Pedro Calderón de la Barca
| Pedro Calderón de la Barca | |
|---|---|
 |
|
| Vida | |
| Nacimientu | Madrid, 17 de xineru de 1600 |
| Nacionalidá |  España |
| Grupu étnicu | españoles |
| Llingua materna | español medio |
| Fallecimientu |
Madrid, 25 de mayu de 1681 (81 años) |
| Estudios | |
| Estudios | Universidá de Salamanca 1615) bachiller Universidá d'Alcalá Reales Estudios de San Isidro (1608 - 1613) |
| Llingües | inglés |
| Oficiu | |
| Oficiu | dramaturgu, poeta y escritor |
| Trabayos destacaos | La vida es sueño |
| Miembru de | Orden de Santiago |
| Movimientu | literatura del barroco |
| Xéneru artísticu | Poesía Teatru |
| IMDb | nm0209163 |
 |
|
Pedro Calderón de la Barca (17 de xineru de 1600 – 25 de mayu de 1681) foi un dramaturgu y poeta español.
De familia acomodada, so pá tuviere un cargu alministrativu na corte. Estudia nel Colexu Imperial de los Xesuítes, onde cursa Humanidaes y familiarizase colos clásicos. Posteriormente estudia nes universidaes d'Alcalá d'Henares y de Salamanca. En 1620 abandona la carrera eclesiástica, cola pa Madrid, y vive na corte una vida llibre pero nun esenta d'atribulaciones. A estes altures entama a presentase a certames poéticos. Haza 1623 unvíenlu pa Flandes como soldáu y en 1625 inicia la so carrera dramática, hasta convertise nel dramaturgu oficial de la corte. En 1636 el rei concede-y l'hábitu de Santiago. Un añu dempués retoma la so carrera militar, de la cuala retirase en 1642.
En 1651 ordénase sacerdote. En 1663 nomenlu capellán del rei y afítase nuevamente na corte, dirixendo la representación d'autos sacramentales y otres pieces teatrales. Durante los caberos años de la so vida namás compón autos y comedies pa estrenar na corte.
Autor d'una obra vasta que marca decisivamente la hestoria del teatru en castellanu, pente les sos creyaciones (autos sacramentales, zarzueles, entremeses, comedies relixoses, de costumes, d'amor y filosófiques), destaquen: El dragoncillo, El laurel de Apolo, El mágico prodigioso, La dama duende, El alcalde de Zalamea, La vida es sueño o El gran teatro del mundo.
Enllaces esternos[editar | editar la fonte]
Wikimedia Commons acueye conteníu multimedia sobre Pedro Calderón de la Barca.
