Tresporte d'Asturies

De Wikipedia
Saltar a navegación Saltar a la gueta

La comunidá autónoma del Principáu d'Asturies ta asitiada na mariña cantábrica del norte de España. La so orografía ye bien accidentada, atópase dixebrada del pandu pola Cordal Cantábricu y los sos nucleos de población, magar tán más concentraos nel centru de la provincia, tán esvalixaos a lo llargo de toa ella. Esto fai qu'Asturies tenga, dende siempres, un déficit tocantes a infraestructures de tresporte que nos últimos años intentóse correxir con delles obres y proyeutos. Ente los proyeutos realizaos o proxectaos anguaño n'Asturies destaquen: la Autovía del Cantábricu (A-8), l'A-63 Uviéu-La Espina, desdoblamientu del AS-18 Uviéu-Xixón (anguaño denominada AS-II ), la variante de Payares pa enllazar cola alta velocidá (destacando los túneles de Payares), el proyectu del Metrotrén Asturies, l'ampliación del puertu de El Musel, etc.

Tresporte per carretera[editar | editar la fonte]

Tocantes a tresporte per carretera hai tres eje tradicionales de comunicación n'Asturies que suponíen les antigües carreteres nacionales: la exa de la mariña, N-632 de Ḷḷuarca a Ribesella; la N-634 de Ribadeo - La Espina - Uviéu - Ribesella - Unquera y l'exa Xixón - Uviéu - Pandu, N-630.

Estes exes modificáronse cola actuación na década de 1990 y la primer década del sieglu XXI de forma que tolos tramos de carretera nacional tán pasando a autovía o autopista y añedióse una nueva exa que constitúi la Autovía Minera. Estes son les autopistes o autovíes d'Asturies:

Tresporte per ferrocarril[editar | editar la fonte]

"Inauguración del ferrocarril a Llangréu", de 1852

N'Asturies operen dos compañíes de ferrocarril: Renfe y FEVE. Dambes ufierten un serviciu de cercaníes, rexonal y nacional de tresporte de persones y mercancíes, magar dende va munchos años el tresporte de mercancíes per ferrocarril foi perdiendo la so importancia yá que la meyora del tresporte per carretera, per un sitiu, y el descensu del nivel de industrialización de la provincia, sobremanera no qu'afecta a siderurxa y minería, restáron-y interés.


Autopistes d'Asturies
Denominación Nome Titularidá
A-63 Autovía Uviéu-La Espina estatal
A-64 Autovía Uviéu-Villaviciosa estatal
A-66 Autovía Ruta de la Plata estatal
A-8 Autovía del Cantábricu estatal
align="left"|Autovía Minera -align="center"


align="left"|Autovía Industrial -align="center"


align="left"|[[Autovía del

Aceru]]||autonómica

Tráficu ferroviariu
1991 1992 2011 2012
Renfe Pasaxeros 1.288 3.824 7.860.748 7.665.142
Mercancíes 2.750 2.167 2.174.567 2.343.920
FEVE Cercaníes 3.357 3.430 3.157.655 2.526.797
Mercancíes 2.728 2.950 1.759.870 1.600.358
Fuentes: Renfe, FEVE y Idepa[1]

Serviciu de cercaníes[editar | editar la fonte]

Llinies de cercaníes d'Asturies
C1 Xixón - Uviéu - Ponte de los Fierros Renfe Operadora
C2 Uviéu - L'Entregu |Renfe

Operadora

C3 Uviéu - San Juan de Nieva Renfe Operadora
C4 Xixón - Cuideiru |Renfe

Operadora (FEVE)

C5 Xixón - Llaviana |Renfe

Operadora (FEVE)

C6 Uviéu - Infiesto Renfe Operadora (FEVE)
C7 Uviéu - San Esteban Renfe Operadora (FEVE)
C8 Trubia - Collanzo Renfe Operadora (FEVE)
C9 Trubia-Uviéu - Xixón Renfe Operadora (FEVE)

Serviciu de llargu percorríu[editar | editar la fonte]

Llinies rexonales y nacionales d'Asturies
trayeutu serviciu compañía
Xixón - Llión - Palencia - Valladolid rexonal Renfe Operadora
Xixón - Madrid llargu percorríu (Alvia) Renfe Operador
Xixón - Barcelona llargu percorríu (Alvia) Renfe Operador
Xixón - Alicante llargu percorríu (Alvia) Renfe Operador
Xixón - Ferrol rexonal Renfe Operadora FEVE
Uviéu - Santander rexonal Renfe Operadora FEVE

Tresporte marítimu[editar | editar la fonte]

Los dos puertos más importantes d'Asturies son el puertu d'Avilés (Avilés) y el puertu de El Musel (Xixón).

