Unukalhai
| Constelación | Serpens |
| Ascensión reuta α | 15h 44min 16,1s |
| Declinación δ | +06º 25’ 32’’ |
| Distancia | 73,2 ± 1,2 años lluz |
| Magnitú visual | +2,63 |
| Magnitú absoluta | +0,87 |
| Lluminosidá | 70 soles (bolométrica) |
| Temperatura | 4300 K |
| Masa | 1,79 soles |
| Radiu | 15 soles (aprox) |
| Tipu espectral | K2III b |
| Velocidá radial | +2,9 km/s |
| Otros nomes | HD 140573 / HR 5854 HIP 77070 / SAO 121157 |
Unukalhai (α Ser / α Serpentis / 24 Serpentis) ye la estrella más brillosa de la constelación de Serpens, la culiebra, asitiada na parte occidental de la mesma (Serpens Caput).
Nome[editar | editar la fonte]
Unukalhai, según les sos variantes Unuk, Unuk al Hai o Unuk Elhaia, proceden del árabe عنق الحية, cunuq[o] al-ħayya[h], y signifiquen «el pescuezu de la culiebra».[1] Otru nome menos frecuente, Cor Serpentis, provién del llatín y significa «el corazón de la culiebra».[1]
Esta estrella puede ser la Lucidus Anguis qu'apaez nes obres Ovidiu y Virxiliu.[2]
Carauterístiques físiques[editar | editar la fonte]
Asitiada a 73 años lluz del Sistema Solar, Unukalhai ye una xigante naranxa de tipu espectral K2IIIb,[3] bien similar a Hamal (α Arietis) y Cebalrai (β Ophiuchi). De magnitú aparente +2,63, la so lluminosidá —incluyida la radiación qu'emite na rexón infrarroxa— ye 70 vegaes mayor que la lluminosidá solar. Con un radiu aprosimao 15 vegaes más grande qu'el radiu solar, la so enerxía provién del tresformamientu de heliu en carbonu y oxíxenu.[4] La so temperatura efectivo de 4300 K dexa calificala como xigante naranxa «caliente» y, como tal, emite rayos X, a diferencia de xigantes naranxes más fríes que nun lo faen.[4] Con una masa un 79% mayor que la masa solar, la so metalicidá ye casi un 50% más elevada que l'atopada nel Sol ([Fe/H] = +0,17).[5]
Visualmente Unukalhai tien una compañera de magnitú +11,8 a 58 segundos d'arcu de la estrella principal que nun paez tar físicamente venceyada a ella.[6]
Referencies[editar | editar la fonte]
- ↑ 1,0 1,1 Unukalhai (The Fixed Stars)
- ↑ Allen, Richard Hinckley (1889). «Serpens», en Courier Dover Publications: Star Names — Their Lore and Meaning (en inglés), 563. ISBN 0-486-21079-0.
- ↑ Unukalhai (SIMBAD)
- ↑ 4,0 4,1 Unukalhai. Stars (Jim Kaler)
- ↑ Liu, Y. J.; Zhao, G.; Shi, J. R.; Pietrzyński, G.; Gieren, W.. «The abundances of nearby rede clump giants». Monthly Notices of the Royal Astronomical Society 382. pp. 553-566. http://cdsads.u-strasbg.fr/cgi-bin/nph-bib_query?2007MNRAS.382..553L&db_key=AST&nosetcookie=1.
- ↑ Unukalhai (The Bright Star Catalogue)
