Estación del Norte d'Uviéu

Estación del Norte d'Uviéu
	estación de ferrocarril y Estación soterraña
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Uviéu
Coordenaes	43°21′59″N 5°51′18″W / 43.36629887°N 5.85497364°O
	Estación del Norte d'Uviéu Estación del Norte d'Uviéu (Asturies)
Historia y usu
Dueñu	Administrador de Infraestructuras Ferroviarias
Xestión	Renfe Operadora
Estación
Conexones	Llinia Venta de Baños-Xixón ; llinia Uviéu-Valdecilla La Marga ; llinia Uvieu-Trubia
Próximes estaciones	ver Estación de Llamaquique ; Vía de tren: Llinia Venta de Baños-Xixón; Estación de La Corredoria ; Vía de tren: Llinia Venta de Baños-Xixón; Estación de La Corredoria ; Vía de tren: llinia Uviéu-Valdecilla La Marga; Estación de Vallobín ; Vía de tren: llinia Uvieu-Trubia;
Tipos de tren	Alvia; Llinia C-1 (Cercaníes d’Asturies); Llinia C-2 (Cercaníes d’Asturies); llinia C-3 (Cercaníes d’Asturies); Media Distancia; Trenhotel; llinia C-6 (Cercaníes d’Asturies); llinia C-7 (Cercaníes d’Asturies); Llinia R-2 (Renfe Rexonales AM); Renfe Feve; llinia C-5a (Cercaníes d’Asturies)
Andenes	13
Instalaciones
Aparcamientu
Baño público (es)

La estación del Norte (tamién llamada estación d'Uviéu) ye la principal estación de ferrocarril de la ciudá d'Uviéu, nel Principáu d'Asturies. Dispón d'amplios servicios de llarga distancia, media distancia, rexonales y cercaníes operaos por Renfe tantu sobro vía ancha como sobro vía estrecha. Los percorríos xunen Uviéu colos principales conceyos de la comunidá y col restu de la cordelera cantábrica, Llión, Castiella, el Llevante y Cataluña.

Ta asitiada a la fin de la cai Uría, exe comercial por excelencia de la ciudá. Ta xunto a la estación d'autobuses d'Uviéu, construyida nel 2003.

Situación ferroviaria

La estación va xunida a dellos trazaos ferroviarios tantu de vía ancha como de vía estrecha. Per un sitiu atópase nel PK 139,1 de la llinia ferrial d'anchu ibéricu que xune Venta de Baños con Xixón a 225 metros d'altitú.^[1] Esa ye la llinia principal que da serviciu a la estación al xunila con Venta de Baños onde enllaza cola radial Madrid-Hendaia.

Per otru llau, ye'l PK 0 de la llinia ferrial de vía estrecha Uviéu-Trubia y el PK 313,8 de la llinia Ferrol-Aranguren.^[2]

Historia

Foi inaugurada'l 23 de xunetu de 1874 tres l'apertura entamo Xixón-La Pola Ḷḷena, de la llinia ente Xixón y Lleón que buscaba enllazar Asturies con Castiella. Les obres corrieron al cargu de la Compañía de los Ferrocarriles d'Asturies, Galicia y Lleón.^[3]

Foi construyida como una estación mista de pasaxeros y mercancíes. En 1883 la estación creció por cuenta de la inauguración del ferrocarril ente Uviéu y Trubia que tenía como principales finalidaes recoyer el carbón procedente de Quirós, Teberga y Proaza que llegaba hasta Trubia nun ferrocarril mineru y comunicar la Fábrica de Cañones de Trubia. En 1885, tres la desapaición de la Compañía de los Ferrocarriles d'Asturies, Galicia y Lleón pola so quiebra derivada de les faraóniques obres d'accesu del ferrocarril a Asturies y Galicia, la estación y tol patrimoniu de la compañía pasaron a manes de la Compañía de los Caminos de Fierro del Norte d'España. En 1941, tres el trespasu de dicha compañía a RENFE la estación pasó a manes d'esta empresa pública. Estropiada pola Guerra Civil, foi reconstruyida siguiendo los planos del arquiteutu Agustín Ballesteros.^[4] La obra foi inaugurada por José María Fernández Ladreda el 14 d'ochobre de 1946.

En 1998 empezaron unes importantes obres na estación: para ameyorar la integración del ferrocarril na ciudá construyóse una llosa piatonal percima de la estación. Per otru llau, en 1999, tres la clausura d'Uviéu-Xovellanos y d'Uviéu-Económicos, ambes estaciones de FEVE, esta compañía empezó a emprestar los sos servicios dende esta estación. En 2013, la desapaición de FEVE dexó a RENFE como únicu operador de tolos servicios emprestaos pola estación y a ADIF como titular de toles instalaciones ferroviaries, tantu de vía ancha como de vía estrecha.^[5]

Referencies

↑ «Red ferroviaria española». Archiváu dende l'orixinal, el 2013-10-18.
↑ Euroferroviarios. «Oviedo-Intermodal» (castellanu). Consultáu'l 31 de xineru de 2018.
↑ «Cronología básica del ferrocarril español de vía ancha» (castellanu). Consultáu'l 31 de xineru de 2018.
↑ El Comercio (13 d'ochobre de 2012). «Adif saca a licitación la limpieza de la estación de tren por 700.000 euros» (castellanu). Consultáu'l 31 de xineru de 2018.
↑ La Nueva España (31 d'avientu de 2012). «FEVE desaparece este lunes, 31 d'avientu, para integrarse en RENFE y ADIF» (castellanu). Consultáu'l 31 de xineru de 2018.

Enllaces esternos

Cercaníes Asturies
Anterior	Llinia	Siguiente
Llamaquique direición Puente de Los Fierros		La Corredoria direición Xixón-Sanz Crespo
Llamaquique direición L'Entregu		Terminal
Llamaquique fin de llinia		La Corredoria direición San Xuan de Nieva
Terminal		La Corredoria direición L'Infiestu-apeaderu
Vallobín direición San Esteban		Terminal
Vallobín direición Trubia		Parque Principado direición Gijón

[1] «Red ferroviaria española». Archiváu dende l'orixinal, el 2013-10-18.

[2] Euroferroviarios. «Oviedo-Intermodal» (castellanu). Consultáu'l 31 de xineru de 2018.

[docu-3] «Cronología básica del ferrocarril español de vía ancha» (castellanu). Consultáu'l 31 de xineru de 2018.

[4] El Comercio (13 d'ochobre de 2012). «Adif saca a licitación la limpieza de la estación de tren por 700.000 euros» (castellanu). Consultáu'l 31 de xineru de 2018.

[5] La Nueva España (31 d'avientu de 2012). «FEVE desaparece este lunes, 31 d'avientu, para integrarse en RENFE y ADIF» (castellanu). Consultáu'l 31 de xineru de 2018.

[1]

[2]

[3]

[4]

[5]