" y "Los Olivus de Saint-Rémy" (1889). Les pintures del periodu de Sant Rémy de Provenza, caracterícense polo xeneral por remolinos y espirales. Dende la dramatización de les escenes de los sos primeros trabayos, a la simplificación que caracterizó les sos últimes obres, nes que Van Gogh yá anuncia l'entamu del espresionismu. Túvose qu'esperar al agostu de 1911, cuando'l críticu d'arte Wilhelm Worringer foi'l primeru en falar del espresionismu.

N'Alemaña y Austria, espresionistes como Ernst Ludwig Kirchner, Erich Heckel, Paul Klee y Oskar Kokoschka van aprender de la técnica de Van Gogh, del nerviosismu, la desaxeración de les llinies y colores, que faen que surda meyor la espresión de los sentimientos y les emociones. El color y l'empastie na proyección de la pintura de Van Gogh, formalizóse quince años más tarde col surdimientu del fovismo. Según Van Gogh: «En llugar de reproducir con exactitú lo que tengo delantre los güeyos, prefiero sirvime de la color pa espresame con más fuerza»

Referencies[editar | editar la fonte]

Enllaces esternos[editar | editar la fonte]