Cercaníes d'Asturies

De Wikipedia
Cercaníes d'Asturies
Renfe Cercaníes y commuter rail network (en) Traducir
País España
Autonomía Principáu d'Asturies
Direición España
Participación empresarial
Formáu por Llinia C-1 (Cercaníes d’Asturies)
Llinia C-2 (Cercaníes d’Asturies)
llinia C-3 (Cercaníes d’Asturies)
llinia C-4 (Cercaníes Asturies)
llinia C-5 (Cercaníes d’Asturies)
llinia C-6 (Cercaníes d’Asturies)
llinia C-7 (Cercaníes d’Asturies)
llinia C-8 (Cercaníes d’Asturies)
llinia C-5a (Cercaníes d’Asturies)
Web oficial
Cambiar los datos en Wikidata
Mapa de Cercaníes d'Asturies n'asturianu
Tren na estación de Fierros.

La rede de cercaníes d'Asturies ye'l serviciu operáu por RENFE na comunidá autónoma d'Asturies que realiza servicios ferroviarios ente les principales llocalidaes del Principáu. Ta intregrada nel Consorciu de Tresporte d'Asturies y esiste dende los años 80 del sieglu XX.

Na actualidá consta de 9 llinies de tren, 3 d'elles d'anchu ibéricu (C-1, C-2 y C-3) y les 6 restantes d'anchu métricu (C-4, C-5, C-5a, C-6, C-7 y C-8). Les trés primeres son xestionaes por Renfe Cercaníes,  ente que'l restu de llinies son operaes por Renfe Anchu Métricu (d'antiguo FEVE, que la so denominación permanez entá nes estaciones).

La infrastructura ye xestionada por Adif, esto ye, víes y estaciones, ente que'l material rodante y la xestión de los horarios depende de Renfe. Dambes empreses dependen del Ministeriu de Fomentu d'España.

Anchu ibéricu[editar | editar la fonte]

No que fai a les llinies d'anchu ibéricu, la llinia C-1 circula pela llinia Llión-Xixón, ramal de la llinia Palencia-La Coruña. Poro, la llinia C-1 comparte les víes en tol so percorríu con trenes de Media Distancia Renfe, los cuálos acepten -dacuando- viaxeros con billete cercaníes, ente Xixón y Lleón, faciendo paraes n'Uvieu, Llamaquique, La Pola y Mieres, y colos trenes de llargu percorríu Alvia y servicios de mercancíes. La llinia C-2 comparte la llinia cola llinia C-1 ente Uviéu y Sotu Rei, onde s'esvia pol ramal Sotu de Rey-Ciañu Santa Ana, inauguráu en 1894. La llinia C-3 circula pela llinia Lleón-Xixón ente Uviéu-Llamaquique y Villabona d'Asturies, onde continua pol ramal Villabona d'Asturies-San Xuan de Nieva. Toles llinies d'anchu ibéricu de cercaníes coinciden nes estaciones d'Uviéu y Llamaquique. Les llinies C-2 y C-3 suelen "fusionase", faciendo los trenes el reccorriu ente San Xuan y L'Entregu.

Anchu métricu[editar | editar la fonte]

Trés de les llinies d'anchu métricu comparten víes colos trenes rexonales que comuniquen el Principáu d'Asturies con Cantabria y Galicia, usando en parte la llinia Ferrol-Bilbao. Servicios de cercaníes coinciden en diversos tramos colos servicios rexonales Ferrol-Uviéu-Santander, ente Cuideiru y Pravia (C-4), Pravia y Uviéu (C-7) y na totalidá de la llinia C-6, ente les estaciones d'Uviéu y L'Infiestu. Adicionalmente, circulen servicios de cercaníes semidirectos entre Uviéuy Xixón (C-5a), pasando por El Berrón.

Llinies de la rede[editar | editar la fonte]

Mapa de la rede
Cercaníes Asturies
Llinies qu'operen en víes de anchu ibéricu
Llinia Orixe/Destinu Destinu/Orixe
Llinia C-1 Xixón-Sanz Crespo Fierros
Llinia C-2 L'Entregu Uvíeu
Llinia C-3 San Xuan Llamaquique
Llinies qu'operen en víes de anchu métricu
Llinia C-4 Xixón Sanz Crespo Cuideiru
Llinia C-5 Xixón Sanz Crespo Llaviana
Llinia C-5a Uviéu Xixón Sanz Crespo
Llínía C-6 Uviéu L'Infiestu
Llinia C-7 Uviéu San Esteban
Llinia C-8 Coḷḷanzo Baíña

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]