Steve McQueen (actor)

De Wikipedia
Saltar a navegación Saltar a la gueta
Steve McQueen (actor)
Steve McQueen (actor)
Steve McQueen.png
Vida
Nome completu Terrence Steven McQueen
Nacimientu Beech Grove24  de marzu de 1930
Nacionalidá Bandera de Estaos Xuníos d'América Estaos Xuníos
Grupu étnicu Scottish American
Fallecimientu

Ciudad Juárez7  de payares de 1980

(50 años)
Causa de la muerte mesotelioma
Familia
Casáu/ada con Neile Adams  (1956 -  1972)
Ali MacGraw  (1973 -  1978)
Barbara Minty  (1980 -
Fíos/es
Familia
Estudios
Estudios Neighborhood Playhouse School of the Theatre
Llingües inglés
Oficiu
Oficiu actor, actor de cine, piloto de motociclismo y pilotu d'automovilismu
Altor 1,76 metru
Nominaciones
Serviciu militar
Cuerpu militar Cuerpu de Marines de los Estaos Xuníos
Creencies
Partíu políticu Partíu Republicanu de los Estaos Xuníos
IMDb nm0000537
www.stevemcqueen.com
Cambiar los datos en Wikidata

Steve McQueen (Beech Grove, Indiana, Estaos Xuníos, 24 de marzu de 1930 - Ciudá Juárez, Chihuahua, Méxicu 7 de payares de 1980) foi un actor estauxunidense moteyáu "The King of Cool". Ye conocíu por películes como El gran fuximientu (1963), El Yang-tsé en llapaes (1966), Bullitt (1968), La fuxida (película de 1972), Papillon (1973) o El colosu en llapaes (1974). El so fíu Chad McQueen y el so nietu Steven R. McQueen tamién son actores.

Biografía[editar | editar la fonte]

Mocedá[editar | editar la fonte]

L'actor nunca conoció al so padre, quien lu abandonó poco primero de que naciera y lo que lu afectó al so desenvolvimientu emocional mientres tola so vida. Creció na casa del so tíu, nel estáu de Misuri, y a los dolce años yera un mozu rebalbu. El so tíu tomó la decisión d'unvialo cola so madre, que vivía en Los Angeles. Pero tan solo dos años dempués foi unviáu a un reformatoriu.

Abandonó'l reformatoriu y vagabundeó hasta apuntase a los Marines en 1947. Cinco años más tarde, teniendo en cuenta que l'Estáu emprestaba ayuda económica a los militares por que se reincorporaren a la vida corriente, decidió ser actor y empezó a estudiar na famosa Actor's Studio (Nueva York).

Cine[editar | editar la fonte]

En 1955 consiguió'l so primer papel en Broadway y un añu más tarde actuó en papeles secundarios de cine. En 1958 protagonizó The blob y mientres los dos años siguientes actuó nuna serie de televisión que-y valió'l reconocencia de la crítica.

Pero, la película que-y convirtió nuna estrella foi El gran fuximientu (1963). Foi nomáu al Óscar por protagonizar El Yang-tsé en llapaes (1966) y repitió l'ésitu con Bullit (1968). Esi mesmu añu protagonizó otru clásicu: El casu de Thomas Crown (1968).

A partir d'entós, McQueen foi combinando papeles d'acción, como na película de carreres d'autos Le Mans (1971), la taquillera La fuxida (1972), con papeles de calter, como en Papillon (1973), demostrando qu'amás d'estrella yera un bon actor. Otros papeles destacables son los de Cincinnati Kid en El rei del xuegu y la so participación nes películes de Sam Peckimpah Junior Bonner y La fuxida onde empecipio un romance cola que seria la so segunda esposa Ali MacGraw.

Dempués de El colosu en llapaes, una de les meyores películes de catástrofe realizada en 1974, y na que McQueen compartió'l cartelu con actores de la talla de Paul Newman o William Holden, retirar por unos años del cine. Tornó en 1978 p'actuar en An Enemy of the People.

McQueen foi un gran aficionáu de la adrenalina, de les motocicletes y de los automóviles de carreres. Amaba les máquines rápides y aprovechaba cada ocasión que se-y presentaba pa conducir él mesmu los vehículos nes escenes de les sos películes nes qu'había persecuciones de motocicletes o automóviles. Nel intre de la so carrera d'actor llegó a considerar seriamente convertise en pilotu de carreres. Foi unu de los amigos personales del maestru d'artes marciales Bruce Lee y entrenóse en Jeet Kune Do.

Dempués de 1978 McQueen protagonizó dos películes más, nuna de les cualos, Tom Horn, destaca pol so escelente interpretación.

Fallecimientu[editar | editar la fonte]

Steve McQueen morrió de cáncer de pulmón el 7 de payares de 1980 a la temprana edá de 50 años, en Ciudá Juárez (Chihuahua, Méxicu). Créese que la so enfermedá pudo tar rellacionada cola inhalación del asbesto de llimpiar los cascos de los buques de la Marina.

Vida privada[editar | editar la fonte]

Ali MacGraw mientres la película The Getaway de 1972, que protagonizó xuntu Steve McQueen. Ella convertiríase na so segunda esposa.
  • La so vida sentimental foi inestable. Casóse cola so tercera y última esposa, Barbara McQueen Brunsvold, en xineru de 1980: diez meses enantes de morrer. Antaño tuvo casáu cola tamién actriz Ali MacGraw y enantes cola madre de los sos dos fíos; Neile Adams.
  • Tuvo na famosa llista negra de la secta del asesín Charles Manson: La familia. En cuanto enteróse de que Sharon Tate foi asesinada y que él podía ser el siguiente, mercóse una pistola que siempres llevaba.[ensin referencies]

Filmografía[editar | editar la fonte]

Premios[editar | editar la fonte]

Óscar[editar | editar la fonte]

Añu Categoría Película Resultancia
1966 Meyor Actor The Sand Pebbles Candidatu

Enllaces esternos[editar | editar la fonte]