Ali MacGraw

De Wikipedia
Saltar a: navegación, buscar
Ali MacGraw
Ali MacGraw
Alimacgraw.jpg
Fotograma del reclamu de la película de 1972
The Getaway, de Sam Peckinpah.
Nome real Elizabeth Alice MacGraw
Nacencia 01 d'abril de 1939 (78 años)
Bandera de Estaos Xuníos d'América Pound Ridge, Westchester, Nueva York, Estaos Xuníos
Fíu/os Josh Evans (1971)
Ficha en IMDb

Alice MacGraw (Elizabeth Alice MacGraw: n. Pound Ridge, del El Condao de Westchester, nel estáu de Nueva York, 1 d'abril de 1939) ye una actriz y modelu estaunidense. De padre con ascendencia escocesa ya irlandesa y madre xudía-hungara, tien un hermanu. Empezó a trabayar en 1960 como asistente de fotografía na revista de moda Harper's Bazaar, foi asistente de la esperta en moda Diana Vreeland na revista Vogue, y como modelu y estilista. Tamién trabayó como decoradora d'interiores.

La so popularidá empezó cola película Complicidá sexual (1969), pero algamó l'estrellalgu cola película de 1970 Love Story, xuntu a Ryan O'Neal, pola que foi candidata al Óscar a la meyor actriz. MacGraw foi portada de la revista Time. El 24 d'ochobre de 1969, casóse col productor de cine Robert Evans; d'esti matrimoniu nació'l so fíu, Josh Evans (16 de xineru de 1971 na ciudá de New York) , quien tamién ye actor. La pareya divorciáronse en 1972, dempués de qu'ella empecipiara una relación con Steve McQueen mientres el rodaxe de La fuxida (1972). Casáronse'l 31 d'agostu de 1973, pero divorciáronse en 1978.

MacGraw trabayó n'otres películes como Convói (1978), Pasiones en xuegu (1979), Dimi lo que quies (1980), y nes miniseries de televisión China Rose y Vientos de guerra. Escribió la so autobiografía, Moving Pictures, na que describe los sos problemes col alcohol y la dependencia colos homes. En 1991, la revista People escoyó a Ali como una de les 50 muyeres más belles del mundu.

Premios[editar | editar la fonte]

Óscar[editar | editar la fonte]

Añu Categoría Película Resultancia
1970 Meyor actriz Love Story Candidata

Intereses[editar | editar la fonte]

Ali ye mentada nel capítulu 11 de la temporada 11 de Los Simpsons, Faith off, episodiu conocíu n'España col estrañu títulu de Cara fuera.

Tamién ye mentada na tema de los Rolling Stones Star Star.

Enllaces esternos[editar | editar la fonte]