Puertu d'El Musel[editar | editar la fonte]

Artículu principal: El Musel

Dispon d'una terminal de Ro-Ro perteneciente a la Llinia Atlántica Ro-Ro. Dispon de terminales pa graneles sólidos, contenedores, carga xeneral, productos siderúrxicos, graneles líquidos y pesca.

Tráficu marítimu por Tonelaes de Rexistru Brutu (millones de Tm.)[2]
1997 1999 2000 2001 2002 2003 2004 2005 2006 2007 2008 2009 2010 2011
El Musel 13.464 18.217 19.916 19.158 20.490 19.165 19.922 21.790 20.481 20.778 19.329 14.631 15.718 15.186

Puertu d'Avilés[editar | editar la fonte]

Artículu principal: Puertu d'Avilés

Ta asitiáu na Ría d'Avilés y dispon de les siguientes instalaciones: Muelles de San Agustín, Muelle pesqueru, Muelles de Raigaños, Ampliación del Muelles de Raigaños, Dársena de San Juan de Nieva y Muelle de Inespal. Dispon tamién de Terminal de contenedores, tráficu de graneles y productos siderúrxicos.

Tráficu marítimu por Tonelaes de Rexistru Brutu (miles de Tm.)
1991 1992 1993 1994 1995 1996 1997 1998 1999 2000 2001 2002 2003 2004 2012
Avilés 3.413 3.683 3.446 4.044 4.099 3.852 3.748 3.909 3.514 4.138 3.794 4.162 4.771 5.086 5.118

Tresporte aereu[editar | editar la fonte]

Entrada al Aeropuertu d'Asturies, en Santiago del Monte, Castrillón

N'Asturies hai un aeropuertu perteneciente a AENA, el Aeropuertu d'Asturies, en Castrillón. Esiste amás un aeródromu, el de La Morgal, en Llanera.

Aeropuertu d'Asturies[editar | editar la fonte]

Artículu principal: Aeropuertu d'Asturies

L'Aeropuertu d'Asturies ye un aeropuertu Nacional de AENA. Con más d'un millón de pasaxeros al añu, aumentó'l númberu d'éstos gracies a la creación de nuevos destinos y al aumentu de la frecuencia de vuelu colos yá esistentes. Opera coles compañíes Iberia LAE, Air Europa, Air Nostrum y Easy Jet y da serviciu a los siguientes destinos: Madrid, Barcelona, Alicante, Lanzarote, Málaga, Palma de Mallorca, Sevilla, Tenerife, Valencia, París y Londres.


Tráficu aereu nel Aeropuertu d'Asturies
19751 19912 19922 2000 2001 2002 2003 2004 2005 2006 2007 2008 2009 2010 2011 2012
Pasaxeros 176.100 305.321 350.418 817.497 816.497 816.087 771.238 837.245 1.251.495 1.353.030 1.560.830 1.530.245 1.316.088 1.355.364 1.339.010 1.309.640
Operaciones 1.969 2.171 13.131 12.526 12.036 12.867 14.198 17.535 17.987 19.149 18.371 16.033 16.538 15.349 13.252
kg. mercancíes 368.420 360.230 598.133 641.241 577.235 484.441 420.256 230.301 199.498 196.741 139.465 113.149 110.645 136.772 101.782
Fuentes d'información:Delegación Provincial d'IBERIA1, Aeropuertu d'Asturies2 y AENA[3]

Aeródromu de La Morgal[editar | editar la fonte]

Artículu principal: Aeródromu de La Morgal

Dotáu d'una pista d'aterrizaxe de 930 m y de un helipuertu. Ta dedicáu a la aviación non comercial y deportiva. Ye la base del helicópteru de los Bomberos del Principáu d'Asturies y el 112 Asturies.

Consorciu de Tresportes d'Asturies[editar | editar la fonte]

El Consorciu de Tresportes d'Asturies (CTA) ye un ente públicu del Principáu d'Asturies creáu pola Llei 1/2002 del Gobierno del Principáu d'Asturies.[4] Nel Consorciu tán integraos, amás del Gobiernu del Principáu, 14 conceyos[5] d'otros tantos conceyos asturianos pa coordinar y xestionar los tresportes según desenvolver polítiques alcordaes d'ordenación del tresporte de viaxeros nel Principáu d'Asturies.

El Consorciu tien suscritos alcuerdos con distintes operadores de viaxes per carretera y ferrocarril por que los viaxeros que dispongan de tarxetes de tresporte del CTA mover nos distintos autobuses urbanos, interurbanos o trenes a un mesmu preciu.

Referencies[editar | editar la fonte]


Transporte de Asturias